మూవీ : ఎక్స్ట్రా ఆర్డినరీ మ్యాన్ (Extra Ordinary Man)
విడుదల తేదీ : డిసెంబర్ 08, 2023
నటీనటులు: నితిన్, శ్రీలీల, డా. రాజశేఖర్, సుదేవ్ నాయర్, రావు రమేష్, రోహిణి, సంపత్ రాజ్, బ్రహ్మాజీ, పవిత్ర నరేష్, హైపర్ ఆది ఇతరులు
దర్శకుడు : వక్కంతం వంశీ
నిర్మాతలు: ఎన్. సుధాకర్ రెడ్డి, నికితారెడ్డి
సంగీతం: హారిస్ జయరాజ్
సినిమాటోగ్రఫీ: ఆర్థర్ ఏ విల్సన్, యువరాజ్ జే, సాయి శ్రీరామ్
ఎడిటర్: ప్రవీణ్ పూడి
ఎక్స్ట్రా ఆర్డినరీ మ్యాన్ రివ్యూ (Extra Review):
వరస ఫ్లాపులతో ఇబ్బంది పడుతున్న నితిన్ ఈ సారీ పూర్తి కమర్సీయల్ ఎంటర్టైనర్ గా నటించి ప్రేక్షకులను మెప్పించాలి అని చేసిన సినిమా “ఎక్స్ట్రా ఆర్డినరీ మ్యాన్”. దర్శకుడు వక్కంతం వంశీ కూడా మొదటి సినిమా ఫ్లాప్ తో శతమతమయుతూ, చాలా రోజులు గ్యాప్ తీసుకొని అన్ని కమర్సీయల్ ఎలిమెంట్స్ వ్రాసుకొని దర్శకత్వం వహించిన సినిమా ఇది.
సొ అటు హీరో కి ఇటు దర్శకుడి కి తప్పని సరిగా ఎక్స్ట్రా ఆర్డినరీ హిట్ కావాలని పకట్ బందీగా ప్లాన్ చేసుకొని చేసిన ఈ ఎక్స్ట్రా ఆర్డినరీ మ్యాన్ చిత్రం ఈ రోజు విడుదల అయింది. మరి తెలుగు సినీ ప్రేక్షకులను ఈ చిత్రం ఏ మేరకు మెప్పించిందో మా 18F మూవీస్ టీం సమీక్ష చదివి తెలుసుకుందామా !
కధ పరిశీలిస్తే (Story Line):
అభినవ్ (నితిన్) చిన్నప్పటినుండి నటన మీద ఉన్న కోరికతో తండ్రి వద్దు అన్నా వచ్చిన అవకాశాన్ని సద్వినియోగం చేసుకోవాలి అని ప్రయత్నిస్తూ సినిమాలలో ఒక జూనియర్ ఆర్టిస్ట్ చేస్తూ పెద్ద నటుడిగా పేరు తెచ్చుకోవాలని, హీరో కావాలని ప్రయత్నిస్తూ ఉంటాడు. కానీ ఎంత ప్రయత్నించినా నటుడిగా ఎప్పుడూ వెనక వరసలోనే మిగిలిపోతు ఉంటాడు.
ఇలా ఎక్స్ట్రా ఆర్టిస్ట్ గా మిగిలిన అభి జీవితంలోకి మెరుపులా ఇండస్ట్రిలిస్ట్ లిఖిత (శ్రీలీల) ఎంటర్ అవుతుంది. అభి ని లిఖిత నువ్వు ఆర్టిస్ట్ కదా అని అనడం తో అభి ఎంతో ఎక్సయిట్ అయ్యి లిఖిత ను ఎంటర్టైన్ చేస్తూ ప్రేమ వల వేస్తాడు. లిఖిత కూడా అభి ని ఇష్టపడి తన ఫ్యామిలీ కి పరిచయం చేస్తుంది.
ఇలాంటి టైమ్ లో అభి తండ్రి కాలుకి దెబ్బ తగలడం తో తండ్రి ఏదోక జాబ్ చేసి ఇంటిని నడుపు అని భలవంతం చేయడం తో లిఖిత ఆఫీసు లోనే మేనేజర్ గా జాయిన్ అయ్యి తన ఎక్సట్రా వర్క్స్ తో లిఖిత ప్రేమను పొంది కంపనీ CEO గా ప్రమోషన్ పొందుతున్న టైమ్ లో ఎప్పుడో పరిచయం ఉన్న ఫ్రెండ్ వచ్చి ఓక రియల్ కధ చెప్పి, నా కధ కు నువ్వే హీరో అని ఒప్పిస్తాడు. అంతా హ్యాపీగా జరుగుతుంది అనుకుంటున్న అభికి అనుకోకుండా హీరో ఛాన్స్ రావడం తో నటన మీద ఉన్న గుల తో CEO జాబ్ వదిలి సినిమా లో నటించడం కోసం ప్రీపెర్ అవుతుంటాడు.
