చిత్రం: ‘ఎస్ 99’
విడుద‌ల: మార్చి 1, 2024
నటీనటులు : సి. జగన్మోహన్, దేవిప్రసాద్‌, చంద్రకాంత్‌, ఛత్రపతి శేఖర్‌, శివన్నారాయణ, దయానంద్‌రెడ్డి, చక్రపాణి, కదిరి యోగి, శ్వేతావర్మ, రూపా లక్ష్మి, అల్లు రమేష్ తదితరులు.
బ్యానర్స్ : టెంపుల్ మీడియా – ఫైర్ బాల్ ప్రో
ఎడిటర్‌: సి. యతీష్,
డీఓపీ: శ్రీనివాస్,
సంగీతం: విజయ్ కూరాకుల,
పీఆర్వో: బి. వీరబాబు,
ప్రొడక్షన్‌ ఎగ్జిక్యూటివ్‌: సంతోష్‌ గౌడ్‌,
నిర్మాతలు: యతీష్, నందిని,
కథ, స్క్రీన్ ప్లే, మాటలు, దర్శకత్వం: సి. జగన్మోహన్
మూవీ: ఎస్ 99 రివ్యూ ( S 99 Movie Review)
తెలుగు ప్రేక్షకులు ఎప్పుడు రెగ్యులర్‌ సిన్మా లు కాకుండా కొత్త ఎక్స్‌పీరియన్స్ ఇచ్చే డీఫెరెంట్ సినిమాను ఇష్ట‌ప‌డుతారు. తాజాగా కొత్త కాన్సెప్ట్‌తో వ‌చ్చిన సినిమా ‘ఎస్ 99’. సి.జగన్ మోహన్ ప్రధాన పాత్రలో నటిస్తూ, దర్శకత్వంలో టెంపుల్ మీడియా -ఫైర్ బాల్ బ్యానర్స్‌పై యతీష్, నందిని సంయుక్తంగా నిర్మించిన ‘ఎస్ 99’ చిత్రం ఈ శుక్ర‌వారం థియేట‌ర్‌ల‌లో విడుద‌లైంది.
మరి నూతన కాన్సెప్ట్ సినిమాలు ఇష్ట పడే తెలుగు సినిమా లవర్స్ కి ఈ ఎస్ 99 సినిమా ఎంత వరకూ నచ్చుతుందో మా 18F మూవీస్ టీం సమీక్ష చదివి తెలుసుకొందామా !
కధ పరిశీలిస్తే (Story Line):
సి. జగన్ మోహన్ (S99 ) రిటైర్డ్ ఎన్ఎస్ఏ అధికారి. తాలుక్ దార్ పాషా ఓ క్రిమినల్. మినిష్టర్ కి సంబంధించిన విలువైన సమాచారం ఓ మహిళ జర్నలిస్ట్ వద్ద ఉందని తెలుసుకున్న మంత్రి, తాలుక్ దార్ పాషా తో కిరాయి ఒప్పందం చేసుకుంటాడు. ఆ మహిళ జర్నలిస్ట్ ను కిడ్నాప్ చెయ్యాలని అనుకుంటారు పాషా.
ఈ విషయం తెలుసుకున్న కొందరు ఎస్ 99 (ఎన్ఎస్ఏ రిటైర్డ్ అధికారి సి.జగన్ మోహన్) సహాయం కోరుతారు. ఇచ్చిన మాట కోసం S99 లేడి జర్నలిస్ట్ ను కాపాదుదాము అనుకొనే లోపి ఆ జర్నలిస్టు ని కిడ్నాప్ చేయిస్తాడు తాలుక్ దార్ పాషా.
ఆ లేడి జర్నలిస్టుని కాపాడే ప్రయత్నంలో కొంతమందిని చంపేస్తాడు S99. తన అనుచరులు ఒక్కొక్కరుగా చనిపోతుండడం తో ఎవరు చంపుతున్నారో తెలుసుకొనే ప్రయత్నం లో ఉంటాడు క్రిమినల్ పాషా.
ఈ క్రమంలో గతంలో పాషా చేతిలో చనిపోయిన S99 మళ్ళీ ఎలా బ‌తికొచ్చాడు?
గతంలోనూ, ప్రస్తుతమూ తన దారికి అడ్డువస్తున్న S99 పాషా ఏమిచేశాడు ?
గతం లో పాషా S 99 ని ఎందుకు చంపాడు ?
అసలు వీరి మధ్య ఉన్న పాత పగ ఏంటీ?
ఆ మహిళా జర్నలిస్టుని S99 కాపాడాడా? లేదా?
ఆ మహిళ జర్నలిస్టు కి S99 మధ్య ఉన్న సంభంధం ఏమిటి ?
ఇలాంటి ప్రశ్నలకు జవాబులు తెలియాలంటే S 99 సినిమా ని వెంటానే దియేటర్ లో చూడాల్సిందే. అప్పటి వరకూ మా రివ్యూ చదివేయండి.
