సుధీర్ వర్మ దర్శకత్వం లో అభిషేక్ పిక్సర్స్ నిర్మాణం లో మాస్ రాజా  రవితేజ నటించిన  మోస్ట్ ఎక్సయిటింగ్  క్రైమ్ యాక్షన్ ఎడ్జ్ ఆఫ్ ది సీట్ థ్రిల్లర్ రావణాసుర ఏప్రిల్ 7 న థియేటర్ లలోకి వస్తుంది.

హీరో సుశాంత్ రవాణాసుర సినిమా లో ఒక  కీలక పాత్ర లో నటించారు. ఈ రవాణాసుర  చిత్రం టీజర్, ట్రైలర్ తో ఇప్పటికే భారీ అంచనాలని నెలకొల్పింది. హర్షవర్ధన్ రామేశ్వర్, భీమ్స్ సిసిరోలియో ద్వయం సంగీతం అందించిన ఈ చిత్రంలోని పాటలన్నీ చార్ట్ బస్టర్స్ గా నిలిచాయి.

ఏప్రిల్ 7న సమ్మర్ స్పెషల్ గా సినిమా రిలీజ్ కాబోతున్న నేపధ్యంలో సుశాంత్ రావణాసుర విశేషాలని మా  విలేకరి తో ప్రత్యేకంగా సమావేశం అయ్యి తన నట కెరియర్ గురించి మరియూ రవాణాసుర సినిమా లో ఎక్స్పెరియన్స్  పంచుకున్నారు.

రావణాసుర మీరా రవితేజ గారా ?

‘సుశాంత్ యాజ్ రామ్’ ని రావణాసుర పోస్టర్ రిలీజ్ చేశారు. రావణాసుర టైటిల్ రోల్ రవితేజ గారు చేస్తున్నారు. ట్రైలర్ చూస్తే గ్రే షేడ్స్ అందరికీ వున్నాయి. హీరోస్ డోంట్ ఎగ్జిస్ట్ అనే ట్యాగ్ లైన్ వుంది. మరి ఇందులో రాముడు ఎవరో, రావణాసురుడు ఎవరో సినిమా చూసి తెలుసుకోవాల్సిందే. రావణాసుర చాలా ఎక్సయిటింగ్ థ్రిల్లర్. కొత్త ఎలిమెంట్స్ వున్నాయి. ట్రీట్ మెంట్ కొత్తగా వుంటుంది.

మీరు థ్రిల్లర్ చేయడం ఇదే మొదటిసారి కదా?

అవును. ఇచట వాహనములు నిలుపరాదు లో కొంత థ్రిల్లర్ వుంటుంది. కానీ కంప్లీట్ థ్రిల్లర్ మాత్రం రావణాసురనే. ఇందులో కొత్తగా కనిపించే అవకాశం వచ్చింది. ఈ సినిమా చేయడానికి కారణం అదే. వెర్సటైల్ యాక్టర్ గా అన్ని రకాల పాత్రలు చేయాలనేది నా ఆలోచన. రావణాసురలో ఆ కొత్తదనం కనిపిస్తుంది.

రావణాసుర కథ చెప్పినపుడు ఎలా అనిపించింది?

అభిషేక్ గారు ఫోన్ చేసినపుడు, ఒక కథ రెడీ చేసి సినిమా చేయాలనే ఆలోచనలో వున్నాను. అభిషేక్ గారికి కూడా అదే చెప్పాను. కానీ కథ విన్నపుడు మాత్రం చాలా ఎక్సయిటింగా అనిపించింది. రవితేజ గారిని ఎప్పుడూ ఇలా చూడలేదు. ఒక ప్రేక్షకుడిగా నాకు చాలా కొత్తగా అనిపించింది.

నా పాత్ర చాలా కీలకంగా వుంది. సినిమా అంతా వుంటుంది. దీనికి మరో డైమెన్షన్ తోడైతే బావుంటుదని చెప్పాను. సుధీర్ వర్మ గారికి కూడా అది నచ్చి చాలా ఫాస్ట్ గా వర్క్ చేసి నేను అనుకున్న దాని కంటే అద్భుతంగా ఆ డైమెన్షన్ ని తీసుకొచ్చారు. మరో లేయర్ యాడ్ అయ్యింది. రవితేజ గారికి కూడా ఇది చాలా నచ్చింది. నేను అనుకున్న దాని కంటే చాలా బాగా వచ్చింది.

రవితేజ గారితో కాంబినేషన్ సీన్ల్ ఎలా వుంటాయి?

ఖచ్చితంగా థియేటర్లో చాలా ఆసక్తికరంగా వుంటాయి. రవితేజ గారిని కొత్తగా చూపించారు. నన్ను కొత్తగా చూపించారు. సీన్స్ అన్నీ ఇంట్రస్టింగా ఎక్సయిటింగ్ వుంటాయి.

నిర్మాత అభిషేక్ గారి నిర్మాణంలో చేయడం ఎలా అనిపించింది?

అభిషేక్ గారితో గ్రేట్ జర్నీ. నిజానికి ఈ సినిమాలో ఈ పాత్రని నన్ను తీసుకోవాలనే ఆలోచన కూడా ఆయనిదే. ఈ సందర్భంగా అభిషేక్ గారి కృతజ్ఞతలు.

