మూవీ: హిట్ – 2 nd కెస్ 

విడుదల తేదీ : 0 2-12- 2022

నటీనటులు: అడివి శేష్, మీనాక్షి, రావు రమేష్, తనికెళ్ల భరణి, పోసాని కృష్ణ మురళి, కోమలి ప్రసాద్, శ్రీనాథ్ మాగంటి, శ్రీకాంత్ అయ్యంగార్

దర్శకుడు : డా. శైలేష్ కొలను

నిర్మాత: ప్రశాంతి తిపిర్నేని

సంగీత దర్శకులు: ఎం ఎం శ్రీలేఖ, సురేష్ బొబ్బిలి

సినిమాటోగ్రఫీ: ఎస్.మణికందన్

ఎడిటర్: గ్యారీ Bh

హిట్ 2 nd కేస్ సినిమా తెలుగు రివ్యూ: 

మన తెలుగు స్టైలిష్,  యంగ్  అండ్ ప్రామిసింగ్ హీరో అడివి శేష్ హీరోగా మీనాక్షి చౌదరి హీరోయిన్ గా దర్శకుడు శైలేష్ కొలను తెరకెక్కించిన లేటెస్ట్ ఇంటెన్స్ థ్రిల్లర్ “హిట్ 2”. ఈ సినిమా ఈ రోజు విడుదల అయింది. మరి ప్రేక్షకులను ఈ చిత్రం ఏ మేరకు మెప్పించిందో మా 18 f మూవీస్ టీం రివ్యూ చదివి తెలుసుకొందామా !

కధ (STORY) పరిశీలిస్తే:

నర హత్య పరిశోదన విభాగం ( Homecide Intervestion Team) HIT ఆఫీసు లో   కృష్ణదేవ్ అలియాస్ కేడీ (ADIVI SESH) సిన్సియర్ అండ్ ఇంటెలిజెంట్ పోలీస్ ఆఫీసర్. ఎలాంటి క్రిటికల్ కేసు అయినా చాలా షార్ప్ గా చాలా క్లారిటీగా ఫైండ్ అవుట్ చేస్తాడు.

తాను పనిచేస్తున్న వైజాగ్ ఆఫీసు లోనే సంజన అనే అమ్మాయిని ఎవరో అతి దారుణంగా ముక్కలు ముక్కలుగా నరికి చంపేస్తారు. ఆ సీరియల్ కిల్లర్ ను పట్టుకోవడానికి రంగంలోకి దిగుతాడు కేడీ. హంతకులదీ కోడి బుర్రలు నేను  కొన్ని గంటల్లోనే ఎలాంటి హత్య చేసిన  హంతకుడి నైనా  పట్టుకుంటా అనే ఓవర్ కాన్ఫిడెన్స్ తో ఉన్న కేడీకి….

ఈ వరస హత్యల వెనుక  కిల్లర్ ఎవరు ?

ఎందుకు అమ్మాయిలనే టార్గెట్ చేశాడు ?

కేడి కి పోలీస్ శాఖ కు ఎలా  సవాల్ గా మారాడు ?,

అసలు ఆ కిల్లర్ మోటో ఏంటి ?,

కేడి ఎలాంటి  పరిశోదన చేసి కిల్లర్ ని పట్టుకొన్నాడు ?,

కిల్లర్ ని పట్టుకొనే సమయం లో  పోలీస్ డిపార్ట్మెంట్ ఎలా సహాయపడింది ?

ఈ క్రమంలో జరిగిన నాటకీయ పరిణామాలు ఏమిటి ?,

కేడీ లవర్ అయిన ఆర్యాని (మీనాక్షి చౌదరి) కిల్లర్  ఎందుకు టార్గెట్ చేశాడు?,

చివరకు కేడీ ఆ కిల్లర్ ను పట్టుకున్నాడా? అర్వాని కాపాడడా  ?

అనే ప్రశ్నలు మీకు ఇంటెస్టింగ్ గా కొత్తగా ఉంటే దియేటర్ లో తప్పకుండా చూడవలసిన సినిమా.

మనుషుల బాడి పార్ట్శ్ తో కొన్ని సీన్స్ బయంకారంగా ఉండవచ్చు. కానీసోనీ టివి లో గత 15 సంవత్సరాల గా ప్రచారం అవుతున్న సి ఐ డీ సీరియల్ ఇస్టపడే వారు కూడా దియేటర్ ఎక్స్పీరియన్స్ లో ఈ హిట్ సిరీస్ ని  ఎంజాయ్ చేస్తారు.