కధనం పరిశీలిస్తే (Screen – Play):
సి.జగన్ మోహన్ ఒక వైపు ప్రధాన పాత్రలో నటిస్తూ, మరో వైపు దర్శకత్వం వహించి S99 సినిమాను నెక్ట్స్ లెవ‌ల్‌లో కూర్చోబెట్టారు. తాను రాసుకున్న క‌థ‌ను అంతే ప‌ర్‌ఫెక్టుగా తెర‌పై చూపించి తన టాలెంట్ ఏంటో నిరూపించుకున్నారు. కథ, స్క్రీన్ ప్లే, మాటలు సినిమాకు చాలా ప్లస్ అయ్యాయి. జగన్ మోహన్ ప‌నితీరుకు వంద‌కు వంద మార్కులు వేయ‌వ‌చ్చు.
ఈ ఎస్ 99 సినిమా కధ పాయింట్ బాగున్నా, కొన్ని సీన్స్ మాత్రం చాలా స్లో గా ఉన్నాయి. ఇంకొంచం రేసి గా సన్నివేశాలను రాసుకొని ఉంటే కధనం (స్క్రీన్ – ప్లే) ఇంకా బాగా ఉండేది. చాలా సీన్స్ మాత్రం ఊహాకి అందని ట్విస్టులతో ప్రెసెంట్ చేయడం బాగుంది.
దర్శకుడు, నటి నటులు ప్రతిభ పరిశీలిస్తే:
సి జగన్మోహన్ దర్శకుడుగా, నటుడిగా తనదైన స్టైల్‌తో ఆకట్టుకున్నాడు. తాను రాసుకున్న కథ, స్క్రీన్ ప్లే, మాటలు సినిమాకు హైలెట్‌గా నిలిచాయి. ఈ సినిమా లో ప్రధాన పాత్రలో చాలా న్యాచురల్ నటించాడు. స్టైలిష్ లుక్ బాగా కుదిరింది. ఫైట్స్ బాగా చేసాడు.
ఇక దయానంద్ రెడ్డి ప్రతినాయకుడి పాత్రలో ఆకట్టుకున్నాడు. చాలా క్రూరంగా కనిపిస్తూ తనదైన నటనతో మెప్పించే ప్రయత్నం చేశాడు.
క్యాబ్ డ్రైవర్ పాత్రలో నటించిన బిగ్ బాస్ ఫేమ్ శ్వేతా వర్మ అల్లరి అమ్మాయి పాత్రలో ఒదిగిపోయింది.
కిరికిరి రాజారెడ్డి పాత్రలో నటించిన దేవిప్రసాద్‌ కామెడీ సినిమాకు మరో హైలెట్.
మిగతా పాత్రల్లో నటించిన చంద్రకాంత్‌, ఛత్రపతి శేఖర్‌, శివన్నారాయణ, చక్రపాణి, కదిరి యోగి, రూపా లక్ష్మి, అల్లు రమేష్ త‌మ త‌మ పాత్రల పరిధి నటించారు.
సాంకేతిక నిపుణుల ప్రతిభ పరిశీలిస్తే:
విజయ్ కూరాకుల అందించిన మ్యూజిక్, బ్యాక్ గ్రౌండ్ స్కోర్ సినిమాకు మ‌రింతా హెల్ప‌య్యాయి
శ్రీనివాస్ సినిమాటోగ్రఫీ చాలా బాగుంది. ఇదొక విజువల్‌ అండ్‌ సౌండ్‌ బేస్డ్‌ కాన్సెప్ట్ మూవీ. డిఫరెంట్‌ కలర్‌ టింట్‌తో తెరకెక్కించారు. జగన్మోహన్‌తో వింగ్ చున్ అంజి చేయించిన ఫైట్స్ చాలా స్టయిలిష్‌గా ఉన్నాయి.
సి. యతీష్ ఎడిటింగ్ పర్వాలేదు. ఇంకా కొంచెం క్రిస్పీగా కట్ చేసి ఉంటే ఇంకా బాగుండేది.
నిర్మాతలు యతీష్, నందిని ఎక్కడా కాంప్రమైజ్ కాకుండా సినిమాను చాలా క్వాలిటీగా నిర్మించిన‌ట్టు స్ప‌ష్టంగా క‌నిపిస్తుంది.
18F మూవీస్ టీమ్ ఓపీనియన్ :
తెలుగు ఆడియ‌న్స్‌కు సినిమా దియేటర్ లో కొత్త ఎక్స్‌పీరియన్స్ అందించేందుకు జగన్మోహన్ చేసిన ప్ర‌య‌త్నాన్ని, ప్ర‌యోగాన్ని అభినందించ‌వచ్చు. టాలీవుడ్‌లో క్రైమ్ థ్రిల్లర్ జోనర్‌లో ఇప్పటివరకు ఎన్నో సినిమాలు వచ్చాయి. కానీ ‘ఎస్ 99’ చిత్రం చాలా వినూత్న కథ, స్క్రీన్ ప్లేతో ఆద్యంతం ఆకట్టుకుంటుంది.
తెలుగు ప్రేక్షకులలో కొత్త క‌న్సెఫ్టు, క్రైమ్ థ్రిల్లర్‌లు ఇష్టపడే వారికి ఈ సినిమా బెస్ట్ ఛాయిస్ అని నిస్సందేహంగా చెప్పొచ్చు. ఈ వారాంతం లో కుదిరితే ఫ్యామిలీ తో కానీ ఫ్రెండ్స్ తో కానీ చూసి ఎంజాయ్ చేయవచ్చు.