చిత్రం: “మంజుమ్మెల్ బాయ్స్”
విడుదల తేదీ : ఏప్రిల్ 06, 2024,
నటీనటులు: సౌబిన్ షాహిర్, శ్రీనాథ్ బాసి, బాలు వర్గీస్, గణపతి ఎస్ పొదువల్, జీన్ పాల్ లాల్, దీపక్ పరంబోల్, అభిరామ్ రాధాకృష్ణన్ మరియు అర్జున్ కురియన్ తదితరులు,
దర్శకుడు: చిదంబరం,
నిర్మాతలు: బాబు షాహిర్, సౌబిన్ షాహిర్, షాన్ ఆంటోని,
సంగీత దర్శకులు: సుశీన్ శ్యామ్,
సినిమాటోగ్రాఫర్: షైజు ఖలీద్,
ఎడిటింగ్: వివేక్ హర్షన్.
మూవీ: మంజుమ్మెల్ బాయ్స్ రివ్యూ ( Manjummel Boys Telugu Review)
కమల్ హాసన్ నటించిన గుణ సినిమా ఘాట్ చేసిన డెవిల్స్ కిచెన్ (గుణ కేవ్) అనే కొండ – లోయ ప్రాంతం దగ్గర 2000 సంవత్సర ప్రాంతం లో జరిగిన యాదార్ధ సంఘటన ఆదారంగా మలయాళ దర్శకుడు చిదంబరం దర్శకత్వం వహించిన ఈ మంజుమ్మెల్ బాయ్స్ చిత్రం గత నెలలో మలయాళం మరియు తమిళ లో విడుదలై 200 కోట్లు దాటి వసూళ్లు రాబట్టింది.
అంత సూపర్ హిట్ అయిన ఈ మంజుమ్మెల్ బాయ్స్ చిత్రంలో సౌబిన్ షాహిర్, శ్రీనాథ్ బాసి, బాలు వర్గీస్ తో పాటు మరో 5 గురూ కీలక పాత్రలు పోషించారు. తెలుగులో ఈ సినిమా మైత్రి మూవీస్ దిష్టిబుసన్ ద్వారా ఈ రోజు విడుదలైంది. నిన్ననే కొన్ని ఎంపిక చేసిన సిటీలలో స్పెషల్ ప్రీమియర్స్ తో పాటు హైదరాబాద్ మీడియా కి కూడా షో వేయడం జరిగింది.
మరి మలయాళ, తమిళ, కన్నడ లో అంత పెద్ద హిట్ అయిన ఈ చిత్రం మన తెలుగు ఆడియన్స్ను ఏ మేరకు మెప్పిస్తుందో మా 18F మూవీస్ టీం సమీక్ష చదివి తెలుసుకుందామా !.
కధ పరిశీలిస్తే (Story Line):
2002 సంవత్సరం లో కేరళలోని కొచ్చి లొని ఓక పారిశ్రామిక ప్రాంతానికి చెందిన కొంత మంది బాయ్స్ ఓక క్లబ్ గా ఏర్పడి, ఆ క్లబ్ కి మంజుమ్మల్ బాయ్స్ అని పేరు పెట్టుకొంటారు. ఈ బాయ్స్ లో ముఖ్యంగా కుట్టన్ (షౌబిన్ షాహిర్), సుభాష్ (శ్రీనాథ్ భాషి), బాలు వర్గీస్ తో పాటు వీరి మిత్రులందరూ చిన్నప్పటి నుండి అదే ప్రాంతం లో జీవిస్తూ, పెద్దయిన తర్వాత కూడా అక్కడే చిన్నచితకా ఉద్యోగాలు చేసుకుంటూ సరదాగా ఉంటారు.
అయితే, వీరు చుట్టూ పక్కల ప్రాంత క్లబ్ సబ్యులు టూరిస్టు ప్లేస్ లకు వెళ్తూ ఎంజాయ్ చేస్తున్నారు అని ఈ మంజుమ్మెల్ బాయ్స్ బ్యాచ్ కూడా కొడైకెనాల్ ట్రిప్ కు ప్లాన్ చేస్తారు. ఆ ట్రిప్ పై ఆసక్తి చూపని సుభాష్ ని, కుట్టన్ సుభాస్ ఇంటికెళ్ళి ఒప్పించి టమాటో పాటు టూర్ కి తీసుకువెళ్తాడు.
