చిత్రం: హారొం హర ,
విడుదల తేదీ : జూన్ 14, 2024,
నటీనటులు: సుధీర్ బాబు, మాల్వికా శర్మ, సునీల్, జయప్రకాష్, లక్కి లక్ష్మణ్, అక్షర గౌడ, అర్జున్ గౌడ, రవి కాలే,
దర్శకుడు: జ్ఞాన సాగర్ ద్వారక,
నిర్మాతలు : సుమంత్ జి. నాయుడు,
సంగీత దర్శకుడు: చైతన్ భరద్వాజ్,
సినిమాటోగ్రఫీ: అరవింద్ విశ్వనాథన్,
ఎడిటింగ్: రవితేజ గిరిజాల,
మూవీ: హారొం హర రివ్యూ ( Harom Hara Movie Review)
నైట్రో స్టార్ నుంచి నవ దళపతి సుధీర్ బాబు గా మారి చేసిన ఈ హారొం హర చిత్రం టిజర్, ట్రైలర్ లతో సినీ ప్రేక్షకులలో మంచి అంచనాలు రేకెత్తించింది. ఇక ఈ చిత్రం భారీ అంచనాల మద్య ఈ శుక్రవారమే దియేటర్స్ లో విడుదల అయ్యింది. మరి ప్రి రిలీజ్ ముందు నెలకొల్పిన అంచనాలు అందుకుందో లేదో మా 18F మూవీస్ టీం సమీక్ష చదివి తెలుసుకొందామా !
కధ పరిశీలిస్తే (Story Line):
ఈ హారొం హర సినిమా నేపథ్యం 1980 దశకం చిత్తూరు జిల్లా కుప్పంలో సెట్ చేయబడి ఉంటుంది. అలా కుప్పం ప్రాంతంలో భూస్వామీ తమ్మిరెడ్డి (లక్కి లక్ష్మణ్) తన తమ్ముడు భాస్వ రెడ్డి, కొడుకు శరత్ రెడ్డి (అర్జున్ గౌడ) లతో అత్యంత క్రూరంగా ప్రజల్ని హింసిస్తూ, వారి భూములు లాక్కొని భయపెడుతూ తానే కింగ్ లా జీవిస్తాడు.
ఈ క్రమంలో ఆ కుప్పం లొని పాలిటెక్నిక్ కాలేజీ లో లాబ్ అసిస్టెంట్ గా సుబ్రహ్మణ్యం(సుధీర్ బాబు) ఓ చిన్నపాటి ఉద్యోగం కోసం ఆ ప్రాంతానికి వస్తాడు. కాలేజీ లో తమ్మి రెడ్డి మనుషులతో చిన్న గొడవ వలన తన ఉద్యోగం పోతుంది.
తమ స్వంత ఊర్లో తన తండ్రి (జయ ప్రకాష్) చేసిన అప్పులు తీర్చడానికి ఏ పనైనా చేసి ఎక్కువ డబ్బులు సంపాదించాలని, తన టాలెంట్ తో సస్పెండ్ అయిన పోలీస్ పళని (సునీల్) తో కలిసి తుపాకుల మాఫియాలోకి సుబ్రహ్మణ్యం అడుగుపెడతాడు.
ఈ క్రమంలో తనకు ఎంతో ఇష్టమైన తండ్రికి తమ్మిరెడ్డి వల్ల ఆపద ఎలా వస్తుంది?,
తన కోసం, ఆ ఊరి ప్రజల కోసం సుబ్రహ్మణ్యం ఏం చేస్తాడు?,
గన్ మాఫియా వల్ల సుబ్రహ్మణ్యంకి మంచి జరుగుతుందా చెడు జరుగుతుందా?,
పళని ఎందుకు పోలీస్ స్టేషన్ నుండి సస్పెండ్ అయ్యాడు ?,
సుబ్రమణ్యం తమ్మి రెడ్డితో ఎందుకు గొడవ పడ్డాడు?,
సుబ్బుని అక్కడి ప్రజలు ఎందుకు దేవుడిగా చూస్తున్నారు?,
తన కొడుకు మృతికి కారణమైన సుబ్రమణ్యం ని తమ్మి రెడ్డి ఏం చేశాడు?,
సుబ్రమణ్యం తండ్రి శివా రెడ్డి ని ఎలా ఎలా కపడుకొన్నాడు?,
అసలు సుబ్రమణ్యం తండ్రిని శరత్ రెడ్డి ఎందుకు చంపాలని అనుకున్నాడు?,
వంటి ప్రశ్నలకు సమాధానాలు కావాలి అంటే వెంటనే సినిమా చూసి తెలుసుకోవాలి.
