చిత్రం: ఎర్రచీర – ది బిగినింగ్
నటీనటులు: బేబీ సాయి తేజస్విని, సుమన్ బాబు, శ్రీరామ్, కమల్ కామరాజు, కారుణ్య చౌదరి, అయ్యప్ప పి శర్మ, సురేష్ కొండేటి, రఘుబాబు, జీవా, తదితరులు..,
బ్యానర్ : శ్రీ పద్మాయల ఎంటర్టైన్మెంట్స్, శ్రీ సుమన్ వెంకటాద్రి ప్రొడక్షన్స్,
నిర్మాత – ఎన్. వి.వి. సుబ్బారెడ్డి, సీహెచ్. వెంకట సుమన్,
కథ – స్క్రీన్ ప్లే- దర్శకత్వం – సుమన్ బాబు,
మ్యూజిక్ – ప్రమోద్ పులిగార్ల,
సినిమాటోగ్రఫీ – చందు,
ఎడిటర్ – వెంకట ప్రభు,
పిఆర్ఓ – సురేష్ కొండేటి.
మూవీ: రివ్యూ ( Movie Review) :
ఎన్నో రోజులనుండి తెలుగు సినీ ప్రేక్షకులను ఎదురుచూసేలా చేసి చివరకరకు ఈ రోజు థియేటర్లలో విడుదలైన హారర్, సస్పెన్స్ థ్రిల్లర్ తో పాటు మదర్ సెంటిమెంట్ను ప్రధానంగా తీసుకుని రూపొందిన తాజా తెలుగు చిత్రం ఎర్రచీర – ది బిగినింగ్ ఎలా ఉందో తెలుసుకోవాలని ఉందా !.
నేటి సినిమాల్లో హారర్ జోనర్ అంటే కేవలం దెయ్యం పగ తీర్చుకోవడం అనే మూస ధోరణి కనిపిస్తుంది. కానీ, దానికి “మదర్ సెంటిమెంట్” అనే అరుదైన ఎమోషన్ను జోడించి, ఒక యదార్థ సంఘటన ఆధారంగా దర్శకుడు సుమన్ బాబు తెరకెక్కించిన చిత్రమే ‘ఎర్రచీర’.
ఈ ఎర్రచీర – ది బిగినింగ్, సినిమా ప్రోమోషణల్ కంటెంట్ చూస్తే భిన్నమైన కథాంశంతో ప్రేక్షకులను భయంతో పాటు భావోద్వేగాలకు కూడా దగ్గర చేసేలా ఉంది. నిన్న శుక్ర వారం ఒక డజను తెలుగు సినిమాలతో పాటు ఈ ఎర్రచీర (Erracheera – The Beginning) సినిమా కూడా విడుదల అవ్వటం వలన మా 18F మూవీస్ టీం ఈ రోజే వైజాగ్ లో చూసి తమ అభిప్రాయం తెలియజేయగా, దాన్ని మేము మా 18FMS వెబ్సైటు ప్రేక్షకులకోసం రివ్యూగా ఇక్కడ ప్రచురిస్తున్నాము.
కధ పరిశీలిస్తే (Story Line):
దాసు (కమల్ కామరాజు) అవంతిక (కారుణ్య చౌదరి)ను ప్రేమించి వివాహం చేసుకుంటాడు. ఆస్తి కోసం దాసు అమ్మమ్మ పన్నీ పార్వతిని అవంతిక హత్య చేయడంతో కథ మలుపు తిరుగుతుంది. ఆ తర్వాత అవంతిక ఒక పాపాత్మగా మారి, తన చనిపోయిన తల్లిని వెతుకుతూ భయంకర రూపంలో తిరుగుతుంది.
ఇదే సమయంలో ట్రాన్స్ఫర్పై సిటీకి వస్తున్న పోలీస్ ఆఫీసర్ శివకుమార్ (సుమన్ బాబు) భార్యకు, ఎర్రచీరలో కనిపించే అవంతిక తన మరణించిన తల్లిలా అనిపిస్తుంది.
ఈ అతీంద్రియ సంఘటనల వెనుక అసలు కారణం ఏమిటి?
శివశక్తితో ప్రసిద్ధుడైన సరిపోక త్రికోటేశ్వరస్వామి ఈ సమస్యను పరిష్కరిస్తాడు?
అన్నదే మిగిలిన కథ.
దర్శకుడు, నటి నటుల ప్రతిభ:
సుమన్ బాబు: ఈ చిత్రానికి ఆయనే హీరో, ఆయనే దర్శకుడు. ఒకేసారి రెండు బాధ్యతలను మోయడం కష్టమైనా, సుమన్ బాబు చాలా పరిణతితో పనిచేశారు. ముఖ్యంగా క్లైమాక్స్ మరియు ఇంటర్వెల్ సన్నివేశాలను డిజైన్ చేసిన తీరు ఆయనలోని ప్రతిభను చాటిచెప్తుంది. తన పాత్రలో ఆయన నటన కూడా చాలా సహజంగా ఉంది. పోలీస్ పాత్రలో సీరియస్ పర్ఫార్మెన్స్ ఇచ్చారు.
బేబీ సాయి తేజస్విని: ఈ సినిమాకు అసలైన వెన్నెముక ఈ చిన్నారి. రాజేంద్రప్రసాద్ గారి మనవరాలిగా ఆమె తన నట వారసత్వాన్ని నిలబెట్టింది. భయంకరమైన హారర్ సన్నివేశాల్లో ఆమె ఇచ్చిన ఎక్స్ప్రెషన్స్ థియేటర్లో ప్రేక్షకులను ఆశ్చర్యపరుస్తాయి.
