చిత్రం: మహారాజ ,
విడుదల తేదీ : జూన్ 14, 2024,
నటీనటులు: విజయ్ సేతుపతి, అనురాగ్ కశ్యప్, మమతా మోహన్ దాస్, నట్టి (నటరాజ్), భారతీరాజా, అభిరామ్, సింగంపులి, అరుల్దాస్, మునిష్కాంత్, వినోద్ సాగర్, బాయ్స్ మణికందన్, కల్కి, సచన నమిదాస్,
దర్శకుడు: నితిలన్ సామినాథన్,
నిర్మాతలు : సుధన్ సుందరం, జగదీష్ పళనిసామి,
సంగీత దర్శకుడు: అజనీష్ లోక్‌నాథ్,
సినిమాటోగ్రఫీ: దినేష్ పురుషోత్తమన్,
ఎడిటింగ్: ఫిలోమిన్ రాజ్,
మూవీ: మహారాజ రివ్యూ (Maharaja Movie Review)
మక్కల్ సెల్వన్ విజయ్ సేతుపతి తన కెరీర్ లో 50వ సినిమాగా చేసిన “మహారాజ” చిత్రం తమిళం తో పాటు తెలుగులో కూడా ఈ శుక్రవారమే రిలీజ్ అయ్యింది. ఈ చిత్రాన్నివిజయ్ సేతుపతి తెలుగు ప్రేక్షకులకు దగ్గర చేయాలని సాధ్యమైనంత వరకూ హైదరాబాద్ లో ఉండి ప్రమోషన్స్ ని చేసాడు.
మరి తన కెరీర్ లో బెంచ్ మార్క్ సినిమా అయిన మహారాజ తో తెలుగు లో హిట్ అందుకున్నాడో లేదో మా 18F మూవీస్ టీం సమీక్షలో చదివి తెలుసుకుందామా !
కధ పరిశీలిస్తే (Story Line):
మహారాజ(విజయ్ సేతుపతి) ఓ చిన్నపాటి మధ్యతరగతి కుటుంబీకుడు. ఒక సెలూన్ షాప్ నడుపుతూ తన కూతురు జ్యోతి ని చదివిస్తూ ఒక ఆనందకర జీవితాన్ని కొనసాగిస్తాడు. అయితే తన గతంలో జరిగిన ప్రమాదం మూలాన తన భార్య చనిపోతుంది.
తన ఇంట్లో ఉన్న ఒక ఇనప చెత్త డబ్బా కారణంగా ఆ ప్రమాధ్యం నుండి తన కూతరు కాపాడబడుతుంది. దీనితో అక్కడ నుంచి మహారాజ, జ్యోతి సెంటిమెంట్ గా ఆ చెత్త బుట్ట కి లక్ష్మి అని పేరు పెట్టుకొని తమ కుటుంబంలో ఒకటిగా దాన్ని పూజిస్తారు.
ఇంకో పక్క సెల్వ(అనురాగ్ కాశ్యప్) తన గ్యాంగ్ తో తరచుగా దొంగతనాలు చేస్తూ ఉంటాడు. అలా ఓ రోజున తన లక్ష్మి ముగ్గురు దొంగలు మూసుగుతో వచ్చి దొంగలించారాని మహారాజ పోలీస్ కంప్లైంట్ చేయడానికి వెళ్తాడు. ఇక అక్కడ నుంచి కథ ఎలా మలుపు తిరిగింది.
లక్ష్మి ని తిరిగి ఇంటికి తీసుకు రావడం కోసం మహారాజ ఏం చేస్తాడు?,
లక్ష్మీ (చెత్త బుట్ట) పోయిందని చెప్పేసరికి పోలీసులు ఎలా రియాక్ట్ అయ్యారు?,
నిజంగా లక్ష్మి (చెత్తబుట్ట) కోసమే మహారాజ పోలీసుల దగ్గరకు వెళ్లాడా?,
ఆ చెత్త బుట్టలో మహారాజ ఏం దాచాడు? ,
ఈ క్రమంలో తన కూతురు జ్యోతి కి ఏమయ్యింది ?,
సెల్వ కి మహారాజాకి ఏమన్నా సంబంధం ఉందా?,
మహారాజ ఇంటిలో లక్ష్మీకి సెల్వ కి సంబంధం ఉందా?
సెల్వ మహారాజ ని ఎందుకు చంపానుకొంటాడు ?,
మహారాజ భార్య ఎలా చనిపోయింది ?,
ప్రమాధానికి కారణం ఎవరు ? ,
మరేదైన కారణం ఉందా? ,
లాంటి అనేక ఆసక్తికర ప్రశ్నలకి సమాధానం దొరకాలి అంటే ఈ చిత్రాన్ని మీ దగ్గర లొని దియేటర్ కి వెళ్ళి వెంటనే చూడాల్సిందే.
