చిత్రం: గీతాంజలి మళ్ళీ వచ్చింది,
విడుదల తేదీ : ఏప్రిల్ 11, 2024,
నటీనటులు: శ్రీనివాస్ రెడ్డి, అంజలి, సత్యం రాజేష్, షకలక శంకర్, రవి శంకర్, సత్య తదితరులు.,
దర్శకుడు: శివ తూర్లపాటి,
నిర్మాత: కోన ఫిల్మ్ కార్పోరేషన్, ఎం వివి సినిమాస్,
సంగీత దర్శకుడు: ప్రవీణ్ లక్కరాజు,
సినిమాటోగ్రఫీ: సుజాత సిద్ధార్థ,
ఎడిటింగ్: చోటా కే ప్రసాద్.
మూవీ: గీతాంజలి మళ్ళీ వచ్చింది రివ్యూ ( Geethanjali Malli Vacchindi Movie Review)
తెలుగు నటి అంజలి ప్రధాన పాత్రలో, శ్రీనివాస్ రెడ్డి, సునీల్, సత్యం రాజేష్, సత్య కీలక పాత్రల్లో గతం లో వచ్చిన గీతాంజలి కి కొనసాగింపుగా శివ తుర్లపాటి దర్శకత్వం లో తెరకెక్కిన హారర్ కామెడీ ఎంటర్టైనర్ గీతాంజలి మళ్ళీ వచ్చింది.
కాగా ఈ చిత్రం ఈ శుక్రవారం ప్రపంచవ్యాప్తంగా విడుదల అయింది. మరి మన తెలుగు ప్రేక్షకులను ఏ మేరకు మెప్పించిందో మా 18 Fe మూవీస్ టీం సమీక్ష చదివి తెలుసుకుందామా !
కధ పరిశీలిస్తే (Story Line):
చనక్కాయల శ్రీను (శ్రీనివాస రెడ్డి) గీతాంజలి సినిమా హిట్ తర్వాత తీసిన మూడు సినిమాల ఫ్లాప్ వలన సినిమా అవకాశాలు లేక పాత మిత్రులతో ఇబ్బంది పడుతూ, సినీ పరిశ్రమలో దర్శకుడిగా మరో ఛాన్స్ కోసం తన టీమ్ తో ప్రయత్నాలు చేస్తుంటాడు.
ఈ క్రమంలో తమ ఆర్థిక కష్టాల నుంచి బయట పడేందుకు తన ఫ్రెండ్ సత్య (అయాన్)ని హీరోని చేస్తానని అబద్ధాలు చెబుతూ అతని దగ్గర డబ్బులు తీసుకుంటూ లైఫ్ నెట్టుకొస్తుంటారు శ్రీను అండ్ టీమ్. ఐతే, ఈ క్రమంలో జరిగిన కొన్ని నాటకీయ పరిణామాల నేపథ్యంలో వారికి సత్య హీరోగా ఓ సినిమా చేసే అవకాశం వస్తోంది.
సినిమా ప్రొడ్యూసర్ కోరిక మేరకు, ఊటీలో ఓ కాపీ రిసార్ట్ నడుపుతున్న అంజలి (అంజలి) శ్రీను సినిమాలో హీరోయిన్ గా నటించడానికి ఒప్పుకుంటుంది. కాకపోతే, నిర్మాత విష్ణు ఊటీలోని దెయ్యాల కోట సంగీత్ మహల్ లోనే షూటింగ్ చేయాలని షరతు పెడతాడు.
