చిత్రం: ధూమ్ ధాం
విడుదల తేదీ : నవంబర్ 08, 2024,
నటీనటులు : చేతన్ కృష్ణ, హెబ్బా పటేల్, సాయి కుమార్, వెన్నెల కిషోర్, పృథ్వీరాజ్, గోపరాజు రమణ, శివన్నారాయణ, బెనర్జీ, సాయి శ్రీనివాస్, ప్రవీణ్, నవీన్ నేని, గిరిధర్, భద్రమ్ తదితరులు,
స్టోరీ స్క్రీన్ ప్లే : గోపీ మోహన్,
డైరెక్టర్ : సాయి కిషోర్ మచ్చా,
ప్రొడ్యూసర్ : ఎంఎస్ రామ్ కుమార్,
సినిమాటోగ్రఫీ : సిద్ధార్థ్ రామస్వామి,
మ్యూజిక్ : గోపీ సుందర్,
ఎడిటింగ్ : అమర్ రెడ్డి కుడుముల,
మూవీ: ధూమ్ ధాం రివ్యూ ( Dhoom Dhaam Movie Review)
యంగ్ టాలెంటెడ్ నటుడు చైతన్ కృష్ణ, హెబ్బా పటేల్ హీరో హీరోయిన్ మచ్చా సాయి కిషోర్ దర్శకత్వం ల్ నిర్మించిన హ్యూమరస్ ఫ్యామిలీ ఎంటర్టైనర్ మూవీ ‘ధూం ధాం’ఈ శుక్రవారం రోజు విడుదల ప్రపంచ వ్యాప్తంగా విడుదల అయింది. మరి తెలుగు ప్రేక్షకులను ఈ చిత్రం ఏ మేరకు మెప్పించిందో మా 18F మూవీస్ టీం సమీక్ష చదివి తెలుసుకుందామా !
కధ పరిశీలిస్తే (Story Line):
కార్తీక్ (చేతన్ కృష్ణ) అంటే అతని తండ్రి (సాయి కుమార్) కి మితిమీరిన ప్రేమ. తన కొడుకు మాత్రమే అన్నింటిలోనూ నంబర్ వన్ గా ఉండాలని ఆశ పడతాడు. కార్తీక్ కి కూడా తన తండ్రి అంటే అంతే ప్రేమ ఉంటుంది. ఎవరైనా తండ్రిని చిన్న మాట కూడా అననివ్వకుండా చూసుకొంటాడు. తండ్రి ఆనందం కోసం ఏ పనైనా చేయడానికి, ప్రేమించిన అమ్మాయితో గోడవకు కూడా నెనుకాడదు.
ఈ క్రమంలో కార్తీక్ జీవితంలోకి సుహానా (హెబ్బా పటేల్) ఎంట్రీ ఇస్తోంది. కధా గమనం లో జరిగిన కొన్ని నాటకీయ పరిణామాల నేపథ్యంలో..
కార్తీక్ లైఫ్ లో ఎలాంటి సిట్యువేసన్స్ ఎదుర్కొన్నాడు ?,
కార్తీక్ తన తండ్రి ఆనందం కోసం చేసిన పొరపాటు ఏమిటి ?,
అలాగే కార్తీక్ తండ్రి (సాయి కుమార్) తన కొడుకు కోసం చేసిన పొరపాటు ఏమిటి ?,
ఈ తప్పులు సుహానా (హెబ్బా పటేల్) ఫ్యామిలీకి ఎలా లింక్ అయ్యాయి ?,
మధ్యలో వెన్నెల కిషోర్ పెళ్లి ట్రాక్ ఏమిటి ?,
చివరికి ఈ కథ ఎలాంటి మలుపు తీసుకుంది ?
అనే ప్రశ్నలకు జవాబులు వెంటనే తెలుసుకోవాలి అంటే మీకు దగ్గరలొని దియేటర్ కి ఫ్యామిలీ తో గాని, ఫ్రెండ్స్ తో గాని వెళ్ళి వెంటనే చూసేయండి.
కధనం పరిశీలిస్తే (Screen – Play):
సినిమా మెయిన్ పాయింట్ ఇంటరెస్ట్ గా ఉన్నప్పటికీ, ఆ పాయింట్ కి తగ్గట్టు కధనం ( స్క్రీన్ ప్లే) రాసుకోవడంలో కధ – కధనాల రచయిత గోపీ మోహన్ కొన్ని చోట్ల తడబడ్డాడు. అసలు ఇలాంటి కాన్సెప్ట్ తీసుకున్నప్పుడు ఆ కాన్సెప్ట్ కి తగ్గట్టు సినిమాని ఆద్యంతం ఉత్కంఠ రేకెత్తిస్తూ కధనం ఫుల్ ఫన్ తో త్రిల్ గా సాగితే బాగుండేది. కానీ, ఎక్కడ పెద్దగా ట్విస్టులు లేకుండా కధనం సాగింది. నెక్స్ట్ సీన్ ఏంటో ప్రేక్షకులకు తెలిసిపోయేలా ఉంది కధనం.