కధనం పరిశీలిస్తే (Screen – Play):
ఈ సినిమాలో మేజర్ డ్రా బ్యాక్ ఏదన్నా ఉంది అంటే అది సినిమా కధ కంటే కధనం (స్క్రీన్ – ప్లే) అని చెప్పాలి. ఇటీవల కాలంలో హీరోని బాగా ఎలివేట్ చేసేందుకు వస్తున్న KGF, పుష్ప, కబ్జా వంటి సినిమా ల తరహా లైన్ లోనే హరోం హర కూడా కొనసాగింది. యశ్ కి కేజీయఫ్, అల్లు అర్జున్ కి పుష్ప ఎలానో ఇది సుధీర్ బాబు వెర్షన్ అని చెప్పాలి.
అయితే ఈ హారొం హర సినిమా కోసం ఎంచుకున్న ప్రాంత నేపథ్యం యాస, భాషా కూడా అల్లు అర్జున్ పుష్ప షేడ్స్ లోనే ఎక్కువగా ఉన్నట్టు అనిపిస్తుంది. కథని చెప్తూ తీసుకెళ్లే విధానం యాస కూడా ఆ సినిమానే మరిపిస్తుంది.
సినిమా మొదటి అంకం (ఫస్ట్ ఆఫ్) పాత్రల పరిచయం తో స్పీడ్ గా సాగినట్టు అనిపించినా, రెండవ అంకం (సెకండాఫ్) లో కూడా ఫస్ట్ ఆఫ్ విలన్స్ అదే ఊరు, యాస వలన చూసే ప్రేక్షకుడికి ఏంటి కధ ముందుకు సాగదా అనిపిస్తుంది. అలాగే అన్ని యాక్షన్ సీక్వెన్స్ లతో పోలిస్తే క్లైమాక్స్ యాక్షన్ ఎపిసోడ్ మాత్రం చాలా అసహజం గా అనిపిస్తుంది.
కానీ, ఈ క్లైమాక్స్ ఎపిసోడ్ కూడా ఆ మద్య వచ్చిన కమల్ హాసన్ విక్రమ్ సినిమా తరహాలోనే డిజైన్ చేయబడింది. క్లైమాక్స్ మాత్రం ఇంకాస్త బెటర్ గా, కొత్తగా చేయాల్సింది. అలాగే కొన్ని సీన్స్ లో లాజిక్స్ లేవు మరికొన్ని సీన్స్ అయితే గత సినిమాల రేఫెరెన్స్ లతో తీసినట్టే అనిపిస్తుంది.
మెయిన్ గా ఒక్క హీరో పాత్రని మాత్రమే ఎలివేట్ చేస్తూ సాగే సినిమాలు చాలా గుర్తు రావచ్చు. ఇక వీటితో పాటుగా ఫిమేల్ లీడ్ లో నటించిన మాళవిక శర్మ పాత్రకి సినిమాలో మరీ అంత స్కోప్ లేదు.
దర్శకుడు, నటి నటులు ప్రతిభ పరిశీలిస్తే:
దర్శకుడు జ్ఞ్యానసాగర్ ద్వారక తను దర్శకునిగా ఈ సినిమా కధతో మెప్పించాడు కానీ చాలా రొటీన్ కథనం (స్క్రీన్ – ప్లే) రాసుకొన్నాడు. లోకల్ యాస లో డైలాగ్స్ ని బాగా రాసుకున్నాడు కానీ స్క్రీన్ ప్లే విషయంలో మాత్రం పాన్ ఇండియా హిట్స్ అయిన పుష్ప, కేజీయఫ్, విక్రమ్ లని చూసినవాళ్ళకి కొత్తగా అనిపించకపోవచ్చు.