ఇంతకీ, ఊటీ లో ఉన్న సంగీత్ మహల్ కధ ఏమిటి ?,
ఆ మహల్ లో జరుగుతున్న హత్యలకు, ఆత్మల కు సంభంధం ఏమిటి ?,
సంగీత్ మహాల్ లో నిజంగానే ఆత్మలు ఉన్నాయా ?,
అసలు శ్రీను తో సినిమా తీస్తాను అన్న విష్ణు ఎవరు ?,
అతను ఎందుకు శ్రీను బ్యాచ్ ని, అంజలిని టార్గెట్ చేశాడు ?,
చెల్లి అంజలిని సేవ్ చేయడానికి గీతాంజలి (అంజలి) ఏం చేసింది ?,
చివరకు శ్రీను టీం సినిమా తీశారా ? లేదా ?
అనే ప్రశ్నలకు జవాబులు తెలియాలు అంటే వెంటనే దియేటర్ కి వెళ్ళి సినిమా చూసేయండి.
కధనం పరిశీలిస్తే (Screen – Play):
కొన వెంకట మొదటిలో వచ్చిన గీతాంజలి సినిమా కి కొనసాగింపుగా అనుకొన్న కధ కి, దర్శకుడు శివ తూర్లపాటి తెరకెక్కించిన కొన్ని హర్రర్ అండ్ కామెడీ సన్నివేశాలు ఆకట్టుకున్నప్పటికీ కథనం (స్క్రీన్ – ప్లే) లో కొన్ని సీక్వెన్స్ లో ప్లో మిస్ అయింది. ఏ సీన్ కి ఆ సీన్ లో పాత్రల నటన వలన బాగుందనిపించినా, ఓవరాల్ గా కథలో మిక్స్ అవ్వలేకపోయాయి.
ఈ గీతాంజలి 2 కథనం మరియు నేరేషన్ లో ఇంతకు ముందు వచ్చిన గీతాంజలి లో ఫాలో అయిన స్క్రీన్ ప్లే ఫార్మాట్ నే ఈ రెండో పార్ట్ లో కూడా ఫాలో అయ్యారు. దాంతో కొన్ని సీన్స్ ఇంతకు ముందు చూసినవే కదా అన్న ఫీలింగ్ కలుగుతుంది. ఈ పార్టు చూస్తున్నంత సేపు నవ్వు వస్తున్నా, భయం మాత్రం కలగలేదు.
పైగా రెండవ అంకం (సెకండాఫ్) మొదలైన 10 నిమిషాల తర్వాత గాని ప్రేక్షకులకు అసలు కథలోకి తీసుకువెళ్లాడు కధకుడు. అలాగే మొదటి అంకం (ఫస్ట్ హాఫ్) లోని కామెడీ టైమింగ్ బాగున్నా కూడా కొన్ని చోట్ల బాగా విసిగించింది. అసలు కధకు అడ్డు వస్తున్న కొన్ని సీన్స్ ను మొదటి అంకం (ఫస్ట్ హాఫ్) తీసివేసి స్క్రీన్ – ప్లే కొత్తగా రాసుకొని ఉంటే సినిమాకు బాగా ప్లస్ అయ్యేది.
కొన్ని సీన్స్ అయితే టివి లో వస్తున్న జబర్దస్ట్ స్కిర్ట్ ల మాదిరిగానే అనిపిస్తాయి. మొదటి పార్టు లో పాత్రల స్వభావం తెలుసుకాబట్టి, రెండవ పార్టులో అంతగా సర్ప్రైస్ వర్క్ అవుట్ కాలేదు. ఓవరాల్ గా హర్రర్ సీన్స్, రెండవ అంకం (సెకండ్ హాఫ్) లో సత్య చేసే కొన్ని కామెడీ సీన్స్ బాగున్నా మిగతా కంటెంట్ అంతా రెగ్యులర్ కధనం తో బోర్ గానే సాగింది.