సెకండ్ హాఫ్ లో ఉన్న ఇంట్రెస్టింగ్ ఫన్ ఎలిమెంట్స్, ఫస్ట్ హాఫ్ లో మిస్ అయ్యాయి. ఫస్ట్ హాఫ్ ఆశించిన స్థాయిలో లేకపోవడం సినిమాకి కొంత మైనస్ అయ్యింది. హీరోహీరోయిన్ల ఫ్యామిలీస్ మధ్య కాన్ ఫ్లిక్ట్ ను బిల్డ్ చెయ్యడానికి సిల్లీ ట్రాక్స్ వేయడం కూడా బాగాలేదు. ఈ క్రమంలో వచ్చే కొన్ని సన్నివేశాలు పేలవంగా సాగుతాయి. దీనికితోడు లాజిక్స్ కూడా ఎక్కడా కనిపించవు.
హీరోహీరోయిన్ల మధ్య ప్రేమకు సంబంధించిన ట్రాక్ కు కూడా సరైన బలం లేదు. అసలు ఈ కథలో ఉన్న పాత్రల మధ్యలో ఫుల్ కామెడీని మెయింటైన్ చేస్తూ త్రిల్ ఇచ్చే సీన్స్ కూడా కధనం లో యాడ్ చేయవచ్చు. సెకండ్ హాఫ్ నిజంగానే కొన్ని చోట్ల ఫన్ తో సాగింది. ఆ ఫన్ ను కూడా కధా రచయిత సినిమా మొత్తం కంటిన్యూ చేయలేకపోయాడు.
దర్శకుడు, నటి నటులు ప్రతిభ పరిశీలిస్తే:
సాయి కిషోర్ మచ్చా దర్శకత్వం బాగున్నా, గోపి మోహన్ స్క్రిప్ట్ మాత్రం రొటీన్ ఫార్ములా లోనే ఉంది. దర్శకుడు పాత కథకె కొత్తగా ఇచ్చిన ట్రీట్‌మెంట్ బాగుంది. ప్రేమ కథ రొటీన్‌గా ఉన్న సినీయర్ నటులను చక్కగా వాడుకొని కథ మూడ్‌ను ఎలివేట్ చేసుకొన్నాడు. ఫారన్ లోకేషన్లు కొత్తదనం తెచ్చిపెట్టాయి.
తండ్రికొడుకులు ఒకరి పై మరొకరు పెంచుకున్న అమితమైన ప్రేమ కారణంగా వచ్చే డ్రామాలోని కామెడీ సీన్స్, లవ్ సీన్స్ మరియు పెళ్లి సీక్వెన్స్ బాగున్నాయి. అలాగే సినిమాలో వినోదంతో పాటు కొన్ని ఎమోషనల్ ఎలిమెంట్స్ కూడా ఆకట్టుకున్నాయి. దర్శకుడిగా సాయి కిషోర్ మంచి మార్కులే కొట్టేశారు.
హీరోగా నటించిన చేతన్ కృష్ణ తన నటనతో, తన బాడీ లాంగ్వేజ్ తో బాగానే నటించాడు. అంత మంది సినీయర్ నటుల మద్యలో తెలిపోకుండా కొంత వరకూ బాగానే మేనేజ్ చేశాడు. ఈ పాట చేతన్ కి ఛాలెంజ్ లాంటిది.
సినిమాలో మరో కీలకమైన పాత్రలో నటించిన సాయి కుమార్ కూడా తన పాత్రకి పూర్తి న్యాయం చేశారు. కొన్ని ఎమోషనల్ సీన్ల లో అయితే ప్రేక్షకుల కళ్లల్లో తడి వచ్చేలా నటించాడు.
హీరోయిన్ హెబ్బా పటేల్ తన గ్లామర్ తో అలరించింది. హీరోయిన్ కి పెద్దనాన్నగా నటించిన గోపరాజు రమణ చాలా బాగా నటించాడు. ఆయన మేనరిజమ్స్ బాగున్నాయి.