కారుణ్య చౌదరి: హీరోయిన్ కారుణ్య చౌదరి పాత్రలో అనేక షేడ్స్ ఉన్నాయి. కేవలం గ్లామర్ పాత్రకే పరిమితం కాకుండా, నటనకు ప్రాధాన్యం ఉన్న పాత్రలో ఆమె ఒదిగిపోయింది. అవంతిక పాత్రలో హారర్ ఎలిమెంట్ను బలంగా పండించారు.
సీనియర్ నటులు: శ్రీరామ్, అజయ్, అయ్యప్ప పి. శర్మ, రఘుబాబు, ఆలీ, అన్నపూర్ణమ్మ, గీతా సింగ్, సత్యకృష్ణన్, భద్రం, జీవా వంటి వారు తమ పాత్రలకు న్యాయం చేశారు. హేమాహేమీలు వంటి సినీయర్ నటి నటులు ఉండటం వల్ల సినిమా స్థాయి పెరిగింది. ప్రతి పాత్ర కథను మలుపు తిప్పే విధంగానే ఉంది.
సాంకేతిక నిపుణుల ప్రతిభ పరిశీలిస్తే:
హారర్కు తగ్గ బ్యాక్గ్రౌండ్ స్కోర్, చీకటి షేడ్స్తో కూడిన సినిమాటోగ్రఫీ సినిమాకు ప్రధాన బలాలు. మదర్ సెంటిమెంట్ సన్నివేశాలు భావోద్వేగంగా పండాయి. ఇంటర్వెల్ బ్యాంగ్, క్లైమాక్స్ ప్రత్యేకంగా ప్రేక్షకులను కట్టిపడేస్తాయి.
విజువల్ ఎఫెక్ట్స్: చిన్న సినిమా అయినప్పటికీ గ్రాఫిక్స్ క్వాలిటీ విషయంలో ఎక్కడా రాజీ పడలేదని అర్థమవుతుంది. ముఖ్యంగా దేవతలకు, క్షుద్ర శక్తులకు మధ్య జరిగే పోరాట దృశ్యాలు విజువల్ ట్రీట్గా ఉన్నాయి.
ప్రమోద్ పులిగార్ల సంగీతం: హారర్ చిత్రాలకు ప్రాణం పోసేది బ్యాక్ గ్రౌండ్ స్కోర్. ఆ విషయంలో సంగీత దర్శకుడు సక్సెస్ అయ్యారు.
లిప్ కిస్ సాంగ్: సినిమాలో యూత్ కోసం పెట్టిన 36 ముద్దుల పాట చర్చనీయాంశమైనా, అది కథా గమనంలో భాగంగానే వస్తుందని దర్శకుడు నిరూపించారు.
సినిమాలోని హైలైట్స్:
యదార్థత: కథలో 20% వాస్తవ సంఘటనలు ఉండటం వల్ల ప్రేక్షకులు కథకు త్వరగా కనెక్ట్ అవుతారు.
మదర్ సెంటిమెంట్: హారర్ చిత్రంలో తల్లి ప్రేమను ఎలివేట్ చేయడం ఒక కొత్త ప్రయోగం.
ట్విస్టులు: ఇంటర్వెల్ వద్ద వచ్చే ట్విస్ట్ మరియు క్లైమాక్స్ యాక్షన్ సీక్వెన్స్ అదిరిపోతాయి.
అంబిక (ఎర్రచీర-2): సినిమా ముగింపులో అరకు నేపథ్యంలో రానున్న సీక్వెల్ గురించి ఇచ్చిన హింట్ సినిమాపై క్యూరియాసిటీని పెంచుతుంది.
18F మూవీస్ టీమ్ ఓపీనియన్ :
డైరెక్టర్ సుమన్ బాబు హైదరాబాద్ చింతల్ ప్రాంతంలో జరిగిన ఒక యదార్థ సంఘటన ఆధారంగా కొన్ని సీన్లు తెరకెక్కించారు. తాను రాసుకున్న కథలోని సన్నివేశాలు సినిమాను ఎంతో ఎత్తులో నిలబెడతాయి. కథను ఎంతో అద్భుతంగా తెర కెక్కించిన తీరు చూస్తే డైరెక్టర్ సుమన్ బాబుకు హ్యాట్సాప్ చెప్పాల్సిందే.
ఇది లేడీ ఓరియెంటెడ్ చిత్రమే అయినా, కుటుంబమంతా కలిసి చూసేలా హారర్ను మితంగా చూపించడం విశేషం. కథలో కొత్తదనం, మదర్ సెంటిమెంట్కు హారర్, యాక్షన్ అంశాల మేళవింపు సినిమాను ఆసక్తికరంగా నిలబెట్టాయి. ప్రేక్షకులను ఉత్కంఠకు గురి చేస్తుంది. అదే ప్రేక్షకులను మదర్ సెంటిమెంట్తో హార్ట్ టచ్ చేస్తుంది.
భయపెట్టే హారర్తో పాటు తల్లిపట్ల ఉన్న అనుబంధాన్ని హృదయానికి తాకేలా చెప్పిన సినిమా ‘ఎర్రచీర – ది బిగినింగ్’.
డిఫరెంట్ హారర్ థ్రిల్లర్ చూడాలనుకునే ప్రేక్షకులకు ఈ సినిమా ఒక మంచి ఎంపిక.