మూవీ: సలార్ (SALAAR Movie):
విడుదల తేదీ : డిసెంబర్ 22, 2023
నటీనటులు: ప్రభాస్, శ్రుతి హాసన్, జగపతి బాబు, పృథ్వీరాజ్ సుకుమారన్, మధు గురుస్వామి, ఈశ్వరీ రావు, టినూ ఆనంద్, రామచంద్రరాజు, మైమ్ గోపి, ఐకాన్ సతీష్ తదితరులు,
దర్శకుడు : ప్రశాంత్ నీల్,
నిర్మాత: విజయ్ కిర్గంధూర్,
సంగీతం: రవి బస్రూర్,
సినిమాటోగ్రఫీ: భువన్ గౌడ్,
ఎడిటర్: ఉజ్వల్ కులకర్ణి,
సలార్ రివ్యూ (Salaar Movie Review):
బాహుబలి తర్వాత వచ్చిన రెండు సినిమా లు ప్రభాస్ ఫాన్స్ ని నిరాశ పరిచినా, ప్రపంచ వ్యాప్తంగా ఉన్న ప్రభాస్ ఫాన్స్ అందరు ఎంతో కాలంగా ఎదురుచూస్తున్న “సలార్” మూవీ ఈ రోజు ఫాన్స్ ఆకలి తీర్చడానికి వచ్చినట్టు అయ్యింది.
KGF సిరీస్ మూవీస్ తో టాప్ డైరెక్టర్ అనిపించుకొన్న ప్రశాంత్ నీల్ తెరకెక్కించిన ఈ బిగ్గెస్ట్ యాక్షన్ డ్రామా సలార్ మూవీ ప్రేక్షకులును ఏ మేరకు మెప్పించిందో మా 18F మూవీస్ టీం సమీక్ష చదివి తెలుసుకుందామా !
కధ పరిశీలిస్తే (Story Line):
భారత – పాకిస్తాన్ దేశాల మధ్యలో గుజరాత్ ని అనుకోని ఫిక్స్ నల్ గా నిర్మించబడిన (ఈ సలార్ సిన్మా కధ కోసం సుమా !) ఖాన్సార్ నగరానికి రాజమన్నార్ (జగపతి బాబు) కర్త (కింగ్ ) గా ఉంటూ, ఖాన్సార్ నగరాన్ని కొన్ని భాగాలుగా చేసి, వాటిని కొంత మంది పాలకులు, దొరల సహాయం తో పాలిస్తూ తిరుగులేని నాయకుడు గా ఉంటాడు. మీరు లాజిక్స్ వెతక్కండి ।
అంతా బాగానే జరుగుతుంది అనుకొన్నసమయం లో రాజమన్నార్ తన రెండో భార్య కొడుకు వరద రాజమన్నార్ (పృథ్వీరాజ్ సుకుమారన్)ని దొరని చేయాలని నిర్ణయించుకుంటాడు. అయితే, ఆ నిర్ణయం ఖాన్సార్ నగరం పాలక మండలిలో అలజడి లేపి నగర గమనాన్నే మార్చేస్తోంది. ఖాన్సార్ నగరానికి నాయకుడు అవ్వడం కోసం చుట్టూ ఉన్నవారంతా బలాన్ని పోగేసుకుని యుద్దానికి సన్నద్ధం అవుతుంటారు.
ఈ క్రమంలో జరిగిన కొన్ని నాటకీయ పరిణామాల మధ్య వరద రాజమన్నార్ పై అనేక దాడులు జరుగుతూ ఉంటాయి. అందరూ వరద రాజమన్నార్ ను చంపడానికి ప్రయత్నాలు చేస్తుంటారు. ఇలాంటి పరిస్థితుల్లో సహాయం కోసం తన చిన్ననాటి ప్రాణ స్నేహితుడు దేవా (ప్రభాస్)ని పిలుస్తాడు వరద రాజమన్నార్.