ఈ క్రమంలో బాయ్స్ కేరళ నుండి తమిళనాడు కొడైకెనాల్ కి వచ్చి అక్కడ అందరు టూరిస్ట్ లు గుణ కేవ్ దగ్గరకు వెళ్తున్నారు అని తెలుసుకొని వేరు కూడా వెళతారు. అక్కడ జరిగిన కొన్ని నాటకీయ పరిణామాల నేపథ్యంలో మంజుమ్మెల్ బాయ్స్ అందరూ గుణ కేవ్ దగ్గర నిషిద్ద ప్రాంతమైన లోతైన లోయ లోకి వెళ్తారు.
ఆ లోయల్లో పడ్డవాళ్లెవ్వరూ ప్రాణాలతో బయటపడ్డదాఖలాలు లేవు. అందుకే గుణ కేవ్ లోపలికి వెళ్లడాన్ని నిషేదించారు. కానీ, మంజుమ్మెల్ బాయ్స్ మాత్రం సెక్యూరిటీ సిబ్బందికి కళ్లుగప్పి ఆ గుణ కేవ్ లోపలికి వెళ్తారు. అలా అనుకోకుండా సుభాష్ ఓ ఇరుకైన లోయ లోపలకి పడిపోతాడు.
ఆ తర్వాత సుభాస్ కి ఏం జరిగింది ?,
సుభాష్ ప్రాణాలతో బయటపడ్డాడా ? లేదా ?,
సుభాష్ను కాపాడటానికి కుట్టన్ ఎలాంటి సాహసం చేశాడు ?,
తమ ఫ్రెండ్ కోసం మిగిలిన బాయ్స్ అందరు ఏమి చేశారు ?,
అక్కడి లోకల్ ఫారెస్ట్, పోలీస్, ఫైర్ దేపార్ట్మెంట్స్ ఇన్వాల్మెంట్ ఎలా ఉంది?,
ఆ లోతైన కేవ్స్ కి గుణ కేవ్స్ అని పేరు ఎలా వచ్చింది? ,
ఇంకా ఆ ప్రాంతాన్ని బ్రిటిష్ కాలం లో డెవిల్స్ కిచెన్ అని ఎందుకు పేరు పెట్టారు ?,
ఆ గుణ కేవ్స్ లో పడిన వారు ప్రాణాలతో బయట పడ్డారా ?
చివరికి ఏం జరిగింది ?, బాయ్స్ కధ సుఖాంతం అయ్యిందా ?
అనే ప్రశ్నలు ఇంటరెస్ట్ గా ఉంది వాటికి జవాబులు తెలుసుకోవాలి అని ఉంటే వెంటనే మీకు దగ్గర లొని దియేటర్ కి వెళ్ళి మంజుమ్మల్ బాయ్స్ సినిమా చూసేయండి.
కధనం పరిశీలిస్తే (Screen – Play):
ఈ మంజుమ్మల్ బాయ్స్ సినిమా తెలుగు ప్రేక్షకులకు కొత్త అనుభూతిని ఇచ్చేలా ఉన్నా, రెగ్యులర్ కమర్షియల్ ఎలిమెంట్స్ కి మాత్రం దూరంగా సాగింది అని చెప్పవచ్చు. ఇక చాలా లాజికల్ పాయింట్స్ ని పర్ఫెక్ట్ గా రివీల్ చేసిన డైరెక్టర్ కొన్నిటిని మాత్రం ఇన్ డైరెక్ట్ గా చాలా సింపుల్ గా చూపించి వదిలేశాడు. వాస్తవ సంఘటన వంటి మంచి కథాంశం తీసుకోవడంలో సక్సెస్ అయిన దర్శకుడు చిదంబరం అంతే స్థాయిలో ఉత్కంఠభరితమైన కథనాన్ని (స్క్రీన్ – ప్లే) రాసుకున్నాడు. కానీ, కొన్ని సన్నివేశాలను మాత్రం సింపుల్ గా వదిలేశాడా అనిపిస్తుంది.
ఈ కొడైకెనాల్ ప్రాంతానికి రెగ్యులర్ గా వెళ్ళే టూరిస్ట్ లకు, తమిళ, మలయాళ, కన్నడ (మూడు రాష్ట్రాల ప్రజలకు దగ్గర గా) ప్రాంత ప్రజలు బాగా కనెక్ట్ అవుతారు.
దర్శకుడు చిదంబరం మంచి రియల్ గా జరిగిన ఇన్సిడెంట్ ని కధ గా తీసుకొని థ్రిల్లింగ్ ఎలిమెంట్స్ ని కధనం (స్క్రీన్ – ప్లే) లో చొప్పించి ప్లే చేసినా ఆ లోయ ప్రాంతం గురించి తెలియని ఎక్కువ తెలుగు ప్రేక్షకులకు ఏదో కధ ని ఇంటరెస్ట్ గా సాగే సినిమా చూస్తున్నాము అనిపిస్తుంది తప్ప ఇన్వాల్వ్ అవ్వడం జరగదు.
