మూవీ:కస్టడీ (CUSTODY)

విడుదల తేదీ : మే 12, 2023

నటీనటులు: నాగ చైతన్య అక్కినేని, కృతి శెట్టి, అరవింద్ స్వామి, ప్రియమణి, శరత్ కుమార్, సంపత్ రాజ్, ప్రేమ్ జీ అమరెన్, వెన్నెల కిషోర్, ప్రేమి విశ్వనాథ్

దర్శకులు : వెంకట్ ప్రభు

నిర్మాతలు: శ్రీనివాస చిట్టూరి

సంగీత దర్శకులు: ఇళయరాజా, యువన్ శంకర్ రాజా

సినిమాటోగ్రఫీ: ఎస్ఆర్ కతీర్ ఐఎస్ సి

ఎడిటర్: వెంకట్ రాజన్

 కస్టడీ సినిమా రివ్యూ (CUSTODY Movie Review): 

అక్కినేని నాగచైతన్య తమిళ్ లో  నటించిన మొదటి మరియు  లేటెస్ట్ మూవీ  ‘కస్టడీ’. ఈ  సినిమా తెలుగు తమిళ హిట్  కోసం అక్కినేని ఫ్యాన్స్ ఎంతో ఆసక్తిగా ఎదురుచూశారు. కాగా ఈ చిత్రం శుక్రవారం విడుదలైంది.

మరి ఈ సినిమా తెలుగు, తమిళ  ప్రేక్షకులను ముఖ్యంగా అక్కినేని ఫాన్స్ ని ఏ స్థాయిలో ఆకట్టుకుందో మా 18f  మూవీస్ టీం సమీక్ష లో చదివి  చూద్దామా !..

కధ ను పరిశీలిస్తే (story line):

శివ (నాగ చైతన్య) ఒక సిన్సియర్ కానిస్టేబుల్. డ్యూటీ అంటే ప్రాణం పెడతాడు. మరోవైపు తన చిన్ననాటి స్నేహితురాలు రేవతి (కృతి శెట్టి) తో ప్రేమలో ఉంటాడు. రేవతి కూడా శివని ప్రాణంగా ప్రేమిస్తోంది. అయితే, కులాలు వేరు కావడంతో రేవతి ఇంట్లో శివతో పెళ్లికి ఒప్పుకోరు.

ఈ క్రమంలో జరిగిన నాటకీయ పరిణామాల నేపథ్యంలో రాజు (అరవింద్ స్వామి), సీబీఐ ఆఫీసర్ జార్జ్ (సంపత్ రాజ్)ను అరెస్ట్ చేసి స్టేషనుకు తీసుకొస్తాడు శివ. మరోవైపు రాజును చంపాడనికి పోలీస్ కమీషనర్ నటరాజన్ (శరత్ కుమార్) సహా ఏకంగా పోలీస్ ఫోర్స్, రౌడీలు రంగంలోకి దిగుతారు.

అసలు ఈ రౌడీ  రాజు ఎవరు?,

రాజును ఎలాగైనా సిబిఐ ఎందుకు వెంటాడుతుంది ?

 శివ ఎందుకు రాజు ని పోలీస్ లనుండి  కాపాడుతాడు ?

 శివ తన జాబ్ కి ఫ్యామిలీ కి రిస్క్ ఉన్నా రాజు ని ఎందుకు ఫాలో అవుతాడు ?

ఆకరకు శివ రాజుని సిబిఐ కి అప్పగించాడా ? 

రాజి ని కాపాడే ప్రయత్నం లో శివ ఏమి కోల్పోయాడు  ?,

ఈ ప్రయాణంలో శివకి ఎదురైన సవాళ్లు ఏమిటి?

శివ రేవతి పెళ్లి చేసుకొన్నారా ?

అనేది మిగిలిన కథ.

కధ ను నడిపే కధనం పరిశీలిస్తే (Screen– Play):

కస్టడీ కధ లో మెయిన్ కంటెంట్ అండ్ పాయింట్ బాగున్నా.. ట్రీట్మెంట్ విషయంలో కొన్ని చోట్ల స్లో అనిపించింది. దీనికితోడు దర్శకుడు వెంకట్ ప్రభు రెండవ అంకం ( సెకండ్ హాఫ్) కథనం విషయంలో రాజీపడకుండా ఉండి ఉంటే బాగుండేది.

ముఖ్యంగా సెకండాఫ్ లో సినిమా జరుగుతున్నంతసేపు తర్వాత ఏం జరుగుతుందనే ఉత్కంఠను ఇంకా పెంచగలిగే స్కోప్ ఉన్నపటికీ దర్శకుడు వెంకట్ ప్రభు ఆ అవకాశాన్ని పూర్తి స్థాయిలో సద్వినియోగం చేసుకోలేదు. సీన్ తర్వాత సీన్ ఏమి జరుగుతాదో ప్రేక్షకులకు తెలిసిపోయే కధనం (స్క్రీన్ ప్లే ) ఈ సినిమా కి మైనస్ అని చెప్పవచ్చు.

ఇంకా చెప్పుకుంటూ పోతే  సెకండ్ హాఫ్ ను కాస్త ఎమోషనల్ గా నడుపుదామని మంచి ప్రయత్నం చేశారు గాని, కొన్ని చోట్ల అది స్క్రీన్ మీద ఎఫెక్టివ్ గా వర్కౌట్ కాలేదు. అలాగే చాలా చోట్ల లాజిక్స్ కూడా లేకుండా  చేశారు. దీనికి తోడు కథ కూడా సింపుల్ గా ఉండటం, చివరకు ఏం జరుగుతుంది అనేది ప్రేక్షకులకు ముందే అర్థం అయిపోతుండటంతో సినిమాలో ఇంట్రెస్ట్ మిస్ అయింది.