దర్శకుడు, నటి నటులు ప్రతిభ పరిశీలిస్తే:
దర్శకుడిగా శివ తుర్లపాటి కి ఈ సినిమా డెబ్యూ అయినా కొన వెంకట లాంటి సినీయర్ తో పాటు మొదటి గీతాంజలి సక్సెస్ ఉండటం తో ఈ రెండవ సారీ తెచ్చిన గీతాంజలి మళ్ళీ వచ్చింది సినిమా కి ఆడియన్స్ లో మంచి బజ్ అయితే వచ్చింది. కానీ దర్శకుడు తెరమీద భయంతో కూడుకున్న కామెడీనే సక్సెస్ ఫార్మాట్ నే ఈ సినిమా కి కూడా వాడుకోవడం వలన కొత్తదనం కోరుకొనే తెలుగు ప్రేక్షకులను మెప్పించలేకపోయాడు.
కామెడీ, భయం లాంటి అంశాలతో అల్లుకొని రాసుకున్న సీన్స్ తోనే ప్రధానంగా ఈ సినిమా సాగుతుంది. ముఖ్యంగా కోన వెంకట్ టీమ్ ఇటు ఎంటర్టైన్మెంట్ తో పాటు అటు భయాన్ని, ఎమోషన్ని కూడా బాగానే పండించే ప్రయత్నం చేశారు కానీ, మొదటి సారీ అంటే వామ్మో అనుకొనే సినీ ప్రేక్షకులు అదే పాత్రలతో అదే ఫార్ములతో మరో సినిమా చూపిస్తాము అంటే చూస్తారా ? . అలా అనుకొంటే మొదటి గీతాంజలి నే టివి లో మరలా మరలా చూస్తారు. మూడు వందల రూపయులు, మూడు గంటల సమయం వెచ్చించే వారు కొత్త కధలు, కొత్త దనం కోరుకుంటారు.
కమెడియన్ సత్య ఈ సినిమా లో ఓక సహాయ పాత్రని చేసినా సరే ఆయన చేసిన కామెడీనే సినిమాలో చాలా హై గా నిలిచింది అని చెప్పవచ్చు. సత్య చేసిన కొన్ని సీన్స్ అయితే సినిమా మొత్తానికి హై లైట్ గా నిలిచాయి.
హీరోయిన్ అంజలి పర్ఫార్మెన్స్ కూడా చాలా బాగుంది. ముఖ్యంగా అంజలి కొన్ని హర్రర్ సన్నివేశాల్లో తన నటనతో మెప్పించింది. అంజలికి ఈ సినిమా 50 వ సినిమా అయినా చాలా గ్లామర్ గా కనిపించింది. తన సహజ నటనతో మెప్పించింది.
నటుడు శ్రీనివాస్ రెడ్డి ది ఈ చిత్రం లో మరో ప్రధాన పాత్ర అనాలా, లేక హీరో అనాలా అనేది తెలియదు కానీ, తన పాత్రకు మాత్రం పూర్తి న్యాయం చేశాడు. మంచి కామిడీ టైమింగ్ తో బాగానే మెప్పించాడు.
ఇక ఈ సినిమాలో కీలక పాత్రల్లో నటించిన సత్యం రాజేష్, షకలక శంకర్, రవి శంకర్, రావు రమేష్ తమ నటనతో ఆకట్టుకున్నారు. అలాగే ఆత్మలుగా నటించిన రవి శంకర్, ప్రియ కూడా బాగా నటించి మెప్పించారు. ఇక మిగిలిన నటీనటులు కూడా తమ పాత్రలకు న్యాయం చేసారు.
సాంకేతిక నిపుణుల ప్రతిభ పరిశీలిస్తే:
రచయిత కోన వెంకట్ పనితనం గురించే.. కొన్ని విసిగించే సీన్స్ ను కూడా ఆయన కామెడీగా చెప్పే ప్రయత్నం చేశారు. ఇక సినిమాటోగ్రఫీ ఈ హర్రర్ కామెడీ సినిమాకి బాగా సెట్ అయ్యింది.