కధ కథనం (SCREEN – PLAY) పరిశీలిస్తే:

హిట్ 2 కి  క్రైమ్ డ్రామా ఉన్నా.. కొన్ని చోట్ల స్క్రీన్ – ప్లే సింపుల్ గా ఉండి తరువాత ఎమీ జరుగుతుంది అన్నట్టు సాగుతుంది. అలాగే సినిమా ఓపెనింగ్ కి మంచి పాయింట్ అండ్ కంటెంట్ ఉన్నా.. మెయిన్ ప్లాట్ ఇన్వెస్టిగేసన్  సీన్స్ చాలా సింపుల్ గా సాగాయి.

మెయిన్  విలన్ ట్రాక్ ఇంకా బలంగా ఉండాల్సింది. కిల్లర్ గా నటించిన నటుడి నిడివి చాలా తక్కువగా సింపుల్ గా అనిపించింది. అదేవిధంగా విలన్ గా నటించిన నటుడు కూడా ఆ పాత్రకు పర్ఫెక్ట్ గా సూట్ కాలేదు సైకో సీరియల్ కిల్లర్ గా మారిన ప్రొఫెషనల్ వ్యక్తి కి భలమైన ప్లాస్ బాక్ స్టోరీ లేకపోవవడం స్క్రీన్ – ప్లే లోపమే.

దీనికి తోడు విలన్ తాలూకు మోటివ్ కూడా పూర్తి సినిమాటిక్ గా ఉంది. మొత్తానికి దర్శక రచయిత  తాను  అనుకున్న కంటెంట్ ను స్క్రీన్ మీద బాగా ఎలివేట్ చేసినా.. కొన్ని సీన్స్ విషయంలో పర్వాలేదని పించాడు.

నటి-నటుల నటన, దర్శకుడు ప్రతిభ పరిశీలిస్తే:

బెస్ట్ యాక్టర్ గా బ్రిలియంట్  పెర్ఫార్మెన్స్ ఇచ్చే  అడవి శేష్ హిట్ 2 లో  సీరియస్ పోలీస్ అధికారిగా ఆకట్టుకున్నడు . తన డైలాగ్ డెలివరీ అండ్ మేనరిజమ్ చాలా బాగున్నాయి. క్రైమ్ అండ్ సీరియస్ సన్నివేశాల్లోని శేష్ నటన సినిమాకే హైలైట్ గా నిలిచింది.

కథ రీత్యా హీరోయిన్ మీనాక్షి చౌదరి పాత్రకు అంత పెద్దగా నిడివి లేకున్నప్పటికీ శేష్ తో వచ్చే లవ్ అండ్ రొమాంటిక్ సీన్స్ లో ఆమె మెప్పించింది.

హీరోకి ఇన్వెస్టిగేషన్ లో సహాయకురాలిగా నటించిన కోమలి ప్రసాద్ నటన బాగుంది. అలాగే రావు రమేష్, తనికెళ్ల భరణి, పోసాని కృష్ణ మురళి, శ్రీకాంత్ అయ్యంగార్ తదితరులు తమ పాత్రలకు న్యాయం చేశారు.

సినిమా నిర్మాణ విలువలు, బీజీఎమ్ చాలా బాగున్నాయి. సినిమాలో ప్రతి ఫ్రేమ్ రిచ్ గా అనిపిస్తుంది.

కొన్ని ఇన్వెస్టిగేటివ్ సన్నివేశాలలో థ్రిల్లింగ్ ఎలిమెంట్స్ బాగున్నాయి. అలాగే క్లైమాక్స్ లో కిల్లర్ నీ ఐడెంటిఫై చేసే సీన్స్ ఏక్షపెక్ట్ చెయ్యనివిగా ఉంటాయి. దర్శకుడు డా. శైలేష్ కొలను రాసుకున్న క్రైం డ్రామా చాలా ఇంట్రెస్టింగ్ గా సాగింది. ముఖ్యంగా క్లైమాక్స్ ట్విస్ట్ కూడా ఆకట్టుకుంది.

సాంకేతిక విభాగం పనితీరు పరిశీలిస్తే: 

హిట్ సీరీస్ సాంకేతిక విభాగం గురించి మాట్లాడుకుంటే.. దర్శకుడు శైలేష్ కొలను మంచి క్రైమ్ థ్రిల్లర్స్ కి గుడ్ ట్రీట్మెంట్ ను యాడ్ చేసి ఇంట్రెస్ట్ పెంచారు.

సినిమా లో కిల్లర్ ట్రాక్ ఇంకొంచెం డీటెయిల్ గా  రాసుకో వలసింది.  అంటే చిన్న ఎన్కౌంటర్ నీ హోం మినిస్టర్ మానిటర్ చేయడం, ఇన్వెస్టిగేటివ్ స్పీడ్ లో కంటిన్యూటి మిస్ అవ్వడం ఇలాంటీ కొన్ని సీన్స్ తగ్గించి సహజ పద్దతిలో రాసుకొని ఉండాల్సింది. సినిమాటోగ్రఫీ బాగుంది.

