మూవీ: అష్టదిగ్భంధనం

విడుదల తేదీ: 22-09-2023

నటీనటులు: సూర్య భరత్ చంద్ర, విషిక కోట, విశ్వేందర్ రెడ్డి, మహేష్ రావుల్, రంజిత్, రోష్ని రజాక్, వివ రెడ్డి, నవీన్ పరమార్డ్, మణి పటేల్, విజయ్ కందగట్ల, యోగేందర్ సప్పిడి, మహమ్మద్ రజాక్, తదితరులు.
రచన – దర్శకత్వం: బాబా పి.ఆర్,
నిర్మాత: మనోజ్ కుమార్ అగర్వాల్,
మ్యూజిక్: జాక్సన్ విజయన్
కెమెరా: బాబు కొల్లబత్తుల
ఎడిటింగ్: నాగేశ్వర్ రెడ్డి బొంతల,
ఫైట్స్: రామ్ క్రిషన్, శంకర్ ఉయ్యాల,
లిరిక్స్: శ్యామ్ కాసర్ల, పూర్ణ చారి,
ఆర్ట్: వెంకట్ ఆరే
పీఆర్వో: సురేష్ కొండేటి,

అష్టదిగ్భంధనం మూవీ రివ్యూ

‘అష్టదిగ్భంధనం’. ‘ఎ గేమ్ విత్ క్రైమ్’ అంటూ వచ్చిన ఈ  థ్రిల్లర్ సినిమా ఇంటరెస్టింగ్  ట్విస్టులతో ఆసక్తికర స్క్రీన్‌ప్లే తో  ఆడియన్స్  బాగా ఎంగేజ్ చేసేలా ఉంది. ‘సైదులు’ అనే సినిమాతో డైరెక్టర్‌గా మారిన బాబా పీఆర్  రెండో సినిమాగా  ఇలాంటి థ్రిల్లర్ కథను ఎంచుకోవడం ఓక రకంగా ఛాలెంజ్ అనే చెప్పాలి. ‘రచ్చ’ సినిమాలో జూనియర్ తమన్నాగా నటించిన విషిక కోట ఈ సినిమాలో హీరోయిన్‌గా నటించింది. పలు లఘు చిత్రాలు, సినిమాల్లో నటించిన సూర్య భరత్ చంద్ర ‘అష్టదిగ్భంధనం’ సినిమాలో హీరోగా నటించాడు. ఈ శుక్రవారం ప్రేక్షకుల ముందు వచ్చిన ఈ చిత్రం ప్రేక్షకులను ఎంత మేరకు మెప్పించిందో మా 18f మూవీస్ టీం సమీక్ష చదివి తెలుసుకొందామా !

కధ ను పరిశీలిస్తే :

శంకర్ అనే రౌడీ షీటర్.. తన తోటి రౌడీ షీటర్ రాజకీయ నాయకుడిగా మారి తననే అవమానిస్తుంటే ఇగో దెబ్బతిని తను కూడా ఎలాగైనా ఎమ్మెల్యే అవ్వాలని నిర్ణయించుకుంటాడు. అధికార పార్టీ రాష్ట్ర నాయకుడు కు తన ఎమ్మెల్యే టికెట్ కోసం రూ. 50 కోట్లు చెల్లించేందుకు శంకర్ సిద్ధమవుతాడు. అందుకోసం తన అనుచరులతో  స్కెచ్ వేస్తాడు.

పార్టీ ఫండ్ కోసం రూ. 50 కోట్ల పొందడానికి శంకర్ ఎలాంటి స్కెచ్ వేశాడు ?

హీరో హీరోయిన్లు ఆ స్కెచ్ లో ఎలా ఇరుక్కున్నారు?

రౌడీ షీటర్ శంకర్‌కు మంత్రి ఇచ్చిన వంద కోట్లు ఏమయ్యాయి?

హీరో హీరోయిన్ ఎవరు ? ఈ క్రైమ్ గేమ్ లోకి ఎలా వచ్చారు ?

శంకర్ తను అనుకొన్న లక్ష్యం చేరుకొన్నాడా ? 

అసలు ఎవరు ఎవరికి స్కెచ్ వేశారు?

లాంటి ప్రశ్నలకు జవాబులు తెలుసుకోవాలంటే థియేటర్‌లో సినిమా చూడాల్సిందే.

