అగ్లీ స్టోరీ రివ్యూ: 

ప్రణవ స్వరూప్ రచన దర్శకత్వంలో రియా జియా ప్రొడక్షన్స్ బ్యానర్ పై నందు, అవికా గోర్ జంటగా నేడు ముందుకు వచ్చిన చిత్రం అగ్లీ స్టోరీ. శ్రీ సాయికుమార్ దారా సినిమాటోగ్రఫీ చేసిన ఈ చిత్రానికి శ్రవణ్ భరద్వాజ్ సంగతాన్ని అందించగా శ్రీకాంత్ పట్నాయక్ ఎడిటింగ్ చేశారు. సుభాషిని, కొండా లక్ష్మణ్ నిర్మాతలుగా వ్యవహరించారు. శివాజి రాజా, రవి తేజ మహాదశ్యం, ప్రగ్య నయన్ తదితరులు కీలకపాత్రలు పోషించారు. ఇక ఈ చిత్ర రివ్యూ విషయానికి వస్తే…

కథ పరిశీలిస్తే:

నందు (కార్తీక్), అవికా గోర్ (నేహా) బావ మరదల్లు. అవికా గోట్ తల్లిదండ్రులు లేకపోవడంతో తన అమ్మమ్మ దగ్గర ఉంటుంది. తన అమ్మమ్మ కూడా చనిపోవడంతో తన మామయ్య అయినటువంటి శివాజీ రాజా (నారాయణ రావు) ఇంటికి తీసుకుని వెళ్లి పెంచుతారు.

  అయితే అప్పటికే తల్లి లేని కొడుకు తనకు ఉండటంతో నందుకు చిన్నప్పటినుండి అవికా గోర్ తన భార్య అని చెబుతూ ఉంటారు, కానీ అవికా గోర్ అప్పటికే తన చిన్నమనాటి స్నేహితుడు అయినటువంటి రవి తేజ మహాదశ్యం (గౌతమ్) తో ప్రేమలో ఉంటుంది.

నందు నేహా ని ఎలా పెళ్లి చేసుకుంటాడు?

రవితేజ, నేహా (అవికా గోర్) ప్రేమ గెలుస్తుందా?

వారి ప్రేమకు నందు తోడ్పడతాడా లేదా అడ్డుపడతాడా?

శివాజీ రాజా వల్ల నందుకు న్యాయం జరుగుతుందా, లేదా?

అని అనేక ప్రశ్నలకు సమాధానం తెలియాలంటే వెండితెరపై ఈ అగ్లీ స్టోరీ చిత్రాన్ని చూడాల్సిందే.

నటీనటుల నటన :

నందు: ఒక సైక్ క్యారెక్టర్ లో ఇంతవరకు నందు కనిపించని ఒక కొత్త పాత్రలో ఈ సినిమాలో కనిపించారు. ఇప్పటివరకు నందు యాక్టింగ్ పెర్ఫార్మన్స్ ఒక వంతు ఈ సినిమా మరొక వంతు. ఈ చిత్రంతో చిత్రపరిశ్రమకు ఒక కొత్త నందు పరిచయమవుతున్నాడని చెప్పుకోవచ్చు.

  అటు ఎమోషనల్ గా అలాగే ఇటు ఒక సైక్ క్యారెక్టర్ తో నందు అప్పటికప్పుడు ఎక్స్ప్రెషన్స్ మారుస్తూ అద్భుతమైన పర్ఫార్మెన్స్ ఇచ్చారు.

అవికా గోర్:  నేహా గా అటు అమాయకత్వంతో అలాగే ఇటు ఎమోషనల్ గా ప్రేక్షకులను ఎంతగానో ఆకట్టుకున్నారు.

  సినిమా అంతా ఒకే విధంగా కాకుండా కొన్ని సన్నివేశాలు బట్టి ఆమె పరఫార్మన్స్ కూడా మారుతూ ప్రేక్షకులను ఆకట్టుకుంది.

రవితేజ మహాదశ్యం: రవితేజ ఈ చిత్రంలో కాస్త పరిధిలో కనిపించినప్పటికీ అతని నటన పాత్ర సినిమాకు మంచి ఇంపాక్ట్ ఇస్తుంది. అతని పాత్ర సినిమాకు చాలా ప్లస్ గా నిలిచింది.