కానీ తను అనుకొన్న పాయింట్ వరకు హరోం హర ని ఎక్కడా తగ్గించే విధంగా తెరకెక్కించలేదు. పర్ఫెక్ట్ గా ఎక్కడెక్కడ ఎంత కావాలో ఏ నటీనటులు నుంచి ఎంత రాబట్టాలో బాగానే చూసుకున్నాడు. ఒక్క సినిమా కధనం విషయం తప్ప తన సైడ్ నుంచి లోపాలు అంత ఎక్కువ లేవు.
ఒక నటుడుగా సుధీర్ బాబుని ప్రతి సినిమాకు మెచ్చుకొని తీరాలి. తన సినిమాలకు కథల ఎంపిక నుంచి తన పాత్రలకి తాను ఇస్తున్న పెర్ఫామెన్స్ లు చాలా బాగున్నాయని చెప్పాలి. అలా ఈ సినిమాలో తన నుంచి 100 శాతానికి మించి సుధీర్ బాబు అందించాడు.
ముఖ్యంగా మాట, నడవడిక, తన లుక్స్ అయితేనేం అన్నిట్లో కూడా తాను 100% ఇచ్చాడు. అలాగే తనపై చిత్రీకరించిన ఎమోషనల్ సీన్స్ కానీ యాక్షన్ సీక్వెన్స్ లు కానీ చాలా పెరపెక్ట్ గా శసేట్ అయ్యాయి. ఇక వీటితో పాటుగా సుధీర్, జయప్రకాష్ నడుమ ఎమోషన్స్ బాగున్నాయి.
నటుడు సునీల్ ఫలని స్వామిగా ఈ సినిమా మొదటి నుండి చివరి వరకూ సుధీర్ తో కనిపించి మంచి నటన కనబరిచారు.
ఫిమేల్ లీడ్ మాళవిక శర్మ పాత్ర కూడా బాగుంది. తన పాత్ర ఇంకా పెంచి ఉంటే బాగుణ్ణు.
విలన్ పాత్రల్లో కనిపించిన నటుడు కేజీయఫ్ ఫేమ్ లక్కి లక్ష్మణ్ సాలిడ్ విలనిజాన్ని చూపించారు అని చెప్పాలి. అలాగే కన్నడ నటుడు అర్జున్ గౌడ మంచి డెబ్యూ ఈ సినిమా తో టాలీవుడ్ లో అందించాడు.
ఇతర నటీనటులు కాదంబరి కిరణ్, అక్షర గౌడ తదితరులు తమ పాత్రలకి పూర్తి న్యాయం చేకూర్చారు.
సాంకేతిక నిపుణుల ప్రతిభ పరిశీలిస్తే:
మొదటగా చైతన్ భరద్వాజ్ గురించి చెప్పుకోవాలి. ఇప్పటి వరకూ తన నుండి వచ్చిన సంగీతం ఒక టైపు లో ఉంటే ఈ హారొం హర ఇచ్చిన బ్యాక్ గ్రౌండ్ స్కోర్ తో తన గ్రాఫ్ అమాంతం పెరుగుతుంది.
చిన్న సినిమాలకు, మంచి మెలోడీ సాంగ్స్ కి చైతన్ ఉన్నడూలే అనుకొనే వారు ఈ హారొం హర సినిమా BGM విన్న తర్వాత తమ అభిప్రాయం మార్చుకొని మంచి కంటెంట్ బేస్డ్ యాక్షన్ సినిమా లకు అవకాశాలు ఇస్తారు. మెయిన్ గా బ్యాక్గ్రౌండ్ స్కోర్ అయితే సినిమాలొని కొన్ని సీన్స్ ని ఓ రేంజ్ లో ఎలివేట్ చేసింది.
