చిత్రం: ఓసీ (OC),
విడుదల: 7/6/2024
నటీనటులు: హరీష్ బొంపెల్లి, మాన్య సలాడి, రాయల్ శ్రీ, లక్ష్మీ కిరణ్ తదితరులు.
సంగీత దర్శకుడు: భోలే శివాలి
సినిమాటోగ్రఫీ: సాయిరాం తుమ్మలపల్లి
నిర్మాత: బీవీఎస్
బ్యానర్: కౌండిన్య ప్రొడక్షన్స్
కొరియోగ్రాఫర్: సత్య మాస్టర్
దర్శకత్వం: విష్ణు బొంపెల్లి
మూవీ: ఓసి మూవీ రివ్యూ ( OC Movie Review)
కౌండిన్య ప్రొడక్షన్స్ బ్యానర్‌పై బీవీస్ నిర్మాతగా, విష్ణు బొంపెల్లి దర్శకత్వంలో తెరకెక్కిన చిత్రం ఓసీ. కేవలం డబ్బులు ఉన్నంత మాత్రానా హీరోలు కాలేరు ట్యాలెంట్ ఉంటే ఎవరైనా స్టార్లు కావచ్చు అని ట్రైలర్‌లో, ప్రచార చిత్రాల్లో చూపిస్తూ ప్రేక్షకులను ఆకర్శించారు.
ఇలాంటి హార్ట్ టచ్చింగ్ పాయింట్స్ ఉండటం తో ఓసీ సినిమా లో మంచి కంటెంట్ ఉంది అనే నమ్మకం ప్రేక్షకుల్లో క్రియేట్ అయ్యి సినిమా మీద కొంత హైప్ క్రియేట్ అయ్యింది. ఇలాంటి మంచి అంచనాల నడుము నేడు థియేటర్లో ప్రేక్షకుల ముందుకు వచ్చిన ఈ ఓసి చిత్రం ఎంత వరకు తెలుగు ప్రేక్షకులను మెప్పించిందో మా 18F మూవీస్ టీం సమీక్షి చదివి తెలుసుకొందామా !
కధ పరిశీలిస్తే (Story Line):
హైదరాబాద్ శివారలోని ఓ బస్తీలో అనాథలైన రాక్ (హరీష్ బొంపెల్లి), మాగ్నైట్ (రాయల్ శ్రీ), కమల్ హాసన్ (లక్ష్మీ కిరణ్) ముగ్గురు ప్రాణ స్నేహితులు. వీరికి నర్సింగ్ అనే వ్యక్తి అండగా ఉంటాడు. బస్తీలో చిన్న చితక పనులు చేసుకునే వీరు ఎప్పటికైనా సినిమాల్లో నటించాలని తపత్రయ పడుతుంటారు.
రాక్ కు బాలరాణి(మాన్య సలాడి)తో మంచి స్నేహం ఉంటుంది. ఈ క్రమంలో ఈ ముగ్గురు ఫిల్మ్ నగర్, కృష్ణా నగర్ లొని ప్రతి స్టూడియో, సినిమా ఆపీసు తిరుగుతూ సినిమా ఆడిషన్స్ ఇస్తుంటారు. సందీప్ అనే ఒక అసిస్టెంట్ డైరెక్టర్ పరిచయం అవుతాడు, మందు ఇప్పిస్తే అవకాశం ఇప్పిస్తా అంటాడు. ఇలా కొన్ని సార్లు జరిగిన తరువాత ఈ ముగ్గురి దగ్గర డబ్బులు ఉండవు.
దాంతో బాబు రావు అనే గల్లీ రౌడీని బురిడి కొట్టిస్తారు. దీంతో వీరికి కష్టాలు మొదలౌతాయి. వీరికి అండగా ఉన్న నర్సింగ్‌ను చంపేస్తారు. దీంతో వీరు ప్రాణ భయంతో పారిపోతారు.
అలా పారిపోయిన వీరు తమ లక్ష్యం కోసం ఏం చేశారు?,
బాబురావు మనుషులనుండి ఎలా తప్పించుకున్నారు?,
ఇంతకీ సినిమా అవకాశం వచ్చిందా? లేదా?,
రాక్ కి బాలామణి కి మద్య ఉన్నది ఏమిటి ?,
బాలామణి ఎందుకు రాక్ కి సహాయం చేస్తుంది?,
బస్తీ లీడర్ నర్శింగ్ ని చంపింది ఎవరు ?,
బాబూరావు కి రాక్ ఫ్రెండ్స్ కి మధ్య గొడవ ఎందుకు వచ్చింది?
