మూవీ: బ్రో (Bro the Avatar): 

విడుదల తేదీ : జూలై 28, 2023

నటీనటులు: పవన్ కళ్యాణ్, సాయి ధరమ్ తేజ్, కేతిక శర్మ, ప్రియా ప్రకాష్ వారియర్, బ్రహ్మానందం, సుబ్బరాజు, ఊర్వశి రౌతేల తదితరులు

దర్శకుడు : సముద్రఖని

నిర్మాతలు: టి.జి.విశ్వ ప్రసాద్, వివేక్ కూచిబొట్ల

సంగీతం: థమన్ ఎస్మా

సినిమాటోగ్రఫీ: సుజిత్ వాసుదేవ్ర్కం

ఎడిటర్: నవీన్ నూలి

బ్రో మూవీ రివ్యూ:

మేనమామ మేన అల్లుడు ఐన పవర్ స్టార్ పవన్ కళ్యాణ్, సాయి ధరమ్ తేజ్ కలయికలో సముద్రఖని దర్శకత్వంలో వచ్చిన బ్రో సినిమా రాక కోసం పవర్ స్టార్ వీర అభిమానులతో పాటు తెలుగు ప్రేక్షకులు కూడా ఎంతో ఆసక్తిగా ఎదురుచూశారు.

ఆ ఆసక్తిని రెట్టింపు చేస్తూ బ్రో చిత్రం ఈ శుక్రవారం అత్యధిక థియేటర్లలో విడుదల అయింది. మరి ఈ చిత్రం, తెలుగు ఆడియన్స్‌ ని మరియు పీకే ఫాన్స్ ని ఏ మేరకు మెప్పించిందో మా 18f మూవీస్   సమీక్షచదివి తెలుసుకుందామా !.

కథ ని పరిశీలిస్తే (Story line):

మార్క్ అలియాస్ మార్కండేయ (సాయి ధరమ్ తేజ్) చిన్న తనం లోనే తండ్రి చనిపోవడం వలన అమ్మా, తమ్ముడు ఇద్దరు చెల్లెళ్ళ బాధ్యత తనదే అంటూ కలం తో పరిగెడుతూ, తన కుటుంబం కంటే ఉద్యోగానికి ఎక్కువ సమయం కేటాయిస్తూ ప్రేమించిన అమ్మాయికి, తోడబుట్టిన చెల్లాళ్ల కు కొంచెం కూడ టైం ఇవ్వకుండా తిరుగుతుంటాడు.

టైం లేదంటూ ఎప్పుడూ బిజీగా ఉంటాడు. లైఫ్ లో ఎదగడానికి చాలా కష్ట పడతాడు. తన కంపెనీలో మంచి పొజిషన్ కి వెళ్తాడనుకునే సమయంలో మార్కండేయ ఒక రోడ్డు యాక్సిడెంట్ లో చనిపోతాడు. అప్పుడే కాల-యముడు టైటన్ (పవన్ కళ్యాణ్) గా మార్కండేయ లైఫ్ లోకి ఎంట్రీ ఇస్తాడు.

ఆ తర్వాత జరిగిన కొన్ని నాటకీయ పరిణామాల నేపథ్యంలో మార్కండేయ తిరిగి బతికాడా ?, లేదా ?,

కాల-యముడు  (పవన్ కళ్యాణ్) మార్క్ కి మరో ఛాన్స్ ఇచ్చాడా ?

ఇస్తే ఎన్ని రోజులు ఇచ్చాడు?, ఎందుకు మరో ఛాన్స్ ఇచ్చాడు ?

ఈ మధ్యలో మార్కండేయ లైఫ్ లో జరిగిన సంఘటనలు ఏమిటి?,

మార్కండేయ అర్థం చేసుకున్న అంశం ఏమిటి?,

అలాగే అతని జీవితం చివరికి ఎలా ముగిసింది? అనే ప్రశ్నలు మీకు ఇంటరెస్ట్ క్రియేట్ చేస్తే తప్పకుండా మీ ఫ్యామిలీ అందరితో కలిపి చూడండి. ప్రతి మనిషి తప్పకుండా చూడవలసిన కధ ఇది.

కధ ను నడిపే కధనం పరిశీలిస్తే (Screen– Play):

రచయితగా  – మంచి కధ ను రాసుకొని తమిళం లో తీసి హిట్ చేసిన దర్శకుడి సముద్రఖని అదే కధను పెద్ద హీరో తో చెప్తే ఎలా ఉంటుంది అని రచయిత దర్శకుడు అయిన త్రివిక్రమ్ కి చెప్తే తన కు పవన్ కళ్యాణ్ కి మద్య ఉన్న గుడ్ రేపో తో బ్రో కధ లోకి పవన్ కళ్యాణ్ సాయి ధర్మ తేజ వచ్చి చేరడం తో ఈ బ్రో సినిమా బిగ్ బడ్జెట్ తో నిర్మించడం జరిగినది.