అరవింద్ విశ్వనాథ్ సినిమాటోగ్రఫీ కూడా చాలా బాగుంది. సినిమా మొత్తం ఒకే టోన్ శేట్ చేసి ఎక్కువ సీన్స్ ని రెయిన్ ఎఫెక్ట్ లో చిత్రీకరించడం చాలా శ్రమతో కుడుకొన్న విశయం. అన్ని దీపార్ట్మెంట్స్, ముఖ్యంగా ఆర్ట్, యాక్షన్, ప్రొడక్షన్ సహకరిస్తే తప్ప ఇలాంటి క్వాలిటి విజువల్స్ దొరకవు.
రవితేజ గిరిజాల ఎడిటింగ్ బానే ఉంది కాని కొన్ని సీన్స్ ని వేగవంతం చేయాల్సింది.
నిర్మాత సుమంత్ జి. నాయుడు ఖర్చుకి వెనకడకుండా క్వాలిటి సినిమా నిర్మించాలనే పట్టుదలతో తీసినట్టు ఉంది. సినిమా నిర్మాణ విలువలు చాలా బాగున్నాయి. సినిమా సెటప్ కి తగ్గట్టుగా వింటేజ్ బ్యాక్ డ్రాప్ అంతా నీట్ గా ఉంది.
18F మూవీస్ టీమ్ ఓపీనియన్ :
ఈ “హరోం హర” సుధీర్ బాబు నుంచి మరో సాలిడ్ యాక్షన్ సినిమా అటెంప్ట్ అని చెప్పాలి. నటుడుగా కూడా ఈ సినిమా తనకి ప్లస్ గా మారింది అని చెప్పవచ్చు. మంచి క్లీన్ ఎలివేషన్స్, సాలిడ్ మ్యూజిక్ టేస్ట్ ఉన్నవాళ్ళని ఈ సినిమా ఎంగేజ్ చేస్తుంది. దర్శకుడు కూడా సినిమాని బాగానే మలిచాడు కానీ లైన్ ఒకింత రొటీన్ గా అనిపిస్తుంది.
ఇక ఈ సినిమాలో హైలైట్ అంశాల్లో హీరో ఎలివేషన్స్ కానీ, మెయిన్ గా సినిమా టోన్ యూనిక్ గా సాగుతున్నట్టుగా ఫస్టాఫ్ లో అనిపిస్తుంది అలాగే బ్యాక్గ్రౌండ్ స్కోర్ చాలా సీన్స్ ని మంచి రిఫ్రెషింగ్ గా చూసేందుకు ఇంపుగా మార్చాయి. అలాగే మాస్ అండ్ మంచి వైలెన్స్ యాక్షన్ ని ఇష్టపడేవాళ్ళకి కూడా పుష్కలంగా సాలిడ్ ఎలిమెంట్స్ ఉన్నాయి.
ఆల్రెడీ తెలిసిన లైన్ అయినా పర్వాలేదు అంటే ఈ సినిమా మాస్ ఆడియెన్స్ ని బాగానే మెప్పిస్తుంది. కానీ, హిట్ అయిన KGF, పుష్ప, కబ్జా, విక్రమ్ వంటి సినిమాలు ప్రేక్షకుల మదిలో మెదులుతాయి. ఒక్క సుధీర్ బాబు యాక్షన్, వాయిస్ డిక్షన్ కోసం అయితే హారొం హర 100% నచ్చే సినిమా.
కరోనా తర్వాత అన్ని సినిమాల కంటెంట్ మొబైలు లో ఓటీటీ రూపం లో ఆన్లైన్ డిజిటల్ లైబ్రరి లా ఉండటం తో ప్రేక్షకులకు నచ్చిన హిట్ అయిన సినిమాలు మళ్ళీ మళ్ళీ చూస్తున్నారు.
ప్రపంచ సినిమా అరిచేతులలోకి వచ్చిన ఈ తరుణం లో కధ – కధనం రచయిత లు దర్శకులు ప్రతి సీన్ కొత్తగా డిజైన్ చేసుకొంటేనే దియేటర్ లో సక్సెస్ అందుకో గలరు.