అనే ప్రశ్నలకు జవాబులు తెలియాలంటే ఓసీ సినిమా వెంటనే థియేటర్ కి వెళ్ళి చూడాల్సిందే.
కధనం పరిశీలిస్తే (Screen – Play):
పూరీ జగన్నాధ్ రవితేజ కాంబో లో వచ్చిన నేనింతే సినిమా లా సినిమా రంగం నేపథ్యంలో ఇది వరకు చాలా సినిమాలు వచ్చాయి. అలానే ఈ ఓసి సినిమా కధ – కధనం కూడా సినిమా నేపద్యం లోనే సాగుతుంది. ఏ బ్యాగ్రౌండ్ లేకుండా ఇండస్ట్రీకి వచ్చి మెగాస్టార్‌గా ఎదిగిన చిరంజీవిని స్పూర్తిగా తీసుకొని ఈ కథ రాసుకున్న తీరు బాగుంది.
మొదటి అంకం (ఫస్ట్ ఆఫ్) అంతా చాలా కామెడీతో తమ లక్ష్యం కోసం ప్రయత్నించే కుర్రాళ్లు, హీరోయిన్ వచ్చే చిన్న చిన్న రొమాంటిక్ సీన్స్ మెప్పించాయి. అలాగే సినిమా ఆడిషన్స్‌లో జరిగే కామెడీని బాగా చూపించారు. ఇంటర్వెల్ వచ్చే ఫైట్ సీన్ చాలా బాగుంది. ముగ్గురు కలిసి చేసే ఫైట్ సీన్ కమర్షల్ సినిమాను తలపిస్తుంది.
ఇక సినిమా రెండవ అంకం (సెకండ్ ఆఫ్) మాత్రం సినిమాకు హైలెట్ అని చెప్పవచ్చు. దర్శకుడు ఎమోషన్ పార్టు ఎక్కువ వచ్చేలా కధనం రాసుకొన్న తీరు బాగుంది. సినిమే ప్రపంచం అని బతికే కుర్రాళ్లు ఎలాంటి కష్టాలు పడ్డారు అనేది బాగా చూపించారు. తమ లక్ష్యం, మధ్యలో రివేంజ్, స్నేహం ఈ ముడింటిని బ్యాలెన్స్‌డ్‌గా కథ నడిపించిన తీరు మెప్పిస్తుంది.
ఓసి సినిమా క్లైమాక్స్ చాలా భావోధ్వేగానికి గురిచేస్తుంది. చూసే ప్రేక్షకుడి కళ్లు చెమ్మగిళ్లుతాయి. కాకపోతే అక్కడక్క కాస్త ఎడిటింగ్ షార్ప్‌గా కట్ చేస్తే బాగుండేది అనిపిస్తుంది. ఇంకా స్క్రీన్ – ప్లే బెటర్ వే లో చెప్పి ఉంటే మంచి కామర్సి యల్ సినిమా అయ్యేది.
దర్శకుడు, నటి నటులు ప్రతిభ పరిశీలిస్తే:
విష్ణు బొంబెల్లి డైరెక్షన్ కి ఇది ఫస్ట్ సినిమా అయినా ఫర్ఫెక్ట్ టేకింగ్ తో మంచి ఎమోషనల్ గా కధ చెప్పే ప్రయత్నం చేశాడు. ఎమోషన్స్ పండించడంలో డైరెక్టర్ మంచి మార్కులు కొట్టేశాడు. క్రాఫ్ట్స్ ఉపయోగించుకోవడంలో ఆయన పనితనం కనిపించింది. కచ్చితంగా ఇండస్ట్రీలో మంచి పేరు తెచ్చుకుంటారు.