కధ ను నడిపే  కధనం (స్క్రీన్ ప్లే ) పరిశీలిస్తే : 

ఈ సినిమా టైటిల్ టాగ్ లైన్ లోనే కధ ఏంటనేది థ్రిల్లర్ సినిమాలు ఇష్టపడే వారికి అర్దం అయిపోతుంది. ఇలాంటి క్రైమ్ థ్రిల్లర్స్ ప్రేక్షక ఆదరణ పొందాలి అంటే కధనం (స్క్రీన్ ప్లే ) ఎంతో థ్రిల్లింగ్ గా ఉండాలి.   ఈ యుద్ధం రాజ్యం కోసమో, రాణి కోసమే జరిగేది కాదని.. ఇద్దరు వ్యక్తుల అహం వల్ల జరిగేదని ట్రైలర్‌లో పెట్టి దర్శకుడు దియేటర్ కి వచ్చే సాధారణ ప్రేక్షకుడిని ముందే ప్రిపేర్ చేశాడు.

ఫస్ట్ హాప్ అంతా ఎక్కడా బోర్ కొట్టకుండా సాఫీగా సాగిపోతుంది. మొదటి అంకం ( ఫస్ట్ హాఫ్‌ )లో కొన్ని క్యారెక్టర్స్ గురించి సస్పెన్స్ మెయిన్టైన్  చేస్తూ .. సెకెండాఫ్‌లో ఆ పాత్రలకు ఉన్న బాక్ స్టోరీ చెప్పడం తో సామాన్య ప్రేక్షకుడు కన్‌క్లూజన్ లేకుండా ఎంజాయ్ చేస్తాడు. ఇంటర్వెల్‌కు ముందు వచ్చే ట్విస్ట్ అయితే ఊహించలేని విధంగా ఉంటుంది.

ఇక రెండవ అంకం ( సెకెండాఫ్) అంతా ఏ క్షణం ఏం జరుగుతుందా అనే ఆసక్తితో కధనం సాగిపోతుంది. ఫస్ట్ హాఫ్ కంటే సెకెండాఫ్‌లో దర్శకుడు ఎక్కువ ట్విస్టులను ప్లాన్ చేశాడు కానీ అందరు నటి నటులు కొత్తవారు లేదా పెద్దగా తెలియని ఫేస్ లు కాబట్టి సామాన్య ప్రేక్షకుడు కధ లొని పాత్రలతో ఇన్వాల్వ్మెంట్ తగ్గిపోతుంది. ఇంకా బడ్జెట్ లిమిట్ వలన కూడా కొన్ని సీన్స్ అక్కడ అక్కడే చుట్టేసినట్టు అనిపిస్తుంది.

‘అష్టదిగ్భంధనం’ మూవీ  ట్రైలర్ చూసి ఇది క్రైమ్ తో కూడిన లస్ట్ స్టోరీ నే కదా అనుకునేవాళ్ల …దియేటర్ లో  సినిమా చూస్తే ఆ అభిప్రాయం మారిపోతుంది. ఊహించని ట్విస్టులతో కధనం సాగిపోతుంది. అక్కడక్కడ ఒకట్రెండు లాజిక్స్‌ను వదిలేస్తే ఓవరాల్‌గా సినిమా  చేసే ప్రేక్షకులను థ్రిల్ మరియు ఎక్సయిట్మెంట్ ని క్రియేట్ చేస్తుంది.

దర్శకుడి ప్రతిభ మరియు నటీనటుల నటన పరిశీలిస్తే :

దర్శకుడు బాబా తనకు ఇది రెండో సినిమానే అయినా క్రైమ్ థ్రిల్లర్ జోనర్ లో కధ ను రాసుకొని తన స్కీన్‌ప్లేతో కొంత వరకూ మ్యాజిక్ చేశాడని చెప్పొచ్చు. ఇదే కధను కొంచెం మిడ్ రేంజ్ నటి నటులతో తీస్తే పలితం మరోలా ఉండేది. కానీ తనకున్న బడ్జెట్ లిమిటేషన్స్ లో థ్రిల్లర్ జోన్ సినిమాలు ఇష్ట పడే ప్రేక్షకులను మెప్పించే ప్రయత్నం చేశాడు.

హీరోగా నటించిన సూర్య భరత్ చంద్ర తన నటనతో పర్వాలేదనిపించాడు. కొన్ని సీన్స్ లో బాగున్న, కొన్ని సీన్స్ లో డబ్బింగ్ బాగాలేదు. తన వాయిస్ మాడ్యులేషన్ ఇంప్రూవ్ చేసుకొంటే మంచి నటుడుగా స్థిర పడవచ్చు.