ఇది మూలకధ, కానీ సినిమాలో ఇలానే ఓపెన్ అవ్వదు. దేవతర (ప్రభాస్) పాయింట్ ఆఫ్ వ్యూ లో కధ ఓపెన్ అయ్యి రెండవ అంకం స్టార్టింగ్ లో భైరవ (మైమ్ గోపి ) అధ్య శృతి హాసన్) కి చెప్పడం ద్వారా మొదలవుతుంది. మేము కూడా ఓపెనింగ్ లానే కధ చెప్తే పొన్నియిన్ సెల్వన్ (PS-1) లానే అసలు అర్దం కాదు.
ఇంతకీ దేవా(ప్రభాస్) ఎవరు? ఆయన కధ ఏంటి ?
ఎందుకు ఖాన్సార్ నగరానికి దూరంగా బాటుకుతున్నాడు ? ,
దేవ స్నేహితుడు వరద కోసం ఎలాంటి యుద్ధం చేశాడు ?,
ఖాన్సార్ సిటీ ఎలా ఉంది? దేవ అక్కడి శత్రువుల తో ఎలాంటి యుద్దం చేశాడు ?,
మధ్యలో అధ్య (శృతి హాసన్) కధ ఏంటి ? దేవ అమ్మ దగ్గరకు ఎందుకు వస్తుంది ?
ఖాన్సార్ శత్రు ల యుద్దం లో దేవ గెలిచి వరద కి ఇచ్చాడా ?
లాంటి ప్రశ్నలకు జవాబులు కావాలంటే వెంటనే దియేటర్ కి వెళ్ళి సలార్ చూసేయండి.
కధనం పరిశీలిస్తే (Screen – Play):
మొన్ననే ప్రశాంత్ నీల్ మీడియా తో మాట్లాడుతూ తను గతం లో చేసిన కన్నడ సినిమా ఉగ్రం పాయింట్ ని తీసుకొని లార్జర్ స్కేల్ లో సలార్ కథణం (స్క్రీన్ – ప్లే రాసుకొన్నాను అని చెప్పాడు కాబట్టి ఉగ్రం సినిమాకి ఇది రీమేక్ కాదు. కధనం కోసం క్రియేట్ చేసిన సెటప్ లో డెప్త్ ఉన్నా మెయిన్ కధ లోని మెయిన్ క్యారెక్టర్స్ మధ్య ప్రధాన కాన్ ఫ్లిక్ట్ ను ఈ సలార్ మొదటి భాగం ఛీజ్ ఫైర్ లో ఇంకా బాగా ఎస్టాబ్లిష్ చేయాల్సింది.
అలాగే కధ పాయింట్ చిన్నదే అయినా, కధ కి సబ్ ప్లాట్స్ చాలా ఉండటం, ఎక్కువ పాత్రలు ఉండటం వలన సినిమా చూసే ప్రేక్షకుడికి కధనం అర్దం కాదు కొన్ని సీన్స్ అయితే మరి సినిమాటిక్ గా అనిపిస్తాయి. కొన్ని అనుకోని పరిణామాల వలన దేవ అమ్మ మాట కోసం అన్ని వాడులుకొని దూరంగా బాటుకుతున్నా, ప్రాణ స్నేహితుడు కష్ట కాలంలో ఉండీ సహాయం కోసం వస్తే హీరో స్నేహం కోసం ఎలాంటి త్యాగం చేశాడు ? అనేదే ఈ సలార్ సినిమా మెయిన్ పాయింట్.
కానీ, అలాంటి స్నేహాన్ని పాత్రలు పెద్దయ్యాక కూడా మరింత ఎఫెక్టివ్ గా ఎస్టాబ్లిష్ చేసి ఉంటే బాగుండేది. అన్నట్టు ‘కె.జి.ఎఫ్’ ‘పొన్నియన్ సెల్వన్’ సినిమాల మాదిరి ఇందులో కూడా లెక్కకు మించి పాత్రలు తో ప్రేక్షకులు కన్ఫ్యూస్ అవుతారు.