హీరోగా నటించిన హరీష్ బొంబెల్లి వెండితెరకు ఈ ఓసి సినిమా డెబ్యూ మూవీ అయినా యాక్టింగ్ పరంగా మెప్పించారు. చాలా మెచ్యూర్‌డ్ గా నటించారు. కొన్ని యాక్షన్ సీన్స్, ఎమోషనల్ సీన్స్ లో అయితే తనదైన మార్క్ నటన తో అదరగొట్టాడు. ముఖ్యంగా సినిమా డైరెక్టర్ ముందు ఆడిషన్స్ ఇచ్చే సీన్స్ చాలా బాగా చేశాడు. కచ్చితంగా వెండితెరపై మంచి క్యారెక్టర్లు పడితే నిలుచుండిపోయే ఫర్ఫార్మెన్స్ ఇచ్చాడు.
హీరో ఫ్రెండ్స్ గా నటించిన రాయల్ శ్రీ, లక్ష్మీ కిరణ్ అద్భుతంగా నటించారు. వీరిద్దరిది ఫుల్ లెంగ్త్ క్యారెక్టర్లు. తెరపై కనిపించిన ప్రతీసారి ఆడియన్స్ ఎంజాయ్ చేస్తూ క్లాప్స్ కొట్టారు.
హీరోయిన్ మాన్య సలాడి ది కూడా మంచి పాత్రే. ఉన్నంతలో చాలా బాగా చేసింది.
కీడా కోలా లో చేసిన జీవన్ బాబు రావు పాత్ర లో నవ్వించాడు, కోపం తెప్పించాడు, భయపెట్టాడు కూడా. ఒక ఫైట్ లో అయితే బురదలో దొర్లుతూ పాత్రలో ఇన్వాల్వ్ అయి చేశాడు. మిగితా నటీనటులు తమ పాత్ర పరిధి మేరకు నటించి మెప్పించారు.
సాంకేతిక నిపుణుల ప్రతిభ పరిశీలిస్తే:
మ్యూజిక్ డైరెక్టర్ చైతన్య కొల్లీ అందించిన మ్యూజిక్ ఈ సినిమాకు చాలా ప్లస్ అయ్యింది. ముఖ్యంగా బ్యాగ్రౌండ్ మ్యూజిక్ చాలా చోట్ల సీన్స్ యొక్క మూడ్ ని ఎలివేట్ చేసింది.
సినిమాటోగ్రాఫర్ సాయిరాం తుమ్మలపల్లి కెమెరా యాంగిల్స్, ఫ్రేమ్స్ మెప్పించాయి. బస్తీ వాసుల కష్టాలను బాగా న్యాచురల్ గా చూపించే ప్రయత్నం చేశాడు.
కౌండిన్య ప్రొడక్షన్స్ నిర్మాణం విలువలు కూడా బాగున్నాయి. కథకు తగ్గట్టుగానే ఎక్కడ కాంప్రమైజ్ అవకుండా చిత్రీకరించారు.
18F మూవీస్ టీమ్ ఓపీనియన్ :
ముఖ్యంగా విష్ణు బొంబెల్లి డైరెక్షన్ గురించి చెప్పాలి. ఫస్ట్ సినిమా అయినా ఫర్ఫెక్ట్ టేకింగ్ తో సినిమా తీశాడు అని చెప్పాలి. ఎమోషన్స్ పండించడంలో డైరెక్టర్ మంచి మార్కులు కొట్టేశాడు. క్రాఫ్ట్స్ ఉపయోగించుకోవడంలో ఆయన పనితనం కనిపించింది. కచ్చితంగా ఇండస్ట్రీలో మంచి పేరు తెచ్చుకుంటారు.
ఇలాంటి కధలు సినిమా ఇండస్ట్రి లో జరిగే మోసాలు, కష్టాలు గురించి యువతి కి మంచి సందేశం గా ఉంటాయి. టాలెంట్ తో పాటు అదృష్టం కూడా ఉండాలి అని చెప్పే సినిమా కధ ఈ ఓసి. హీరోగా నటించిన హరీష్ బొంబెల్లి మంచి నటనతో ఆకట్టుకొన్నాడు. ఇంకా ఇలాంటి మంచి మట్టి కధలు పడితే ఆర్టిస్ట్ గా ఇండస్ట్రి లో సెటిల్ అవ్వవచ్చు.
చదువులు, చేసే వృత్తి పనులు మనుకొని సినిమా పిచ్చిలో తిరిగే యువత చూడవలసిన సినిమా ఇది. ఈ వారాంతం లో థియేటర్ కి వెళ్ళి అందరు చూసి ఎంజాయ్ చేయవచ్చు.