ఇక హీరోయిన్ విషిక కోట  తన అందచందాలతో ఆడియన్స్‌ను ఎట్రాక్ట్ చేయడమే కాకుండా తన నటనకు కూడా మంచి మార్కులు వేయించుకునేలా ఉంది.

రౌడీ షీటర్ శంకర్ పాత్ర చేసిన మహేష్ రావుల్  విలనిజం బాగా పండించాడు. గెటప్ మాత్రం బాగానే సెట్ అయ్యింది.  అలాగే మంత్రి పాత్ర చేసిన విశ్వేందర్ రెడ్డి కూడా తన పాత్ర పరిధి మేరకు నటించారు.

ఇక మిగతా నటీనటులు తమ పాత్రలకు న్యాయం చేశారు. అందరూ కొత్తవాళ్లే అయినా.. దర్శకుడు అనుకున్నది అనుకున్నట్లు రాడానికి బాగా సహకరించారు.

సాంకేతిక నిపుణుల పనితీరు పరిశీలిస్తే: 

జాక్సన్ విజయన్ అందించిన బాక్ గ్రౌండ్ స్కోర్ బాగానే ఉన్నా ఇంకా ఇంప్రూవ్ చేసి ఉంటే బాగుండేది. ఇలాంటి క్రైమ్ థ్రిల్లర్ మూవీస్ కి బాక్ గ్రౌండ్ మ్యూజిక్ నే ప్రాణం.

బాబు కొల్లబత్తుల కెమెరా పని తనం పరవాలేదు. తనకున్న వనరులలో బాగానే చేశాడు అనుకోవచ్చు.

నాగేశ్వర్ రెడ్డి బొంతల ఎడిటింగ్ ఒకే. ఇంకా కొంచెం ట్రిమ్ చేసి ఉంటే బాగుంటుంది. కొన్ని సీన్స్ కధనం ప్రకారం రిపీట్ అవుతున్న షాట్స్ మాత్రం రిపీట్ చేసినట్టు ఉంది.

మనోజ్ కుమార్ అగర్వాల్ నిర్మాణ విలువలు బాగానే ఉన్నాయి. ఇలాంటి కధలు నమ్మి సినిమా తియ్యడం పులి మీద స్వారీ లాంటిదే. అప్పడప్పుడు అనుకొన్న బడ్జెట్ దాటిపోతుంటాయి.

18F మూవీస్ టీం ఒపీనియన్: 

క్రైమ్ – థ్రిల్లర్ సినిమాలకు ఎప్పుడూ ప్రేక్షకుల నుండి ఆదరణ ఉంటుంది. ఊహించని ట్విస్టులతో ఆసక్తికరంగా కధనం  (స్క్రీన్‌ప్లే) తో సినిమా తీస్తే ఆడియన్స్ తప్పకుండా విజయాన్ని అందిస్తారు. ఈ ఫార్ములాను నమ్మి  చేసిన సినిమానే ‘అష్టదిగ్భంధనం’. ‘ఎ గేమ్ విత్ క్రైమ్’ . ట్యాగ్ లైన్‌కు తగ్గట్టుగానే క్రైమ్స్‌తో కూడిన ఒక గేమ్‌లా సినిమా ఉంటుంది.

కధ ప్రకారం కొన్ని సీన్స్ మరలా మరలా చూపించవలసి వచ్చింది. ఆ సీన్స్ లో షాట్స్ రిపీట్ అవుతున్నాయి అనే ఫీల్ కలిగింది.  కధనం ప్రకారం టేకింగ్ లో  రిపీట్ అయ్యే లూప్ సీన్స్ లో షాట్స్ వెరే యాంగిల్స్ లో కొత్తవి యూజ్ చేస్తూ రిపీట్ షాట్స్ తగ్గించి ఉంటే సినిమా చూసే ప్రేక్షకుడు బోర్ ఫీల్ అవ్వడు.

మా అభిప్రాయం ప్రకారం ఇంకా కొన్ని రిపీట్ షాట్స్ ఎడిట్ చేసి ఉంటే సినిమా ఇంకా మంచి మార్కులు పొంది ఉండేది. చివరిగా థ్రిల్లర్ సినిమాలు ఇష్టపడేవారు తప్పకుండా చూడాల్సిన సినిమా

టాగ్ లైన్: ట్విస్టులతో  దిగ్భందనం 

18FMovies రేటింగ్: 2.75 / 5 

* కృష్ణ ప్రగడ.