జాతీయ సినిమా దినోత్సవం పురస్కరించుకుని సంతోషం సౌత్ ఇండియన్ ఫిలిం అవార్డుల ఈవెంట్ కి సంబంధించిన డేట్ అనౌన్స్ చేశారు ప్రముఖ అగ్ర కథానాయిక శ్రీలీల.

ఈరోజు అధికారికంగా ఒక వీడియో రిలీజ్ చేస్తూ శ్రీ లీల ఈ సంతోషం సౌత్ ఇండియన్ ఫిలిం అవార్డుల ఈవెంట్ డిసెంబర్ 2 – 2023న గోవాలో అంగరంగ వైభవంగా జరగనుందని ఆమె పేర్కొన్నారు.

ఇక గోవాలోని బాంబోలిం బీచ్ కు అతి చేరువలో ఉన్న డాక్టర్ శ్యామ్ ప్రసాద్ ముఖర్జీ ఇండోర్ స్టేడియంలో ఈ అవార్డుల వేడుక ఘనంగా జరగనుంది. ఇక అదే సమయంలో గోవాలో ఇంటర్నేషనల్ ఫిలిం ఫెస్టివల్ జరగనుంది. 150 దేశాల నుంచి సినీ ప్రేమికులు ఈ ఇంటర్నేషనల్ ఫిలిం ఫెస్టివల్ కు ఈ వేడుకకు హాజరుకానున్నారు.

ఇక ఆ దేశాల సినీ ప్రేమికులు, మన ఇండియన్ సినీ లవర్స్ మోహరించి ఉన్న గోవాలో వేలాది ప్రేక్షకుల మధ్య సంతోషం 22వ సౌత్ ఇండియన్ ఇండియన్ ఫిలిం అవార్డుల వేడుక జరగనుంది.

ఈ వేడుకకు తెలుగు, తమిళ, కన్నడ, మలయాళ మరియు బాలీవుడ్ కు చెందిన పలువురు సినీ రంగాలకు చెందిన అతిరథ మహారధులు హాజరు కానున్నారు.