ఆ తర్వాత జరిగిన కొన్ని నాటకీయ పరిణామాల నేపథ్యంలో అభి ని ఆ సినిమా హీరో నుండి తప్పించి ఇంకో హీరో ని పెట్టుకోవడం తో అభి డిస్ అపోయింట్ అయ్యి, ఏమి చేయాలో తెలియక తిరుగుతూ తన దగ్గర ఉన్న స్క్రిప్ట్ కాపీ చదువుతూ ఆ కధ లోకి రియల్ గా ఎంటర్ అయ్యి విలన్ పాత్ర అయిన నీరో ని చంపి సైతాన్ పాత్ర లా హీరో అవ్వాలి అని డిసైడ్ అయిపోయి సైతాన్ పాత్రలో ఇన్ వాల్వ్ అయి రంగం లోకి దిగుతాడు..
అసలు ఈ రియల్ కధ లొని సైతాన్ ఎవరు ?,
ఎందుకు అభి సైతాన్ లా మారాలి అనుకొంటాడు ?,
రియల్ విలన్ నీరో ఎవరు ? అతని మోటూ ఏంటి ?
అభి CEO పోస్టుని, లవర్ ని వదిలి రీల్ కధలోకి రియల్ గా ఎందుకు ఎంటర్ అయ్యాడు ?
ఈ మధ్యలో ఐజీ విజయ్ చక్రవర్తి (రాజశేఖర్) పాత్ర ఏమిటి ?,
చివరికి అభి హీరోఇజం ఎలాంటి మలుపు తీసుకుంది ?
అభి నిఖిత పెళ్లి చేసుకొన్నారా ?, అనే ప్రశ్నలు మీలోని ప్రేక్షకుడిని నిద్ర లేపితే ఎంటనే దియేటర్ కి వెళ్ళి ఎక్సట్రా ఆర్డినరీ మ్యాన్ సినిమా చూసేయండి. లేకపోతే ఓ 4 వారాలు ఆగి ఓటీటీ లో చూసేయండి.
కధనం పరిశీలిస్తే (Screen – Play):
జూనియర్ ఆర్టిస్టు సినిమా కష్టాలు అనే పాయింట్ తో వ్రాసుకొన్న కధ కొత్తగా వున్నా, ఆ కొత్త పాయింట్ కి తగ్గ కధనం (స్క్రీన్ ప్లే) రాసుకోవడంలో దర్శకుడు వక్కంతం వంశీ తడబడ్డాడు. అసలు ఇలాంటి కాన్సెప్ట్ తీసుకున్నప్పుడు ఆ కాన్సెప్ట్ కి తగ్గట్టు సినిమాని ఆద్యంతం ఉత్కంఠ రేకెత్తిస్తూ కధనం కొత్తగా ఫుల్ ఫన్ తో సాగితే బాగుండేది. కానీ, మొదటి అంకం (ఫస్ట్ హాఫ్) లో ఉన్న ఇంట్రెస్టింగ్ ఎలిమెంట్స్ రెండవ అంకం (సెకండ్ హాఫ్)లోలేకపోవడం నిరాశ కలిగించింది.
ఇలాంటి ఎక్సట్రా అర్దనరీ కధలు మొదటి అంకం (ఫస్ట్ హాఫ్) కంటే రెండవ అంకం (సెకండ్ హాఫ్) ఇంటరెస్ట్ గా సాగాలి కానీ, ఈ సినిమాలో రెండవ అంకం (సెకండ్ హాఫ్) అర్దనరీ గా సాగిపోయింది.
ఇంకా విలన్ కి పాపులారిటీ పెరగాలి అంటే దీటైన హీరో ఉండాలి అని విలన్ హీరో అభి కి చెప్పి రెచ్చగొట్టడం అనే పాయింట్ పేపర్ మీద బాగున్నా తెరమీద మాత్రం తేలిపోయింది. హీరో – విలన్ పోటీపడే క్రమంలో వచ్చే కొన్ని సన్నివేశాలు పేలవంగా కృత్రిమంగా సాగుతాయి. సన్నివేశాలు మధ్య లాజిక్స్ కూడా ఎక్కడా కనిపించవు.