కధనం పరిశీలిస్తే (Screen – Play):
ఈ మహారాజ చిత్ర కధ చాలా పాత రీవెంజ్ కధనే అయినా దర్శకుడు కధనం ( స్క్రీన్‌ప్లే) తో మేజిక్ చేసి ఊహకు అందని ట్విస్టులు మరియు టర్నింగ్ పాయింట్స్ తో పాటు నటి నటుల నటనతో ఒక రేంజ్ సినిమా గా మాలిచాడు.
కధ – కథనం తెలిసినట్టు ఉన్నా సగటు ప్రేక్షకుడు మాత్రం ఒకింత కన్ఫ్యూజ్ అవుతాడు. ఒక టైం లో మనం చూస్తుంది ప్రస్తుత సన్నివేశాలా లేక గతానికి సంబంధించినవా అని సందేహం కలుగుతుంది. ఆ సందేశం ఫ్రీ క్లైమాక్స్ వరకూ తెలియదు.
సినిమాలో కథనం చూస్తున్నంత సేపు మహారాజ (సేతుపతి) లక్ష్మీ (చెత్తబుట్ట) కోసం అంత గట్టిగా పోలీస్ లతో వాదిస్తూ నిలబడుతున్నాడు అంటే తాను చెప్తున్నా కారణం కాక ఖచ్చితంగా ఇంకో కారణం ఉండే ఉంటుంది అనిపిస్తుంది. కానీ అది ఏమిటో ఎండ్ వరకూ తెలియకుండా స్క్రీన్ ప్లే మ్యాజిక్ కాపాడుతుంది.
ఇంకా సినిమాలో క్లైమాక్స్ ఎపిసోడ్ చాలా కీలకం అయితే ఇది హార్డ్ హిట్టింగ్ గా ఉంటుంది. ఇక ఈ చిత్రం ఎక్కువగా మహారజ (విజయ్ సేతుపతి) పాత్ర చుట్టూ కధనం నడుస్తుంది. భారతీరాజా, మమతా మోహన్‌దాస్ మరియు అభిరామి వంటి ఇతర నటీనటులు ఉన్నప్పటికీ, వారి ప్రభావం అంతగా ఉండదు.
దర్శకుడు, నటి నటులు ప్రతిభ పరిశీలిస్తే:
దర్శకుడు నిథిలన్ స్వామినాథన్ తాను ఒక రీవెంజ్ డ్రామా కధనే ఎంచుకొన్నా, తన స్క్రీన్ – ప్లే మ్యాజిక్ తో అద్భుత చిత్రంగా మాలిచాడు. అంతే కాకుండా కధ లోనుంచి బయటికి పోకుండా కథనం ఆకట్టుకునే విధంగా మలిచాడు.
కానీ క్లైమాక్స్ ఎపిసోడ్ మలయాళ ఇరట్టా సినిమా ని గుర్తు చేస్తుంది. ఇరట్టా చూసిన ప్రేక్షకులకు ఒక చిన్న పోలిక తప్ప, ఇరట్టా సినిమా చూడని వారికి చాలా ఫ్రెష్ గా హై ఎమోషనల్ క్లైమాక్స్ చూస్తున్న ఫీలింగ్ కలుగుతుంది. ఈ ఒక్క చిన్న కంపెరేజన్ తప్ప, దర్శకుడుగా ఈ మహారాజ సినిమాని అద్భుత స్క్రీన్ – ప్లే తో అద్భుతంగా తెరకెక్కించాడు.
ఏ నటుడికి అయినా తన కెరీర్ బెంచ్ మార్క్ చిత్రం చిత్ర చారిత్రా పటం లో ఖచ్చితంగా నిలిచిపోయేలా ఉండాలి అని కోరుకుంటారు. అలా కోరుకొని సినీయర్ దర్శకుడిని, పెద్ద ప్రొడక్షన్ హౌస్ ని ఎంపిక చేసుకొని సినిమా చేస్తారు.
కానీ మక్కల్ సెల్వం విజయ్ సేతుపతి కధ – కధనం ని నమ్ముకొని తన కెరీర్ 50వ సినిమాగా సాలిడ్ నటనతో ఫ్యాన్స్ తో పాటు ఫిల్మ్ క్రిటిక్స్ కూడా కలకాలం గుర్తుపెట్టుకొనే సినిమా అందించాడు. ఒక ఇంటెన్స్ ఎమోషన్స్ సహా యాక్షన్ బ్లాక్ లతో ఒక పర్ఫెక్ట్ ఎంటర్టైనర్ ని విజయ్ సేతుపతి డెలివర్ చేసాడని చెప్పాలి.
విజయ్ సేతుపతి ఎంతటి వెర్సటైల్ నటుడో తెలుగు ప్రేక్షకులకు ప్రత్యేకంగా చెప్పక్కర్లేదు. నాలుగు, ఐదు సంవత్స రాల క్రితమే తెలుగు లో ఉప్పెన అనే సినిమా లో హీరోయిన్ పాత్రకి తండ్రి గా నటించి మెప్పించాడు. మరి ఈ సినిమాలో కూడా తన వెర్సటాలిటీ తాను ప్రదర్శించాడు.