అలాగే తండ్రి పాత్రలో శివాజీ రాజా అద్భుతమైన నటనను ప్రదర్శించారు. తన కొడుకు, మేనకోడలు పరిస్థితులను చూసి ఒక కుటుంబ పెద్దగా వ్యవహరిస్తూ సినిమాలో ఆయన చూపించిన ప్రదర్శనకు ప్రేక్షకులు ఆశ్చర్యపోయారు.

అలాగే పోలీస్ ఆఫీసర్ పాత్రలో చాలా పరిధిలో కనిపించిన ప్రగ్య నయన్ చాలా బాగా నటించారు. అలాగే చిత్రంలో కనిపించిన ఇతర నటీనటులంతా తమ తమ పాత్రలో పరిధిలో నటిస్తూ సినిమాకు ప్లస్ గా నిలిచారు.

సాంకేతిక విశ్లేషణ :

దర్శకత్వం:   ఒక సైకలాజికల్ కథను ప్రేక్షకులకు అర్థమయ్యే విధంగా చూపించడం ఒక ఛాలెంజింగ్ విషయం. అటువంటి కథను వెండితెరపై ప్రేక్షకులకు అర్థమయ్యే విధంగా చూపించడంలో దర్శకుడు ప్రణవ స్వరూప్ విజయం సాధించారు.

సాధారణంగా ఇటువంటి సినిమాలలో అయితే మూల పాత్ర పై కోపం వస్తుంది లేదా జాలి వేస్తుంది. కానీ ఈ సినిమాలో ఆ మూల పాత్ర పై కోపంతో పాటు జాలి కూడా వేస్తుంది.

అటువంటి పాత్రను సృష్టించి, ఆ పాత్ర చుట్టూ ఇతర పాత్రల జీవితం ఎలా ఉంటుందో చూపిస్తూ ప్రస్తుతం బయట సమాజంలో కనిపిస్తున్న కొన్ని పాత్రలను ప్రతిమభిస్తూ దర్శకుడు చాలా బాగా ఈ సినిమాను ముందుకు తీసుకుని వెళ్లారు.

సినిమాటోగ్రఫీ : టేకింగ్ విషయానికి వస్తే డి ఓ పి ఈ సినిమాను తన కెమెరాలు బంధించడంలో సక్సెస్ అయ్యారు. ప్రతి సన్నివేశం చాలా అద్భుతంగా చూపించారు.

మ్యూజిక్ :  అలాగే సినిమా అంతటా బ్యాగ్రౌండ్ మ్యూజిక్ తో పాటు పాటలు కూడా పర్ఫెక్ట్ గా మ్యాచ్ అయ్యాయి.

ఎడిటింగ్ : సినిమాలో ఎంతవరకు అవసరమో అంతవరకే సన్నివేశాలను చూపిస్తూ ఎడిటర్ చాలా బాగా పనిచేశారు.

లొకేషన్స్ విఎఫ్ఎక్స్ ఇంకా ఇతర సాంకేతిక విషయాలలో ఎక్కడా కాంప్రమైజ్ అయినట్లు అనిపించలేదు. నిర్మాణ విలువలు అద్భుతంగా ఉన్నాయి.

ప్లస్ పాయింట్స్ :

కథ, దర్శకత్వం, బ్యాగ్రౌండ్ మ్యూజిక్, నటీనటుల నటన, నందు పీక్ పెర్ఫార్మెన్స్.

మైనస్ పాయింట్స్ :

కాస్త క్రూరంగా అనిపించిన కొన్ని సన్నివేశాలు.

18F ఒపీనియన్ :

ప్రస్తుతం బయట సమాజంలో చూస్తున్న కొన్ని సైక్ పాత్రలు ప్రతిబింబిస్తూ ప్రస్తుత పరిస్థితులను, ప్రేమ పేరుతో కొంతమంది పడే ఇబ్బందులను చూపిస్తూ వచ్చిన ఈ కథను కుటుంబ సమేతంగా చూడదగిన చిత్రం.

18F మూవీస్ రేటింగ్: 2.75/5