అలాగే హీరోహీరోయిన్ల మధ్య ప్రేమకు సంబంధించిన ట్రాక్, జూనియర్ ఆర్టిస్ట్ అయిన హీరో సడన్ గా ఫైనాన్షియల్ ఎక్స్పర్ట్ అయిపోయి CEO రేంజ్ కి వెళ్ళిపోవడం చాలా ఆసహజంగా ఉన్నాయి. అసలు ఈ కథలో ఫుల్ కామెడీని మెయింటైన్ చేయవచ్చు. కానీ ఎందుకో దర్శకుడు వంశీ కధనం అర్దనరీ గా రాసుకొని మమ అనిపించాడు.
మొదటి అంకం (ఫస్ట్ హాఫ్) నిజంగానే ఫన్ తో సాగింది. ఆదే ఫన్ రైడ్ ని రెండవ అంకం (సెకండ్ హాఫ్) లో కూడా దర్శకుడు కంటిన్యూ చేసి ఉంటే సినిమా కి మంచి ఓపినింగ్స్ వచ్చి ఉండేది.
దర్శకుడు, నటి నటులు ప్రతిభ పరిశీలిస్తే:
దర్శకుడు వక్కంతం వంశీ ఓ జూనియర్ ఆర్టిస్ట్ రియల్ లైఫ్ కి, రీల్ లైఫ్ (యాక్టింగ్ గుల) ప్రభావం ఆ మనిషిని ఎలా మారుస్తుంది అనే పాయింట్ కధగా బాగున్నా తెరమీద కధనం తో చూసే సరికి ఏదో మిస్ అయ్యి ఓవర్ బోర్డ్ అయిన ఫీలింగ్ వస్తుంది. జూనియర్ ఆర్టిస్ట్ హీరోగా మారే క్రమంలో వచ్చే డ్రామాలోని కామెడీ సీన్స్, యాక్షన్ సీన్స్ మరియు ఇంటర్వెల్ సీక్వెన్స్ బాగున్నాయి.
అలాగే సినిమాలో ఉన్న కొన్ని కామిడీ సీన్స్ తో పాటు తండ్రి- కొడుకు, తల్లి – కొడుకు మధ్య వచ్చే ఎమోషనల్ ఎలిమెంట్స్ ఆకట్టుకొనేలా ఉన్నా మిగిలిన పాత్రల స్వభావం వలన ఎక్సట్రా వర్దనరీ అవ్వవలసిన సినిమా ఆర్డినరీ గా మిగిలిపోతుంది.
హీరో నితిన్ తన నటనతో, తన బాడీ లాంగ్వేజ్ తో మరియు యాక్షన్ సీక్వెన్స్ స్ లో చాలా బాగా నటించాడు. మూడు గెట్ అప్స్ లో కనబడి నటించడం కత్తిమెద సాము లాంటిది. అలాగే క్లిష్టమైన కొన్ని కీలక సన్నివేశాల్లో కూడా నితిన్ నటన సినిమాకే ప్రత్యేక ఆకర్షణగా నిలుస్తోంది. ఓవరాల్ గా సినిమా రిసల్ట్ ఎలా ఉన్నా నితిన్ నటనను మెచ్చుకోవాలసిందే !
యాంగ్రీ మ్యాన్ డా. రాజశేఖర్ కూడా తన పాత్రకి ఉన్నంతలో పూర్తి న్యాయం చేశారు అని చెప్పవచ్చు. కాకపోతే ఆ పాత్ర నిడివి, ప్రాధాన్యత చాలా తక్కువ. కానీ ఉన్నంతలో రాజశేఖర్ ప్రేక్షకులను ఆకటుకునే ప్రయత్నం చేశారు.
హీరోయిన్ శ్రీలీల తన గ్లామర్ తో అలరించింది కానీ, పాత్ర కి ఏ విధమైన ప్రదాన్యత లేకుండా ఏదో అందమైన గ్లామర్ డాళ్ ఉండాలి అని తీసుకొన్నారు అనిపిస్తుంది. శ్రీలీల కి ధమాకా తర్వాత వచ్చిన సినిమాలు అన్ని ఫ్లాప్ కావడం తో శ్రీలీల అంటే జనాలు చీదరించుకొనేలా ఉంది. ఇప్పటినుంచి అయినా మంచి ప్రదాన్యత ఉన్న పాత్రలు సెలెక్ట్ చేసుకొంటే మంచిది.