మూవీ ఓపెనింగ్ దృశ్యాలతో పాటు సెకెండ్ హాఫ్ లో వచ్చే కొన్ని కీలక సన్నివేశాలను కెమెరామెన్ చాలా నేచురల్ గా చూపించారు.

సంగీతం బాగుంది. నేపథ్య సంగీతం (బ్యాక్ డ్రాప్ స్కోర్) సీన్స్ స్పీడ్ పెంచేలా ఉంది.

ఎడిటింగ్ కూడా ఆకట్టుకుంది. ప్రొడక్షన్ వాల్యూస్ బాగా ఉండీ చూపించిన్నంతలో వైజాగ్ సిటీ చుట్టి పక్కల గ్రామాల అందంగా రిచ్ గా  చూపించే ప్రయత్నం చాలా బాగుంది.

18FMovies టీం ఒపీనియన్ :

యంగ్ టాలెంటెడ్ యాక్టర్  అడవి శేష్ మెయిన్ లీడ్ లో వచ్చిన ఈ క్రైమ్ థ్రిల్లర్.. కొన్ని ఇంట్రెస్టింగ్ సీన్స్ తో  పాటు థ్రిల్లింగ్ ఎలిమెంట్స్ ఉండుట వలన ఈ జోనర్ ఇష్టపడేవారికి ఆకట్టుకుంతుంది. శేష్ నటన అండ్ లుక్స్ మరియు ఆటిట్యూడ్  సినిమా సినిమాకీ ఇంప్రూవ్ అవుతున్నాయి.

ఇంకో రెండు  ముడు సినిమా లు మంచివి పడితే మారో స్టార్ యాక్టర్ తెలుగు లేదా ఇండియన్ సినీమా కి దొరికినట్టే.. కొన్ని ఇన్వెస్టిగేషన్ సన్నివేశాలు కూడా హైలైట్ గా నిలిచాయి.

విలన్ ప్రవర్తన, సైకో గా ఎందుకు మారాడు, అంతమందినీ ఎందుకు అంత దారుణంగా చంపుతున్నాడు అనేది ఇంకాస్త  బెటర్ గా రాసుకొని ఉండి ఉంటే సినిమా మరో స్థాయిలో ఉండేది. మొత్తమ్మీద ఈ క్రైమ్ సస్పెన్స్ థ్రిల్లర్ ప్రేక్షకులను ఎంత వరకు అలరిస్తోందో సోమవారం తెలిసిపోతుంది.

ప్రస్తుతానికి హిట్ సీరీస్ పరంపర, అడివి శేష్ కు ఉన్న ఫాలోయింగ్, న్యాచురల్ స్టార్  నాని నిర్మాణం ఫస్ట్ వీక్ ఎండ్  ఓపెనింగ్స్ రావడానికి ప్లస్ అవుతాయి. హిట్ హిట్టా లేదా నార్మల్ సి ఐ డీ సీరియల్ లొని ఒక ఎపిసోడా అనేది సోమవారం కలెక్షన్స్ చెప్పేస్తాయి.

వీక్ ఎండ్ అయిపోయి సోమ వారం నుండి కామన్ ఆడియెన్స్ డీయేటర్స్ కి వస్తే  హిట్2 సక్సెస్ అయినట్టే. ఈ 2nd కేస్ రిజల్ట్ తో సంబందం లేకుండా 3rd కేస్ స్టార్ట్ చేస్తున్నట్టు సినిమా ఎండ్ లో లీడ్ వదిలారు కాబట్టి మనం త్వరలోనే మరో సిన్సియర్ పోలీస్ అఫిషర్ కేరక్టర్ లో మరో స్టార్ హీరో తో హిట్ 3 rd కేస్ సినిమా చూడవచ్చు.

హిట్ 3 హీరో ఎవరు అనేది నాకు హిట్ 2 చూసిన ప్రేక్షకులకు తెలుసు. ఈ సమీక్ష  చదివే వారి  సినిమాటిక్ ఎక్స్పీరియన్స్ ఎందుకు చెడగొట్టడం అని ఇక్కడ రాస్తూ లేదు. అలానే  సైకో కిల్లర్ గా చేసిన నటుడి పేరు కూడా వ్రాయ లేదు. కుదిరితే మండే మరో రివ్యూ రాస్తాను అప్పుడు అన్నీ వివరంగా వ్రాయడానికి ప్రయత్నిస్తాను.

18F MOVIES RATING:3.5  / 5

* కృష్ణ ప్రగడ,