దర్శకుడు, నటి నటులు ప్రతిభ పరిశీలిస్తే:
ప్రశాంత్ నీల్ KGF తర్వాత చేసిన ఈ సలార్ సినిమా కి దర్శకుడిగా, కధకుడిగా ఆకట్టుకొన్నాడు. ఓక ఇంటర్నేషనల్ యాక్షన్ సినిమా చూస్తున్న ఫీల్ ని ఇచ్చాడు. ఇంకా కథలోని ప్రధాన పాత్రల పై ప్రశాంత్ నీల్ పెట్టిన ఎఫెక్ట్స్ కూడా బాగున్నాయి. ముఖ్యంగా ఆయన తీసుకున్న స్టోరీ లైన్, రాసుకున్న యాక్షన్ సీక్వెన్సెస్ అండ్ మెయిన్ ఎమోషన్స్ చాలా బాగున్నాయి.
ప్రభాస్ – శ్రుతి హాసన్ మధ్య సాగే సీన్స్ ను, అలాగే ప్లాష్ బ్యాక్ ను.. ఆ ప్లాష్ బ్యాక్ లోని ప్రభాస్ క్యారెక్టర్ తో పాటు యాక్షన్ సీక్వెన్సెస్ ను.. ఇలా ప్రతి పాత్రను, ప్రతి ట్రాక్ ను దర్శకుడు ప్రశాంత్ నీల్ చాలా బాగా తీర్చిదిద్దారు. లిజిక్ లు పక్కన పెట్టి ప్రభాస్ మాస్ యాక్షన్ చూడాలి అనుకొనే వారికి ప్రశాంత్ నీల్ ఫుల్ మీల్స్ అందించాడు అనవచ్చు.
సలార్ గా ప్రభాస్ యాక్షన్ ఎలివేషన్స్ ఫ్యాన్స్ కి బాగా నచ్చుతాయి. అదేవిధంగా ఖాన్సార్ నగరం చుట్టూ అల్లిన కథలోని మెయిన్ ఎమోషన్ అండ్ ట్విస్ట్ లు కూడా బాగున్నాయి. సలార్ పాత్రలోని షేడ్స్ ను ప్రభాస్ బాగా పలికించాడు. ముఖ్యంగా ప్రభాస్ – పృథ్వీరాజ్ సుకుమారన్ మధ్య సాగే సీన్స్ కూడా మెప్పిస్తాయి.
పృథ్వీరాజ్ సుకుమారన్ తను పోసించిన వరద పాత్రకు ప్రాణం పోశాడు. రఫ్ అండ్ మాస్ అవతార్ లో పృథ్వీరాజ్ సుకుమారన్ అద్భుతంగా నటించారు. సలార్ సినిమా మల్టీ స్టార్ సినిమా నా అన్నట్టు పృధ్వీరాజ్ నటన, పాత్ర ఉంది.
ప్రభాస్ – పృథ్వీరాజ్ సుకుమారన్ ఆన్ స్క్రీన్ ఫ్రెండ్షిప్ కూడా బాగానే వర్కౌట్ అయ్యింది. ఇక పవర్ ఫుల్ క్యారెక్టర్ లో జగపతి బాబు కూడా చాలా బాగా నటించాడు.
శ్రియా రెడ్డి తన పాత్రలో మెరిశారు. ఆమె పాత్రలోని ఎలివేషన్ సన్నివేశాలు చాలా బాగున్నాయి. నటి ఈశ్వరీ రావు కి చాలా మంచి పాత్ర దొరికింది. ఆమె అమ్మగా అలరించింది కూడా. బాబీ సింహా, మధు గురుస్వామి, టినూ ఆనంద్, రామచంద్రరాజు,మైమ్ గోపి, ఐకాన్ సతీష్ ఇలా ప్రతి ఒక్కరూ చాలా సెటిల్డ్ గా నటించారు. అలాగే, మిగిలిన నటీనటులు కూడా తమ పాత్రలకు పూర్తి న్యాయం చేశారు.
సాంకేతిక నిపుణుల ప్రతిభ పరిశీలిస్తే:
రవి బస్రూర్ సంగీతం సినిమాకు ప్లస్ అయ్యింది. తన టీం బాక్ గ్రౌండ్ స్కోర్ తో ప్రతి సీన్ నెక్స్ట్ లెవెల్ కి తీసుకెళ్ళాడు. KGF అంత కాకపోయినా, సలార్ కి ఎంత వరకూ కావాలో అంతవరకు సౌండ్ డిజైన్ చేసి సలార్ మూవీ ని టెక్నికల్ గా నిలబెట్టాడు.