ఇందులో మీ పాత్ర నుంచి ప్రేక్షకులు ఏం ఎక్స్ పెక్ట్ చేస్తారాని భావిస్తున్నారు?

ఎక్స్ పెక్ట్ కంటే ఎలా రిసీవ్ చేసుకుంటారనే ఎక్సయిట్ మెంట్ వుంది. చాలా డిఫరెంట్ మూవీ. ఇలాంటి కాన్సెప్ట్ తెలుగు సినిమాల్లో ఇప్పటివరకూ వినలేదు చూడలేదు. అందుకే కథ వినగానే ఓకే చేశాను. ప్రేక్షకులు కూడా ఈ కొత్తదనం ఫీలౌతారు.

మీరు ఇండస్ట్రీ లోకి వచ్చి దాదాపు 15 సంవత్సరాలు అవున్నాయి? అయితే సినిమాలు మాత్రం చాలా సెలెక్టివ్ గా, గ్యాప్ తీసుకొని చేస్తున్నారని అనిపిస్తుంది?

అక్కినేని కుటుంబం నుంచి రావడం నా అదృష్టం. అయితే నేను మొదటి నుంచి కూడా నాకు వస్తున్న అవకాశాలతోనే ముందుకు వెళ్లాను. కొన్ని సినిమాలు ఆలస్యం కావడం, అనుకున్న సమయానికి రాకపోవడం, ఇలా నా చేతుల్లో లేనివి కూడా కొన్ని జరిగాయి. ఇంత గ్యాప్ ఎందుకు వస్తుందని కొన్ని సార్లు నాకే తెలియలేదు.

అయితే ఇంత గ్యాప్ వచ్చిన నా మైండ్ లో ఎప్పుడూ నెక్స్ట్ సినిమా చేస్తున్నామనే స్ఫూర్తి వుండేది. చిలసౌ తర్వాత ఇక గ్యాప్ తీసుకోకూడదని అని బలంగా నిర్ణయించుకున్న తర్వాత కోవిడ్ వచ్చింది. దీంతో మళ్ళీ గ్యాప్ వచ్చింది. అయితే గత ఆరు నెలలుగా చాలా బిజీగా వున్నాను. సోలో హీరోగా ఒక కథ ఓకే చేశాను. ఇంకొన్ని కథలు వింటున్నా.

మా ఊరి నీళ్ళ ట్యాంక్ అనే ఓటీటీ సిరీస్ ద్వారా ఓటీటీ మీడియం లోకి ఎంటర్ అయ్యారు కదా. ఓటీటీ ఎక్స్పెరియన్స్ ఎలా ఉందా ? తర్వాత ఏమైనా అవకాశాలు వచ్చాయా ?

అవును, అలా వైకుంటవూరంలో  తర్వాత ఏదైనా కొత్త కధలు వస్తే చేద్దాము అనుకొంటున్న టైమ్ లో ఈ మా ఊరి నీళ్ళ ట్యాంక్ కధ వచ్చింది. కధ చాలా కొత్తగా ఇంటరెస్ట్ గా ఉండటం తో చేశాను. అదో మంచి ఎక్స్పెరియన్స్. తర్వాత కొన్ని ఆఫర్స్ వచ్చాయి కానీ, నచ్చక చేయలేదు.

ఈ సూదిర్గ యాక్టింగ్ కెరియర్ లో మీరు వాడులుకొన్న సినిమా లు ఏమైనా ఉన్నాయా ? అవి హిట్ అయితే మీ ఫీలింగ్ ఏంటి ?

అలాంటివి ఎక్కువ ఏమిలేవు కానీ, ఒక సినిమా మాత్రం చేద్దాం అనుకొని కొంత జర్నీ చేసిన తర్వాత మెమను చేయలేక పోయాను. ఆ సినిమా ఎక్స్ప్రెస్ రాజా దర్శకుడు మెర్లపాక గాంధీ. ఏదైనా సినిమా కధ ఇతర కారణాల వలన చేయలేక పోయినా నేను ఏమి ఫీల్ అవ్వను. కధ నన్ను చూజ్ చేసుకోలేదు ఏమో అనుకొంటాను. మెర్లపాక గాంధీ ఇప్పటికీ మంచి ఫ్రెండ్.

అల వైకుంఠపురములో’ తర్వాత మీ కెరీర్ మరో మలుపు తీసుకుందని అనుకోవచ్చా?

అల వైకుంఠపురములో నాకు మంచి పేరు తీసుకొచ్చింది. నార్త్ లో కూడా ఫేం తీసుకొచ్చింది. అయితే ఈ సినిమా తర్వాత చాలా అవకాశాలు వచ్చాయి. అయితే నేను అన్నీ చేయలేదు. రావణాసుర, భోళా శంకర్, ఇలా ఎక్సయిట్ చేసిన సినిమాలు మాత్రమే చేశా.

కొత్తగా చేస్తున్న సినిమాలు?

సోలో హీరో గా ఈ ఏడాది ఒక సినిమా వుంటుంది. అలాగే మెగాస్టార్ చిరంజీవి గారితో భోళా శంకర్ సినిమా చేస్తున్నా అని తెలిపారు.

• కృష్ణ ప్రగడ.