బ్రో సినిమా గుడ్ పాయింట్ తో పాటు డీసెంట్ ఎమోషన్స్ మరియు కొన్ని ఫన్ మూమెంట్స్ తో ఆకట్టుకున్నప్పటికీ.. అలాగే కొన్ని ఎమోషనల్ సన్నివేశాల్లో నటులు మంచి పనితీరుని కనబర్చినప్పటికీ.. కథనం (స్క్రీన్ – ప్లే ) విషయంలో మాత్రం పెద్దగా ఆకట్టుకోలేకపోయారు దర్శక రచయితలు.

త్రివిక్రమ్ స్క్రీన్ ప్లే అండ్ డైలాగ్స్ రాస్తున్నాడు కాబట్టి, ఫుల్ కామెడీ, పంచ్ డైలాగ్స్ ఉంటాయి అనుకోని వెళ్లిన ప్రేక్షకులు కొంచెం నిరాశ పడతారు. త్రివిక్రమ్ తన రచన విషయంలో కూడా ఆశించిన స్థాయిలో రాణించలేదు అని చెప్పవచ్చు.

దీనికితోడు పవన్ ఫ్యాన్స్ ను మాత్రమే దృష్టిలో పెట్టుకుని పవన్ పాత్ర ను  డిజైన్ చేసిన సీన్స్ అండ్ పాత  హిట్ సాంగ్స్ కూడా సాధారణ ప్రేక్షకులకు పెద్దగా కనెక్ట్ కావు. అలాగే పవన్ చెప్పే డైలాగ్స్ కూడా మాస్ ఆడియన్స్ కి పెద్దగా ఎక్కవు. కానీ, పవన్ ఫ్యాన్స్ కి మాత్రం ఫుల్ కిక్ ఇస్తాయి. ఓవరాల్ గా కధనం ( స్క్రీన్ ప్లే) ఇంట్రెస్ట్ గా సాగకపోవడం, కొన్ని సన్నివేశాలు సినిమాటిక్ గా సాగడం, దీనికి తోడు సెకెండ్ హాఫ్ లో కొన్ని సీక్వెన్సెస్ కూడా సరిగ్గా వర్కౌట్ అవ్వకపోవడం వంటి అంశాలు సినిమా రేంజ్ ని తగ్గిస్తాయి.

దర్శకుడు, నటి నటుల ప్రతిభ పరిశిలిస్తే:

దర్శకుడు సముద్రఖని చిన్న కధను తీసుకొని, పవర్ స్టార్ ఫ్యాన్స్ కు ఏం కావాలో అవన్నీ ఈ బ్రో సినిమా కధలో చొప్పించి తీసిన సినిమా ఇది. పవన్ ఫ్యాన్స్ కి ఈ సినిమా ఫుల్ కిక్ ఇచ్చేలా డైరక్షన్ డిపార్ట్మెంట్ చాలా పవన్ పాత సినిమా లు అన్నీటిలో హిట్ అయిన పాటల కోసం రిచర్చ్ చేశారు అని పిస్తుంది .

పవన్ కళ్యాణ్ తన స్క్రీన్ ప్రెజెన్స్ తో పాటు తన మార్క్ టైమింగ్‌ తో కూడా ఈ సినిమాకి హైలెట్ గా నిలిచారు. తన పాత్రలో డిఫరెంట్ వేరియేషన్స్ చూపిస్తూ ఎప్పటిలాగే పవన్ తన మ్యాజరిమ్ తాలూకు పెర్పార్మెన్స్ తో ప్రేక్షకులను మెస్మరైజ్ చేశారు. ప్రధానంగా సినిమాలో పవన్ ఎంట్రీ సీన్స్, ఇంటర్వెల్ సీక్వెన్స్, అలాగే క్లైమాక్స్ మరియు ముఖ్యంగా పవన్ కళ్యాణ్ డైలాగ్స్ చాలా బాగున్నాయి.

మరో హీరోగా నటించిన సాయి ధరమ్ తేజ్ కూడా నటన పరంగా బాగా  ఆకట్టుకున్నాడు. చాలా ఏమోషనల్ సీన్స్ లో తేజ్ చాలా బాగా నటించాడు. కానీ పవన్ కళ్యాణ్ నట విశ్వ రూపం ముందు తేజ్ నటన తేలిపోయింది.

