చిన్న చిత్రాలు, పెద్ద సినిమాలు అన్న తేడా లేకుండా కంటెంట్ ఉంటే ఆడియెన్స్ ఆదరిస్తున్నారు. రకరకాల జానర్లలో తీసే డిఫరెంట్ కాన్సెప్ట్ సినిమాలు బాక్సాఫీస్ వద్ద సక్సెస్ అవుతున్నాయి. ఈ క్రమంలోనే హారర్, థ్రిల్లర్ లవర్స్‌ను ఆకట్టుకునేందుకు ‘భవానీ వార్డ్ 1997’ అనే చిత్రం రాబోతోంది.

చంద్రకాంత సోలంకి శివ దోశకాయల గారితో కలిసి విభూ ప్రొడక్షన్స్ బ్యానర్ మీద నిర్మిస్తున్న ఈ మూవీకి జీడీ నరసింహా దర్శకత్వం వహిస్తున్నారు.

ఈ చిత్రంలో గాయత్రీ గుప్తా, గణేష్ రెడ్డి, పూజా కేంద్రే, సాయి సతీష్, జబర్దస్త్ అప్పారావు, ఈశ్వర్ బాబు ధూళిపూడి తదితరులు నటిస్తున్న ఈ చిత్రానికి సంబంధించిన ఫస్ట్ లుక్ పోస్టర్‌ను విడుదల చేశారు. ప్రముఖ నిర్మాత రాజ్ కందుకూరి ఈ మూవీ ఫస్ట్ లుక్ పోస్టర్‌ను రిలీజ్ చేసి చిత్రయూనిట్‌కు అభినందనలు తెలిపారు. పోస్టర్ బాగుందని ప్రశంసించారు. ఇక ప్రముఖ హీరోయిన్ అవికా గోర్ సైతం సోషల్ మీడియా వేదికగా చిత్రయూనిట్‌కు ఆల్ ది బెస్ట్ తెలిపారు.

ఈ మూవీకి అరవింద్ బి కెమెరామెన్‌గా పని చేసారు. త్వరలో ఈ చిత్రానికి సంబంధించిన మిగతా వివరాలను ప్రకటించనున్నారు.

నటీనటులు :

గాయత్రీ గుప్తా, గణేష్ రెడ్డి, పూజా కేంద్రే, సాయి సతీష్, జబర్దస్త్ అప్పారావు, ఈశ్వర్ బాబు ధూళిపూడి తదితరులు

సాంకేతిక బృందం:

బ్యానర్ : విభూ ప్రొడక్షన్స్, నిర్మాత : చంద్రకాంత సోలంకి దర్శకుడు : జీడీ నరసింహా, కెమెరామెన్ : అరవింద్. బి