వెన్నెల కిషోర్ అయితే సినిమా రెండవ అంకనికి (సెకండ్ హాఫ్ ) కి హీరో ఆన్ చెప్పవచ్చు. అమాయకంగా కనిపిస్తూనే తన పాత్రలో చాలా బాగా నటిస్తూ నవ్వించాడు. ప్రధాన పాత్రలు – వెన్నెల కిషోర్ మధ్య వచ్చే పంచ్ లు అండ్ కామెడీ టైమింగ్ కూడా అలరిస్తోంది. శివన్నారాయణ, బెనర్జీ, సాయి శ్రీనివాస్, ప్రవీణ్ లు కూడా తమ పాత్రలకు న్యాయం చేశారు.
అలాగే ఇతర పాత్రల్లో కనిపించిన నవీన్ నేని, గిరిధర్, భద్రమ్ కూడా బాగానే నటించారు. ముఖ్యంగా గిరిధర్ గురించి చెప్పుకోవాలి. తనకు ఇచ్చిన పాత్రకు జీవం పోసాడు. ఈ ధూం ధాం చిత్రం తరవాత గిరిధర్ కి మంచి పాత్రలు రావచ్చు.
మిగిలిన నటీనటులు కూడా తమ పరిధి మేరకు బాగా నటించారు. ఇక ఈ సినిమాలో హీరో పాత్ర.. ఆ పాత్రకు సంబంధించిన లవ్ ట్రాక్.. అలాగే ఆ ట్రాక్ తో ముడి పడిన ఫ్యామిలీ సీన్స్.. మరియు పెళ్లిలో యాడ్ అయ్యే మిగిలిన పాత్రలు.. మొత్తానికి ఈ సినిమాలో కొన్ని కామెడీ అంశాలు మెప్పించాయి.
సాంకేతిక నిపుణుల ప్రతిభ పరిశీలిస్తే:
‘ధూం ధాం’ సినిమా కి సాంకేతిక విభాగం మంచి అవుట్ పుట్ ఇచ్చారు అని చెప్పవచ్చు. ప్రతి ఫ్రేమ్ రిచ్ గా అందంగా కనిపించింది.
ముఖ్యంగా గోపీ సుందర్ సంగీతం సినిమాకు బాగా ప్లస్ అయింది. పాటలు మంచి హిట్ టాక్ సంపాదించాయి. BGM కూడా బాగుంది.
సిద్ధార్థ్ రామస్వామి సినిమాటోగ్రఫీ వర్క్ కూడా సినిమాకి హైలైట్ గా నిలిచింది. పోలెండ్ ని చాలా బాగా చూపించారు. సాంగ్స్ కూడా కలర్ ఫుల్ గా తీశారు.
ఎడిటర్ అమర్ రెడ్డి కుడుముల ఎడిటింగ్ సినిమాకి తగ్గట్టు ఉంది. చాలా సీన్స్ షార్ప్ గా కట్ చేయడం వలన లెన్త్ కూడా ఫెరపెక్ట్ గా ఉంది.
నిర్మాత ఎంఎస్ రామ్ కుమార్ పాటించిన ప్రొడక్షన్ వాల్యూస్ చాలా బాగున్నాయి. ఖర్చుకి వెనకాడకుండా హీరో మార్కెట్ కి మించి ఖర్చుపెట్టి తీశారు ‘అని చెప్పవచ్చు.
18F మూవీస్ టీమ్ ఓపీనియన్ :
ప్రేక్షకులను రెండు గంటలపాటు నవ్విస్తూ ఎంటర్టైన్ చేయడానికి తీసిన ఈ ‘ధూం ధాం’ చిత్రంలో ప్రదాన ఇతివృత్తం , రెండవ అంకం (సెకండ్ హాఫ్) కామెడీ ట్రాక్, మరియు పెళ్లి ఇంట్లో అందరూ నటి నటులు కలసి చేసిన ఫన్ ఎలిమెంట్స్ బాగున్నాయి. ఐతే, రెగ్యులర్ స్క్రీన్ ప్లే, మెయిన్ క్యారెక్టైర్ బిల్డప్ లు బీబత్సమైన యాక్షన్ ఎపిసోడ్స్ ఆశించ కుండా వెళితే టికెట్ కొన్న డబ్బులకు తగ్గ ఎంటర్టైన్మెంట్ దొరుకుతుంది.
ఓవరాల్ గా ఈ చిత్రం తో ఫన్ ఎలిమెంట్స్ కోరుకునే ప్రేక్షకులను, ఫ్యామిలీ ఫ్రెండ్స్ అందరితో కలిసి దియేటర్ కి వెళ్తే ఎంటర్టైన్మెంట్ ఆకట్టుకుంటుంది. కొద్దిగా హీరో చేతన్ కృష్ణ ఆక్టివ్ గా ఉండి ఉంటే ఈ సినిమా మంచి కమర్శియల్ సక్సెస్ సాదించేది.