టాలీవుడ్ ప్రముఖ నిర్మాణ మరియు పంపిణీ సంస్థ అన్నపూర్ణ స్టూడియోస్, చాయ్ బిస్కెట్ ఫిల్మ్స్ కలిసి కన్నడ బ్లాక్ బస్టర్ హాస్టల్ హుడుగారు బేకగిద్దరేను తెలుగులో బాయ్స్ హాస్టల్ పేరుతో విడుదల చేయనున్నారు.

నితిన్ కృష్ణమూర్తి ఈ చిత్రంతో దర్శకుడిగా అరంగేట్రం చేసాడు, ఇందులో ప్రజ్వల్ బిపి, మంజునాథ్ నాయక, రాకేష్ రాజ్‌కుమార్, శ్రీవత్స మరియు తేజస్ జయన్న ఉర్స్ ప్రధాన పాత్రలు పోషించగా, రిషబ్ శెట్టి, పవన్ కుమార్, షైన్ శెట్టి, రష్మీ గౌతమ్ మరియు తరుణ్ భాస్కర్ అతిధి పాత్రల్లో నటించారు.

ఈ రోజు   బేబీ టీమ్ నుండి ఆనంద్ దేవరకొండ , విరాజ్ అశ్విన్, వైష్ణవి మరియు skn కలిసి  బాయ్స్ హాస్టల్ థియేట్రికల్ ట్రైలర్‌ను హైదరాబాద్ లొని ఏసియన్ అల్లు అర్జున్ దియేటర్స్ లో  విడుదల చేసారు.

ట్రైలర్‌లో చూస్తే, బాయ్స్ హాస్టల్ హాస్టల్‌ లో ఉంటున్న అబ్బాయిల జీవితాలను చూపుతుంది. వారు జీవితాన్ని పూర్తిగా ఆస్వాదిస్తూ, కొంటె చర్యలకు పాల్పడుతూ, వారి కఠినమైన హాస్టల్ వార్డెన్ అనుమానాస్పద పరిస్థితులలో చనిపోయినప్పుడు వారు పెద్ద సమస్యను ఎదుర్కొంటారు. హాస్టల్‌ కుర్రాళ్లు దీన్ని యాక్సిడెంట్‌గా మార్చే ప్రయత్నం చేయడంతో పరిస్థితి దారుణంగా మారింది.

ట్రైలర్ ఉల్లాసంగా మరియు క్రేజీ మూమెంట్స్‌ తో నిండిపోయింది. నటీనటులందరూ కొత్తవారే అయినప్పటికీ తమ రియలిస్టిక్ యాక్టింగ్‌తో కథనంలో ఫ్రెష్‌నెస్ తీసుకొచ్చారు. తరుణ్ భాస్కర్ ప్రత్యేక పాత్రలో కనిపించగా, రిషబ్ శెట్టి మరియు ఇతర ప్రముఖుల ఉనికి పెద్ద యాడ్-ఆన్. ప్రముఖ యాంకర్ రష్మీ గౌతమ్ సూపర్ హాట్ గా కనిపించింది.

దర్శకుడు నితిన్ కృష్ణమూర్తి ఈ బాయ్స్ హాస్టల్  చిత్ర నిర్మాణం లో కూడా పలుపంచుకొన్నారు. నితిన్ తో పాటు వరుణ్ గౌడ, ప్రజ్వల్ బి. పి., మరియు అరవింద్ ఎస్. కశ్యలతో కలిసి గుల్‌మోహర్ ఫిల్మ్స్ మరియు వర్రున్ స్టూడియోస్ బ్యానర్‌లపై పరంవా పిక్చర్స్ బ్యానర్‌పై రక్షిత్ శెట్టి సమర్పించారు.

కాంతార సినిమా కు పనిచేసిన సినిమాటోగ్రఫర్ మ్యూజిక్ డైరెక్టర్ అయిన  అరవింద్ ఎస్ కశ్యప్  బి అజనీష్ లోక్‌నాథ్ ఈ బాయ్స్ హాస్టల్ సిన్మా కి  పనిచేశారు. సురేష్ ఎమ్ చిత్రానికి ఎడిట్ చేశారు.

బాయ్స్ హాస్టల్ ఆగస్ట్ 26న విడుదలకు సిద్ధమవుతోంది.