అదే విధంగా భువన్ గౌడ్ సినిమాటోగ్రఫీ సినిమాకే హైలెట్ గా నిలుస్తోంది. కొన్ని కీలక సన్నివేశాల్లో కెమెరామెన్ పనితనం చాలా బాగుంది. ఈ సలార్ సినిమా కి కూడా KGF టోన్ లోనే చేసినా, కధకి, సన్నివేశాలకు సరిపడిన విజువల్స్ ని తన లెన్స్ తో తీసి వాటికి VFX జోడించి వెండితెర మీద అద్భుతంగా ఆవిస్కరించాడు.
ఉజ్వల్ కులకర్ణి ఎడిటర్ గా బాగానే చేశాడు. కొన్ని సీన్స్ అయితే హై కి వెళ్ళి బ్లాక్ అవుట్ అవ్వడం యన్టి టెక్నిక్స్ ఈ సలార్ కి కూడా బాగా ఉన్నాయి. లెంత్ వైస్ కొంచెం ట్రిమ్ చేసివుంటే బాగుణ్ణు అనిపిస్తుంది.
నిర్మాత విజయ్ కిర్గంధూర్ సలార్ సినిమా గ్రాండియర్ గా కనిపించడం కోసం పాటించిన ప్రొడక్షన్ వాల్యూస్ చాలా బాగున్నాయి. ఓవరాల్ గా ఈ సలార్ సినిమాకి టెక్నికల్ టీం తమ హార్డ్ వర్క్ తో ప్రాణం పోశారు అని చెప్పాలి.
18F మూవీస్ టీమ్ ఓపీనియన్ :
ప్రభాస్ ఫాన్స్ తో పాటు సగటు సినిమా లవర్స్ ఎంతగానో ఎదురుచూస్తున్న సలార్ మూవీ భారీ అంచనాలతో వచ్చి అందరి అంచనాలకు తగ్గట్టుగానే, హై ఓల్టేజ్ యాక్షన్ డ్రామాతో పాటు గ్రాండ్ యాక్షన్ విజువల్స్ తోనూ చాలా బాగా ఆకట్టుకుంది. స్క్రీన్ – ప్లే ఇంట్రెస్ట్ గా సాగుతూ గ్రాండ్ యాక్షన్ విజువల్స్ తో పాటుగా ప్రభాస్ స్క్రీన్ ప్రెజెన్సీ, మరియు మెయిన్ కథలోని యాక్షన్ అండ్ ఎమోషన్స కూడా చాలా బాగున్నాయి.
ప్రభాస్ ఫ్యాన్స్ కి ఐతే ఫుల్ కిక్ ను ఇస్తోంది ఈ సినిమా. కాకపోతే, కొన్ని యాక్షన్ సన్నివేశాలు రెగ్యులర్ గా అనిపిస్తాయి. కానీ, ఓవరాల్ గా ఈ సినిమా ఆడియన్స్ ను చాలా బాగా అలరిస్తోంది. ముఖ్యంగా ఫోటోగ్రఫీ, మ్యూజిక్ ఆర్టిస్టుల నటన వెండితెర మీద మ్యాజిక్ చేసినట్టే ఉంది. ముఖ్యంగా రవి బస్రూర్ BGM ( బ్యాక్ గ్రౌండ్) స్కోర్ గురించి ఎన్ని సార్లు చెప్పిన తక్కువే.
హాలీవుడ్ సినిమా లు మార్వెల్, స్టార్ వార్స్, జేమ్స్ బాండ్ వంటి యాక్షన్ సినిమాలు ఇష్ట పడేవారికి ఈ సలార్ బాగా నచ్చుతుంది. సామాన్య సిని ప్రేక్షకులు కూడా థ్రిల్ ఫీల్ అవుతారు. సలార్ సినిమాకి సెన్సార్ కొన్ని యాక్షన్ షాట్స్ కోసం A సర్టిఫికేట్ ఇచ్చింది కాబట్టి పిల్లల లేకుండా అందరు వెళ్ళి దియేటర్ లో చూసి ఎంజాయ్ చేసే సినిమా ఈ సలార్.
