చిత్రం: సుమతీ శతకం’
నటీనటులు: అమర్దీప్ చౌదరి, శైలి చౌదరి, టేస్టీ తేజ, మహేష్ విట్ట, JDV ప్రసాద్ తదితరులు.. .,
సాంకేతిక వర్గం: బ్యానర్: విజన్ మూవీ మేకర్స్,
నిర్మాత: సాయి సుధాకర్ కొమ్మాలపాటి,
రచన, దర్శకత్వం: ఎంఎం నాయుడు,
సినిమాటోగ్రాఫర్: ఎస్ హలేష్,
సంగీతం: సుభాష్ ఆనంద్,
ఎడిటర్: నహిద్ మహమ్మద్,
పిఆర్ఓ: మధు విఆర్,
డిజిటల్ మార్కెటింగ్: హౌస్ ఫుల్ మీడియా, డిజిటల్ దుకాణం,
మూవీ: రివ్యూ ( Movie Review) :
విజన్ మూవీ మేకర్స్ బ్యానర్పై రూపొందిన క్లీన్ ఫ్యామిలీ ఎంటర్టైనర్ ‘సుమతీ శతకం’ ఈ శుక్రవారాం విడుదల అయ్యింది. సాయి సుధాకర్ కొమ్మాలపాటి నిర్మాణంలో, ఎం.ఎం. నాయుడు దర్శకత్వంలో తెరకెక్కిన ఈ చిత్రంపై ఇప్పటికే ఇండస్ట్రీలో మంచి అంచనాలు ఉన్నాయి.
అమర్దీప్ చౌదరి, శైలి చౌదరి జంటగా నటించిన ఈ చిత్రం ఈ రోజు ప్రపంచవ్యాప్తంగా విడుదలైంది. మరి ఈ సుమతీ శతకం’ తెలుగు సినీ ప్రేక్షకులను ఎలా ఆకట్టుకొందో మా 18F మూవీస్ టీం రివ్యూ చదివి తెలుసుకొందమా !
కధ పరిశీలిస్తే (Story Line):
కిరణా కొట్టు నడిపే కృష్ణ (అమర్దీప్) చాలా పిసినారి. ప్రతిది పొదుపుగా వాడుతుంటాడు.అయితే తనను మనస్పూర్తిగా ప్రేమించే అమ్మాయిని పెళ్లి చేసుకోవాలని కోరుకుంటాడు. ఈ క్రమంలో అతనికి అందమైన అమ్మాయి సుమతి (సాయిలిమ్ చౌదరి) పరిచయం అవుతుంది.
సుమతిని కలిసిన తర్వాత కృష్ణ జీవితంలో ఏమి జరుగుతుంది?
సుమతీ శతకం టైటిల్కు కథ ఎలా న్యాయం చేస్తుంది?
సుమతిని పెళ్లి చేసుకోవాలి అంటే ఉన్న అడ్డంకులు ఏమిటి ?
హీరోయిన్ పాత్ర చుట్టూ ఉన్న ముఖ్యమైన అంశం ఏంటి?
అన్ని అడ్డంకులను దాటుకుని కృష్ణ తన ప్రేమను పొందగలుగడా?
ఇలాంటి ప్రశ్నలకు జవాబులు తెలుసుకోవాలంటే మీ దగ్గరలొని థియేటర్ లో వెంటనే ఈ సుమతీ శతకం సినిమా చూడాల్సిందే !
పాజిటివ్ పాయింట్స్ (Positive Points):
* అమర్దీప్ ఈ సినిమాకు వన్ మ్యాన్ ఆర్మీ లా అన్ని హావా భావాలు పలికించాడు నటనలోనూ, డ్యాన్సుల్లోనూ అతను తన వంద శాతం శ్రమను పెట్టాడు.
* హీరోయిన్ సాయిలిమ్ చౌదరికి మంచి ప్రాధాన్యం ఉన్న పాత్ర దక్కింది. ముఖ్యంగా క్లైమాక్స్ సన్నివేశాల్లో ఆమె నటన ప్రేక్షకులను తప్పకుండా ఆకట్టుకుంటుంది.
* అమర్దీప్తో ఆమె కెమిస్ట్రీ కూడా బాగా కుదిరింది,ఇంకా ఇందులో మిగతా సహాయ నటులు తమ పాత్రల పరిధిలో బాగానే చేశారు. ఇతర క్యారెక్టర్ ఆర్టిస్టులు తమ అతిథి పాత్రల్లో సరైన న్యాయం చేశారు.
నెగటివ్ పాయింట్స్ :
* కథనంలో కొన్ని సన్నివేశాలు సాగదీసినట్టు అనిపిస్తాయి. మొదటి అంకం (ఫస్ట్ హాఫ్) లోని కొన్ని ఎపిసోడ్స్ స్లోగా ఉండి, బోరింగా అనిపించాయి. వాటిని ట్రిమ్ చేస్తే బాగుణ్ణు.
* కీలక పాత్రల్లో గుర్తింపు ఉన్న నటులు లేకపోవడం సినిమాకు మైనస్గా మారింది.
* అలాగే మహేష్ విట్టు, టేస్టీ తేజ వంటి కమెడియన్ల నుంచి ఆశించిన స్థాయిలో కామెడీ పండకపోవడం కూడా లోపంగా చెప్పుకోవచ్చు.
సాంకేతిక నిపుణుల ప్రతిభ పరిశీలిస్తే:
ఎస్ హలేష్ సినిమాటోగ్రఫీ బాగుంది. లొకేషన్లను అందంగా చూపించారు.
నహిద్ మహమ్మద్ ఎడిటింగ్ ఓకే అనిపించినా, ఇంకాస్త నిడివి తగ్గించి, స్లో గా ఉన్న సీన్స్ ట్రిమ్ చేసి ఉండాల్సింది.
సుభాష్ ఆనంద్ సంగీతం సినిమాకు అదనపు ఆకర్షణగా నిలిచింది. రెండు పాటలు, బ్యాక్గ్రౌండ్ స్కోర్ బాగా కుదిరాయి.
నిర్మాత సాయి సుధాకర్ కొమ్మాలపాటి పరిమిత బడ్జెట్లో తెరకెక్కించినప్పటికీ నిర్మాణ విలువలు బాగున్నాయి.