ప్రవీణ్ లక్కరాజు అందించిన బ్యాక్ గ్రౌండ్ మ్యూజిక్ బాగుంది. మొదటి గీతాంజలి అంతగా లేకపోయినా కొన్ని సీన్స్ లో మాత్రం బ్యాక్ గ్రౌండ్ స్కోర్ బాగుంది. పాటలు మాత్రం ఒకే అనిపించే లా ఉన్నాయి . అప్పట్లో కమల్ హాసన్ నటించిన ఆకలి రాజ్యం సినిమాలొని సాపాటు ఎటూ లేదు పాటైనా పాడు బ్రదర్ .. అనే పాట తో ఇన్స్పైర్ అయ్యి చేసిన సాంగ్ పరవాలేదు అనేలా ఉంది.
చోటా కే ప్రసాద్ ఏడిటింగ్ మొదటి అంకం (ఫస్ట్ హాఫ్) పరంగా కొంచెం స్లోగా సాగిన, రెండవ అంకం (సెకెండ్ హాఫ్) ను ఎడిట్ చేసిన విధానం బాగుంది. లెన్త్ కూడా పర్ఫెక్ట్ గా ఉంది.
సుజాత సిద్ధార్థ సినిమాటోగ్రపీ బాగుంది. పాత్రలు, సీన్స్ కూడా చాలా న్యాచురల్ గా ఉన్నాయి. ఊటీ లోని మంచి లొకేసన్స్ లో ఘాట్ చేయడం వలన చాలా సీన్స్ రిచ్ గా ఉన్నాయి. ఆర్ట్ వర్క్ నా లేక నిజమైన బిల్డింగ్ నా అనెంతగా కొన్ని సీన్స్ ఉన్నాయి.
కోన ఫిల్మ్ కార్పోరేషన్, ఎం వివి సినిమాస్ నిర్మాణ విలువలు బాగున్నాయి. ఖర్చుకి తగ్గకుండా చాలా మంది కామిడీ ఆర్టిస్టులందరిని ఊటీ తీసుకెళ్ళి చేసిన సీన్స్ బాగున్నాయి.
18F మూవీస్ టీమ్ ఓపీనియన్ :
‘గీతాంజలి మళ్ళీ వచ్చింది’ అంటూ వచ్చిన ఈ హారర్ రివెంజ్ డ్రామా సినిమా లో కొన్ని కామెడీ సన్నివేశాలతో పాటు కొన్ని హారర్ ఎలిమెంట్స్ బాగున్నా చాలా చోట్ల అంతగా ఆకట్టుకోలేదు. మొదటి సినిమా ఇంపాక్ట్ వలన కూడా అవే పాత్రల తో చూస్తున్న సినిమా నే మరలా చూస్తున్నమా అనిపిస్తుంది.
కానీ, సత్య – సునీల్ మాత్రం తమ కామెడీ టైమింగ్ తో సినిమా స్థాయిని పెంచే ప్రయత్నం చేశారు. వారికి ఇచ్చిన సీన్స్ ని అద్భుతంగా నటించి మెప్పించారు. కాకపోతే రొటీన్ హర్రర్ ఎలిమెంట్స్ మరియు ఇంట్రెస్ట్ గా సాగని మొదటి అంకం (ఫస్ట్ హాఫ్) వంటి అంశాలు సినిమాకి మైనస్ అయ్యాయి.
మొత్తమ్మీద ఎక్కువ అంచనాలు లేకుండా, మొదటి గీతాంజలి చూడని వారికి ఈ గీతాంజలి మళ్ళీ వచ్చింది బాగా నచ్చుతుంది. మొదటి పార్ట్ చూసిన వారికి మాత్రం ఈ సినిమా నచ్చక పోయినా సినిమా లొని కొన్ని కామెడీ ఎలిమెంట్స్ బాగానే ఎంటర్ టైన్ చేస్తాయి. టైమ్ ఉంటే దియేటర్ కి వెళ్ళండి లేకపోతే మూడు వారాలు ఆగితే మీ టివి లోకి మళ్ళీ వచ్చేస్తుంది.
