మెగాస్టార్‌ చిరంజీవి మోహన్ రాజా దర్శకత్వంలో నటించిన లేటెస్ట్‌ మూవీ ‘గాడ్‌ ఫాదర్‌’. మోహన్ లాల్ మలయాళంలో చేసిన ‘లూసీఫర్’ కు రీమేక్‏గా తెరకెక్కిన సినిమా ఇది.

అంతే కాకుండా ‘లూసీఫర్’ పేరుతో తెలుగులో కూడా డబ్బింగ్ వర్షన్ ఎప్పుడో అందుబాటులోకి వచ్చింది. చాలా మంది ఈ సినిమాను చూసిన వారే. అయినా కూడా మెగాస్టార్ ‘గాడ్ ఫాదర్’ సినిమా మాత్రం ఊహించని స్థాయిలో విడుదలైన అన్నిచోట్ల నుంచి పాజిటివ్ రెస్పాన్స్ సొంతం చేసుకుంది.

దసరా కానుకగా అక్టోబర్‌ 5న ప్రేక్షకుల ముందుకు వచ్చిన ఈ సినిమా దసరా బ్లాక్‌ బస్టర్‌ హిట్ గా నిలిచింది. ఈ సినిమాలో కీలక పాత్రలో సత్యదేవ్, నయనతార, సల్మాన్ ఖాన్‌ నటించారు.

తాజాగా ఈ సినిమా ఓటీటీలో సందడి చేసేందుకు రంగం సిద్ధమైందనే వార్తలు వినిపిస్తున్నాయి. ప్రముఖ ఓటీటీ దిగ్గజ సంస్థలో ఒకటైన నెట్‌ఫ్లిక్స్‌ భారీ ధరకు గాడ్‌ ఫాదర్‌ ఓటీటీ రైట్స్‌ను కొనుగోలు చేసిన సంగతి తెలిసిందే.

https://www.youtube.com/watch?v=GyAqgwiNKiU

త్వరలోనే ‘గాడ్ ఫాదర్’ ను ఓటీటీ వ్యూయర్స్ కోసం అందుబాటులోకి తెచ్చేందుకు సన్నాహాలు చేస్తోంది నెట్‌ఫ్లిక్స్‌. అన్ని కుదిరితే ఈ నవంబర్ 19 నుంచే స్ట్రీమింగ్ కావడం పక్కా అనే సమాచారం చక్కర్లు కొడుతుంది.

ఎటు తిరిగి మూడు వారాల సమయం వేచి ఉండక తప్పదు కదా అని నెటిజన్స్ దీని మీద స్పందిస్తున్నారు.