దర్శకుడు, నటి నటుల ప్రతిభ పరిశిలిస్తే:

వెంకట ప్రభు అంటే తమిళ సినిమా ఇండిస్ట్రీ లో పెద్ద పేరుంది.  కస్టడీ సినిమా తీయడానికి మంచి పాయింట్ ను తీసుకున్నా.. ఉత్కంఠభరితమైన కథనాన్ని (స్క్రీన్ – ప్లే )  రాసుకోవడంలో, దాన్ని ఇంకా ఉత్కంఠభరితంగా తెరకెక్కించడంలో వెంకట్ ప్రభు పూర్తి స్థాయిలో సక్సెస్ కాలేదు.

నాగచైతన్య తన కెరీర్ లో ఒక ఛాలెంజ్ గా ఈ కస్టడీ  సినిమాలోని శివ పాత్రలో నటించాడు. పైగా తన గత సినిమాల్లో కంటే ఈ సినిమాలో నాచైతన్య చాలా సెటిల్డ్ గా నటించాడు. ఇటు హీరోయిన్ కృతి శెట్టి తో ప్రేమ సన్నివేశాల్లో గాని, అటు యాక్షన్ సన్నివేశాల్లో గాని నాగచైతన్య నటన బాగుంది.

హీరోయిన్ గా నటించిన కృతి శెట్టి తన నటనతో ఆకట్టుకుంది. కొన్ని చోట్ల సందర్భానుసారంగా ఆమె పలికించిన హావభావాలు మరియు ఆమె నటన బాగుంది.

ఈ చిత్రానికి మరో ప్రధానాకర్షణ అరవింద్ స్వామి. నమ్మిందే న్యాయం అనుకుని అతని చేసే క్రైమ్ లో కూడా కామెడీ పడిస్తూ అరవింద్ స్వామి తన పాత్రకు పూర్తి న్యాయం చేశాడు. అరవింద్ స్వామి పలికిన కొన్ని డైలాగ్స్ కూడా పేలాయి.

పోలీస్ ఆఫీసర్  నటరాజన్ గా శరత్ కుమార్ నటన బాగుంది. కొన్ని యాక్షన్ సీన్స్ లో అద్భుతంగా నటించారు.

అలాగే ప్రియమణి, సంపత్ రాజ్, వెన్నల కిషోర్, ప్రేమి విశ్వనాథ్ లతో పాటు మిగిలిన నటీనటులు కూడా తమ పాత్ర పరిధి మేరకు బాగానే నటించారు.

ముఖ్యంగా వెన్నెల కిషోర్ తన కామెడీ టైమింగ్ తో ఆకట్టుకున్నాడు. అలాగే కొన్ని కీలక సన్నివేశలను దర్శకుడు వెంకట్ ప్రభు చాలా బాగా తెరకెక్కించాడు.

ఇంటర్వెల్ సీక్వెన్స్ తో పాటు చేజింగ్ సీన్స్ ను, మరియు పాత్రలను డిజైన్ చేసిన విధానం బాగుంది.

సాంకేతిక విభాగం పరిసిసలిస్తే:

ఈ కస్టడీ  సినిమాకు పనిచేసిన సాంకేతిక టీమ్ పనితనం బాగుంది. సన్నివేశాలకు అనుగుణంగా సాంకేతిక వర్క్ సాగింది.

సంగీత దర్శకులు ఇళయరాజా, యువన్ శంకర్ రాజా అందించిన సంగీతం బాగుంది. కొన్ని సీన్స్ ని తమ బాక్ గ్రౌండ్ స్కోర్ తో హై లేట్ చేశారు అని చెప్పవచ్చు .

ఎస్ఆర్ కతీర్ ఐఎస్ సి సినిమాటోగ్రఫీ కూడా మెచ్చుకునేలా సాగింది. ఎక్కడా బ్యూటీ తగ్గకుండా ఈ చిత్రాన్ని తీర్చి దిద్దారు ఆయన.

శ్రీనివాస చిట్టూరి నిర్మాణ విలువలు చాలా బాగున్నాయి. కర్చూకి వేనకాడకుండా  చాలా చక్కగా తీశారు.

18F మూవీస్ టీం ఒపీనియన్:

కస్టడీ అంటూ వచ్చిన ఈ ఎమోషనల్ యాక్షన్ డ్రామాలో కొన్ని యాక్షన్ అండ్ కామెడీ సీన్స్ మాత్రమే  బాగున్నాయి. కథ చాలా సింపుల్ గా ఉండటం, స్క్రీన్ ప్లే కూడా స్లోగా సాగడం, అలాగే లాజిక్ లెస్ సీన్స్ వంటివి సినిమాకి మైనస్ అయ్యాయి.

కస్టడీ  సినిమాలో చైతన్య యాక్టింగ్ తో పాటు మిగిలిన స్టార్ కాస్టింగ్ ఈ సినిమాకి ప్రత్యేక ఆకర్షణ. ఓవరాల్ గా ఈ చిత్రంలో కొన్ని ఎలిమెంట్స్ కనెక్ట్ అయినా, సినిమా మాత్రం పూర్తి స్థాయిలో ఆకట్టుకోలేకపోయింది. సినిమా లవర్స్ కి అక్కినేని ఫ్యామిలీ ఫాన్స్ కి కూడా ఒక్కసారీ చూసే సినిమా నే ఈ కస్టడీ.

టాగ్ లైన్: కస్టడీ కంటే ఎస్కేప్ బెట్టర్ చాయిస్ !

18F Movies రేటింగ్: 2.25 / 5 

* కృష్ణ ప్రగడ.