హీరోతండ్రి గా నటించిన రావు రమేష్ చాలా బాగా నటించాడు. ఆయన మేనరిజమ్స్ బాగున్నాయి. నితిన్ – రావు రమేష్ మధ్య వచ్చే పంచ్ లు అండ్ కామెడీ టైమింగ్ కూడా అలరిస్తోంది. కానీ కొన్ని సీన్స్ లో రావ్ రమేష్ అరుపులకు ప్రేక్షకులు తిట్టుకొన్నారు.
సుదేవ్ నాయర్, రోహిణి, సంపత్ రాజ్, బ్రహ్మాజీలు కూడా తమ పాత్రలకు న్యాయం చేశారు. అలాగే ఇతర పాత్రల్లో కనిపించిన మిగిలిన నటీనటులు కూడా తమ పరిధి మేరకు బాగా నటించారు. ఇక ఈ సినిమాలో హీరో పాత్ర.. ఆ పాత్రకు సంబంధించిన యాక్టింగ్ ట్రాక్.. అలాగే ఆ యాక్టింగ్ తో ముడి పడిన సీన్స్.. మరియు విలన్ తో పాటు మిగిలిన పాత్రలు.. మొత్తానికి ఈ సినిమాలో కొన్ని కామెడీ అంశాలు మెప్పించాయి.
సాంకేతిక నిపుణుల ప్రతిభ పరిశీలిస్తే:
హారిస్ జయరాజ్ సంగీతం సినిమాకు కొంచెం ప్లస్ మరియు కొంచెం మైనస్ అన్నట్టు ఉంది. డేంజర్ పిల్లా, తాళం కప్ప వంటి పాటలు బాగున్నా, BGM మాత్రం చాలా వరస్ట్ గా ఉంది. అసలే సీన్స్ కృత్రిమంగా సాగుతున్నాయి అనుకుంటే, వాలి మ్యూజిక్ కూడా ఆకట్టుకొనే విధంగా సాగలేదు.
ఆర్థర్ ఏ విల్సన్, యువరాజ్, సాయి శ్రీరామ్ లు అందించిన సినిమాటోగ్రఫీ వర్క్ కొంతవరకూ బాగానే ఉంది. సాంగ్స్ పిక్చరేజెసన్ చాలా బాగుంది.
ఎడిటర్ ప్రవీణ్ పూడి ఎడిటింగ్ సినిమాకి తగ్గట్టు ఉంది. అర్దనరీ కధ కాబట్టి అంతా కంటే ఎక్కువ ఎక్స్పెక్ట్ చేయలేము.
నిర్మాతలు ఎన్. సుధాకర్ రెడ్డి, నికితారెడ్డి పాటించిన ప్రొడక్షన్ వాల్యూస్ చాలా బాగున్నాయి. ఖర్చుకి వెనకాడకుండా బాగానే ఖర్చు పెట్టారు.
18F మూవీస్ టీమ్ ఓపీనియన్ :
నితిన్ శ్రీలీల లతో చేచించిన ఎక్స్ట్రా ఆర్డినరీ మ్యాన్ చిత్రంలో మెయిన్ కాన్సెప్ట్, జూనియర్ ఆర్టిస్ట్ ట్రాక్, మరియు కామెడీ అండ్ యాక్షన్ సీన్స్ బాగా నవ్విస్తాయి. అలాగే, కొన్ని ఎమోషనల్ ఎలిమెంట్స్ కూడా పర్వాలేదనిపిస్తాయి. అయితే, ఆర్డినరీ గా సాగని కధనం తో పాటు మెయిన్ క్యారెక్టైజేషన్స్ బలహీనంగా ఉంది ఎందుకు ఎలా ప్రవర్తిస్తున్నాయో తెలియని అయోమయం లో సాగిపోయింది సినిమా.
పైగా రెండవ అంకం (సెకండ్ హాఫ్) ఆశించిన స్థాయిలో లేకపోవడం గంధరగోళం గా ప్రవర్తించడం తో ఓవరాల్ సినిమా ఫలితాన్ని దెబ్బ తీశాయి. ఒకరకంగా చెప్పాలి అంటే, నితిన్ నటన, రాజశేఖర్ గెస్ట్ అప్పియరెన్స్ సినిమాకు ప్లస్ అయ్యాయి. కానీ శ్రీలీల పాత్ర, రావ్ రమేష్ పాత్ర కొంచెం ఎక్సట్రా గా బిహేవ్ చేసశాయి అనిపిస్తుంది. ఓవరాల్ గా ఈ చిత్రం మాస్ ఏరియాలలోనూ మరియు ఓ వర్గం ప్రేక్షకులను మాత్రమే ఆకట్టుకోవచ్చు.