ఇంకా కొన్ని కీలకమైన సన్నివేశాలను స్క్రిప్ట్ గా బాగా రాసుకున్నప్పటికీ , తెర మీద చూస్తున్నప్పుడు సీన్స్ చూసినవే చూస్తున్నాము అనిపిస్తుంది. ఈ కధ కు ముఖ్య పాయింట్ ఐన సుభాస్ మిస్సింగ్ ని తెరమీద చూస్తున్నంత సేపు తర్వాత ఏం జరుగుతుంది ?, సుభాష్ పాత్ర ఆ లోయ నుంచి ఎలా బయట పడతాడు ? అనే ఉత్కంఠను ప్రేక్షకుల్లో తన స్ట్రాంగ్ స్క్రీన్ రైటింగ్ తో దర్శకుడు బాగానే ఆకట్టుకొన్నా అదే పాయింట్ చుట్టూ కథను నడపడంతో సినిమాలో కొన్నిచోట్ల కధనం రిపీట్ అవుతూ స్లో అయ్యిందా అనిపిస్తుంది.
దర్శకుడు, నటి నటులు ప్రతిభ పరిశీలిస్తే:
దర్శకుడు చిదంబరం ఎప్పుడో 1991 నో వచ్చిన కమల్ హాసన్ గుణ సినిమా సాంగ్ తో మంజుమ్మల్ బాయ్స్ సినిమా కధ మొదలు పెట్టి, గుణ కేవ్స్ దగ్గర టూరిస్ట్ ల అజాగ్రత్త వలన జరిగే ప్రమాదాలు ఎలా ఉంటాయో తెలియజెప్పడం కోసం ఆ కేవ్స్ లో జరిగిన ఓక యాదార్ధ సంఘటన ఆధారంగా రాసుకొన్న ఓక డిఫరెంట్ సర్వైవల్ కాన్సెప్ట్ తో సినీ – ప్రేక్షకులను మెప్పించే ప్రయత్నం లో సక్సెస్ సాదించాడు అని చెప్పవచ్చు.
ఓ లోతైన లోయ చుట్టూ అల్లుకున్న ఇన్సిడెంట్స్, అలాగే స్నేహితుల మధ్య ఎమోషన్స్, టూరిస్ట్ గా వెళ్ళి రియలిస్టిక్ గా అనుకోని ప్రమాదంలో పడే సీన్స్ అండ్ ఆ లోయలో నుండి బయట పడే సీన్స్ మరియు చివరిగా సినిమాలో ఉన్న మంచి మెసేజ్ ఈ సినిమాకే హైలెట్స్ గా చేయడం లో దర్శకుడు విజయం సాదించాడు.
ముఖ్యంగా చిన్ననాటి ఎపిసోడ్ లను ప్రస్తుత లోయ ప్రాంతానికి కనెక్ట్ చేస్తూ చిదంబరం రాసుకున్న స్క్రీన్ ప్లే బాగుంది. అలాగే, ఈ సర్వైవల్ థ్రిల్లర్లలోని ఎమోషన్స్ అండ్ మెసేజ్ మరియు వాస్తవికత కూడా చాలా బాగా కుదిరింది. వందలాది అడుగుల లోతైన లోయలో పడిన ఓ యువకుడిని అతడి స్నేహితులు ప్రాణాలకు తెగించి ఎలా కాపాడారు అనే చిన్న పాయింట్ చుట్టూ రియలిస్టిక్ ఎమోషనల్ డ్రామాను దర్శకుడు చిదంబరం చాలా బాగా బిల్డ్ చేశాడు.
అందుకే మలయాళ, తమిళ సినీ జనాలు సినిమా కి నీరాజనం పడుతున్నారు. నటీనటుల యాక్టింగ్, విజువల్స్, బీజీఎమ్ ఈ సినిమాకు ప్రాణం పోశాయి.
షౌబిన్ షాహిర్, శ్రీనాథ్ భాషిలు తప్ప మిగిలిన నటులు చాలా చిన్న నటులైనా వారు చేసిన పాత్రలకు ప్రేక్షకులు బాగా కనెక్ట్ అవుతారు. అందరు పాత్రధారులందరూ చాలా బాగా నటించారు. వారిది యాక్టింగ్ అన్న అనుభూతి ఎక్కడ కలగదు. రియల్ లైఫ్ లో యూత్ గ్యాంగ్ ఎలా ఉంటారో, వాళ్ల అల్లరి కూడా అలాగే సాగింది. రియల్ మంజుమ్మెల్ బాయ్స్ లా వారి నటన ఆకట్టుకుంది.