హీరోయిన్ కేతిక శర్మ కూడా తన గ్లామరస్ పెర్ఫార్మెన్స్‌తో బాగానే నటించింది. అలాగే తల్లి పాత్రలో సీనియర్ నటి రోహిణి నటించిన విధానం ముఖ్యంగా ఎమోషనల్ సీన్స్ లో ఆమె నటన చాలా బాగుంది. మరో పాత్రలో నటించిన ప్రియా ప్రకాష్ వారియర్ కూడా తన పాత్రకు తగ్గట్లు చాలా బాగా చేసింది.

కామెడీ కింగ్ బ్రహ్మానందం తన కామిక్ హావభావాలతో నవ్విస్తూనే.. పవన్ గురించి చెప్పిన పవర్ ఫుల్ డైలాగ్స్ బాగున్నాయి. సుబ్బరాజు, ఊర్వశి రౌతేలా తమ పాత్రల పరిధి మేరకు బాగానే నటించారు. అదేవిధంగా మిగిలిన నటీనటులు కూడా అయా పాత్రల్లో తమ నటనతో ఆకట్టుకున్నారు.

త్రివిక్రమ్ తనదైన ప్లేతో, తన మార్క్ డైలాగ్ లతో కొన్ని చోట్ల ఆకట్టుకున్నారు. ముఖ్యంగా కామెడీని హ్యాండిల్ చేయడంలో తనకంటూ ఒక ప్రత్యేకమైన గుర్తింపు తెచ్చుకున్న త్రివిక్రమ్ కొన్ని సీన్స్ లో సెటిల్డ్ డైలాగ్స్ తో మెప్పించాడు.

సాంకేతిక విభాగం పరిసిసలిస్తే:

సంగీత దర్శకుడు థమన్ ఎస్ సమకూర్చిన పాటలు ఆడియో పరంగా కంటే కూడా.. సినిమాలో విజువల్ గా పరంగా బాగున్నాయి. వాటి పిక్చరైజేషన్ కూడా బాగుంది. థమన్ నేపధ్య సంగీతం కొన్ని సీన్స్ కి ప్రాణం పోసినట్టు ఉంది.

సుజిత్ వాసుదేవన్  సినిమాటోగ్రఫీ వర్క్ కూడా బాగుంది. సినిమాలోని సన్నివేశాలన్నీ కథకి అనుగుణంగా చాలా అందంగా చిత్రీకరించారు.

నవీన్ నూలి ఎడిటింగ్ బాగున్నప్పటికీ.. సెకండ్ హాఫ్ కథనాన్ని ఇంకా సాధ్యమైనంత వరకు ట్రీమ్ చేసి ఉంటే.. సినిమాకి ప్లస్ అయ్యేది.

నిర్మాతలు టి.జి.విశ్వ ప్రసాద్, వివేక్ కూచిబొట్ల ఎక్కడా కాంప్రమైజ్ కాకుండా ఈ చిత్రాన్ని నిర్మించారు. వారి నిర్మాణ విలువులు చాలా బాగున్నాయి.

18F మూవీస్ టీం ఒపీనియన్:

పవన్ కళ్యాణ్ ఫ్యాన్స్ కి  బ్రో సినిమా ఫుల్ కిక్ ఇస్తోంది. అయితే, కొన్ని చోట్ల స్క్రీన్ ప్లే ఇంట్రెస్ట్ గా సాగకపోవడం, సెకెండ్ హాఫ్ లో కొన్ని సీక్వెన్స్ కూడా సరిగ్గా వర్కౌట్ అవ్వకపోవడం వంటి అంశాలు సినిమాకి మైనస్ అయ్యాయి. పవర్ స్టార్ తన నటనతో, తన డైలాగ్ మాడ్యులేషన్ తో, మ్యానరిజమ్స్ తో ఈ సినిమాని మరో లెవల్ కి తీసుకు వెళ్లారు.

ఓవరాల్ గా ఈ బ్రో చిత్రం పవన్ ఫాన్స్ ను మాత్రం చాలా బాగా ఆకట్టుకుంటుంది. అయితే, మిగిలిన వర్గాల ప్రేక్షకులని ఎంత వరకు అలరిస్తుందో మండే నుండి వచ్చే బూకింగ్స్ ని బట్టి తెలుస్తుంది.

టాగ్ లైన్: పీకే ఫాన్స్ కి పునకాలే  బ్రో !

18F Movies రేటింగ్: 2.75 / 5 

* కృష్ణ ప్రగడ.