ఇక ఈ చిత్రంలో డ్యూయల్ షేడ్స్ లో ఒక మొదటిలో ఒక భర్తగా, మరో షెడ్ లో అమాయకమైన మధ్యస్థ వయసు గల తండ్రిగా సాలిడ్ పెర్ఫామెన్స్ అందించి అదరగొట్టాడు. అలాగే కొన్ని ఎమోషనల్ సీన్స్ ని సేతుపతి ఓ రేంజ్ లో పండించాడు అని చెప్పాలి.
మరో ముఖ్య పాత్ర లో అనురాగ్ కశ్యప్ తక్కువ స్క్రీన్ సమయం ఉన్నప్పటికీ, సాలిడ్ పెర్ఫార్మెన్స్ తో ఆకట్టుకొన్నాడు. తనలో కూడా రెండు కోణాలు ఉండగా వాటిని అనురాగ్ అద్భుతంగా పండించారు. ఇంకా సినిమాలో నాన్ లీనియర్ స్క్రీన్ ప్లే కథనం చూసేందుకు మరింత ఆసక్తిగా మారుస్తుంది. సీన్ టు సీన్ డీసెంట్ కథనంతో సినిమా ఎంగేజింగ్ గా కొనసాగుతుంది.
ఇతర పాత్రలలో మతా మోహన్ దాస్, నట్టి (నటరాజ్), భారతీరాజా, అభిరామి, సింగంపులి, అరుల్దాస్, మునిష్కాంత్, వినోద్ సాగర్ తదితరులు పాత్రల పరిడి మేరకు నటించి మెప్పించారు.
సాంకేతిక నిపుణుల ప్రతిభ పరిశీలిస్తే:
అజనీష్ లోక్‌నాథ్ బ్యాక్‌గ్రౌండ్ స్కోర్ ఎమోషనల్ సన్నివేశాల్లో హైలైట్ గా నిలిచింది. కొన్ని యాక్షన్ సీన్స్ అయితే నెక్స్ట్ లెవెల్ లో ఉన్నాయి.
దినేష్ పురుషోత్తమన్ సినిమాటోగ్రఫీ ఆకట్టుకుంది.
ఫోలోమిన్ రాజ్ ఎడిటింగ్ కూడా చాలా బాగుంది. నిథిలన్ స్క్రీన్ – ప్లే మ్యాజిక్ కి తగ్గ ఎడిట్ కట్స్ పడ్డాయి.
నిర్మాతలు సుధన్ సుందరం, జగదీష్ పళనిసామి మంచి కధను ఎన్నుకొని ఖర్చుకి వెనకాడకుండా నిర్మించారు. చిత్ర నిర్మాణ విలువలు బావున్నాయి. తెలుగు డబ్బింగ్, డైలాగ్స్ కూడా చాలా బాగా కుదిరాయి. సినిమా సామాన్య ప్రేక్షకులను ఆకట్టుకుంటుంది.
18F మూవీస్ టీమ్ ఓపీనియన్ :
ఈ “మహారాజా” సినిమా విజయ్ సేతుపతి కెరీర్ లో డెఫినెట్ గా బెస్ట్ చిత్రంగా నిలిచిపోయే పర్ఫెక్ట్ బెంచ్ మార్క్ సినిమా అని చెప్పవచ్చు. తన మార్క్ వెర్సటైల్ నటనతో సేతుపతి ఆశ్చర్యపరిచాడు. ఆసక్తిగా సాగే కథనం, ట్విస్ట్ లు, పాత్రల ఎమోషన్స్ తో ఈ రివెంజ్ డ్రామా సినీ ప్రేక్షకులను బాగా ఆకట్టుకుంటుంది.
దర్శకుడు నిథిలన్ తన స్క్రీన్ ప్లే మాయాజాలం తో ప్రేక్షకుల అంచనాలకు అందకుండా కధ చెప్పడం లో చాలా వరకు సక్సెస్ అయ్యాడు. మహారాజ సిన్మా చూసే ప్రేక్షకులు కన్ఫ్యూజ్ అవుతూనే నెక్స్ట్ సీన్ ఏంటి, ఈ సీన్ ఏంటి ఇలా మిడ్ వే లో కట్ అయ్యింది అనుకొంటూ సీట్ ఎడ్జ్ లో కూర్చుని పాత్రల పెర్ఫార్మెన్స్ తో ప్రయాణిస్తారు.
కొన్ని హై ఎండ్ ఎమోషనల్ యాక్షన్ సీన్స్ ని పక్కన పెడితే ఈ మహారాజ చిత్రం మాత్రం విజయ్ సేతుపతి వన్ మ్యాన్ షో అని చెప్పవచ్చు.
మరో మాటలో చెప్పాలి అంటే విజయ్ సేతుపతి ఇండియా లోనే పెద్ద పాపులర్ హీరో అనే ఆత్రం మరచి, గ్లామర్ పాటలు, రొమాన్స్ సీన్స్ లేకుండా సామాన్య మనిషి కష్టం వస్తే ఎలా ఎదుర్కుంటాడుఅనే ఒక మహారాజ పాత్ర లో లీనమై చేసిన చిత్రం అని చెప్పవచ్చు.