గుణ కేవ్స్ దగ్గర వందల అడుగుల లోతైన లోయల్లో పడ్డాక సాగిన సన్నివేశాలు చాలా సహజంగా అనిపించాయి. ఆ లోయలో పడ్డవాళ్లెవ్వరూ ప్రాణాలతో బయటపడలేదు అని తెలిసనా తమ స్నేహితుడి కోసం మంజుమ్మల్ బాయ్స్ ప్రాణాలకు తెగించే సంఘటనలు కూడా ఆకట్టుకుంటాయి.
సాంకేతిక నిపుణుల ప్రతిభ పరిశీలిస్తే:
సంగీత దర్శకుడు సుశీన్ శ్యామ్ సంగీతం చాలా బాగుంది. కొన్ని ఉత్కంట గొలిపే లోయ సన్నివేశాల దగ్గర ఇచ్చిన BGM అయితే సీటులో కూర్చున్న ప్రేక్షకుడిని కూడా లోయలోకి తీసుకు వెళ్ళిపోతుంది. బాక్ గ్రౌండ్ మ్యూజిక్ గురించి ప్రేత్యేకంగా చెప్పుకుంటారు.
షైజు ఖలీద్ సినిమాటోగ్రఫీ వర్క్ సినిమాకే ప్రత్యేక ఆకర్షణగా నిలుస్తోంది. చాలా సీన్స్ లొని విజువల్స్ అద్బుతంగా ఉన్నాయి. రియల్ లోయలో షూటింగ్ చేసిన ఫీలింగ్ కలుగుతుంది.
ఎడిటర్ వివేక్ హర్షన్ చేసిన ఎడిటింగ్ కూడా సినిమా కి హైలైట్ గా నిలుస్తుంది. చాలా క్రిస్పీ గా కట్ చేసిన కొన్ని సీన్స్ అయితే చాలా ఇంప్రెసివ్ గా ఉన్నాయి. సినిమా లెన్త్ కూడా పర్ఫెక్ట్ గా మెయిన్టైం చేశారు.
ఇక నిర్మాతలు బాబు షాహిర్, సౌబిన్ షాహిర్, షాన్ ఆంటోని లకు ప్రేత్యేక అభినందనలు తెలపాలి. అందుకంటే దర్శకుడు చిదంబరం ఆలోచనను నమ్మి, కమర్సీయాలటి ఆలోచించకుండా ఇలాంటి వాస్తవిక చిత్రాన్ని నిర్మించినందుకు.
18F మూవీస్ టీమ్ ఓపీనియన్ :
దర్శకుడు చిదంబరం కమల్ హాసన్ గుణ (1991) సినిమా ని గుర్తుచేస్తూ చేసిన ఈ ‘మంజుమ్మల్ బాయ్స్’ సినిమా కధ చిన్నదే అయినా, థ్రిల్లింగ్ ఎలిమెంట్స్ తో ఎమోషనల్ లైఫ్ సర్వైవల్ థ్రిల్లర్ గా చెప్పాలనకున్న మెయిన్ కంటెంట్ మరియు ఎమోషనల్ సన్నివేశాలు హృదయానికి హత్తుకుపోయాయి.
అలాగే నటీనటుల నటన అద్భుతంగా అనిపిస్తోంది. ముఖ్యంగా కుట్టన్ – సుభాష్ మరియు ప్రధాన పాత్రల మధ్య సున్నితమైన భావోద్వేగాలు కూడా ఆకట్టుకున్నాయి.కొన్ని సీన్స్ లో స్లో నేరేషన్, పూర్తిస్థాయిలో కమర్షియల్ అంశాలు లేకపోవడం, నటులు మన తెలుగు ప్రేక్షకులకు కొత్తగా ఉండటం వంటి చిన్న చిన్న అంశాలు సినిమాకి కొంత మైనస్ అయ్యాయి.
ఓవరాల్ గా ఈ చిత్రంలో రియల్ ఎమోషనల్ ఎలిమెంట్స్ అండ్ డీసెంట్ ఫీల్ గుడ్ మెసేజ్ ప్రతి సినిమా ప్రేక్షకుడిని చాలా బాగా ఆకట్టుకుంటాయి. ప్రతి ప్రేక్షకుడు తప్పక చూడవలసిన ఎమోషనల్ లైఫ్ సర్వైవల్ థ్రిల్లర్ మూవీ.
