మూవీ: హిడింబ  (Hidimba): 

విడుదల తేదీ : జూలై 20, 2023

నటీనటులు: అశ్విన్ బాబు, నందితా శ్వేత, మకరంద్ దేశ్‌పాండే, రఘు కుంచె, శ్రీనివాసరెడ్డి, సంజయ్ స్వరూప్, రాజీవ్ కనకాల, షిజ్జు, రాజీవ్ పిళ్ళై, శుభలేఖ సుధాకర్ తదితరులు

దర్శకుడు : అనిల్ కన్నెగంటి

నిర్మాతలు: గంగపట్నం శ్రీధర్

సంగీతం: వికాస్ బాడిస

సినిమాటోగ్రఫీ: బి. రాజశేఖర్

హిడింబ రివ్యూ (Hidimba Review):

రాజు గారి గది సినిమాల సిరీస్ తో ఆకట్టుకొన్న యంగ్ హీరో అశ్విన్ నటించిన లేటెస్ట్ సినిమా ‘హిడింబ’. క్రైమ్ హిస్టారిక్ ఇన్విస్టీగేటివ్ సస్పెన్స్ థ్రిల్లర్ గా తెరకెక్కిన ఈ హిడింబ చిత్రం ఈ రోజు రిలీజ్ అయింది.

మరి ఈ హిడింబ సినిమా తెలుగు ప్రేక్షకులును ఏ మేరకు మెప్పించిందో మా 18f మూవీస్ టీం సమీక్ష చదివి తెలుసుకుందామా !

కధ ను పరిశీలిస్తే (story line):

హైదరాబాద్ సిటీ లో వరసగా అమ్మాయిలు కిడ్నాప్ జరుగుతుండటం తో కేరళ లో మంచి ఇన్వెస్టీగేటివ్ ఆఫిషర్ గా పేరుతెచ్చు కొన్న    ఐపీఎస్ ఆద్య (నందితా శ్వేతా) ని పిలిపించి హైదరాబాద్ లో వరుసగా అమ్మాయిలు అదృశ్యం కేస్ అప్పజెప్పటం తో కధ మొదలవుతుంది.

పదహారు మిస్సింగ్ కేసులు నమోదు కావడంతో అప్పటి వరకు ఆ కేసును ఇన్వెస్టిగేట్ చేస్తున్న అభయ్ (అశ్విన్ బాబు) టీం ని కూడా  ఐపీఎస్ ఆద్య (నందితా శ్వేతా) తో ఇన్వెస్టిగేషన్ చేస్తుంటారు.

ఈ మిస్సింగ్ కేసుల విచారంలో అభయ్, ఆద్యకు తన సహకారాలు అందించడా ?, లేదా ?,

ఆద్యకి అభయ్ కి మధ్య సంబంధం ఏమైనా ఉందా ?,

ఇంతకీ ఈ మిస్సింగ్ కేసులకు ఆద్యులు ఎవరు ?

కేరళలో కొన్నేళ్ళ క్రితం జరిగిన మిస్సింగ్ కేసులకు మధ్య ఏమైనా  సంబంధం ఉందా ?,

అసలు ఈ హిడింబ జాతి పుట్టి పూర్వోత్తరాలు ఏమిటి ?

ఈ కధ కు హిడింబ పేరేందుకు పెట్టారు ?

చివరగా అంతరించిపోయిన హిడింబ జాతిలో చివరి వ్యక్తి ఎవరు ?

అనే ప్రశ్నలు మీకు ఇంటరెస్టింగ్ అనిపిస్తే తప్పకుండా ఈ హిడింబ సినిమా దియేటర్స్ లోనే చూడాలి.

కధ ను నడిపే కధనం పరిశీలిస్తే (Screen– Play):

దర్శకుడు అనిల్ కన్నెగంటి రాసుకొన్న కధ లో అనుకున్న సీన్స్ లో కొన్ని చోట్ల బెటర్ గా ఉన్నా మొదటి అంకం (ఫస్ట్ ఆఫ్) లొని కొన్ని సీన్స్ మాత్రం ఆసక్తికరంగా సాగలేదు. అలాగే కొన్ని సన్నివేశాలు స్లోగా ఉండటం, మరియు కొన్ని సన్నివేశాల్లో ఇంట్రెస్ట్ మిస్ అవ్వడం వంటి అంశాలు సినిమాకి రేంజ్ ని తగ్గించాయి అని చెప్పవచ్చు.

ఇక రెండవ అంకం (సెకండ్ ఆఫ్) లో కధ లొని మెయిన్ ట్రాక్ లో కొన్ని సీన్స్ లాజిక్ మిస్ అవ్వడం వంటి అంశాలు బాగాలేదు. ఇలాంటి సస్పెన్స్ అండ్ ఎమోషనల్ యాక్షన్ థ్రిల్లర్ లో ట్రీట్మెంట్ ( స్క్రీన్ -ప్లే లో ) ద్వారా ఇంట్రెస్ట్ ను పెంచుతూ పోవాలి. అలాగే, థ్రిల్లింగ్ ఎలిమెంట్స్ ఎఫెక్టివ్ గా వర్కౌట్ అవ్వాలి.

కానీ ఈ హిడింబ సినిమాలో కొన్ని చోట్ల అవి మిస్ అయ్యాయి. ఓవరాల్ గా ఈ సినిమా స్క్రీన్ ప్లేను ఇంకా పకట్బందీగా  రాసుకుని ఉండి ఉంటే.. సినిమా ఇంకా బెటర్ గా ఉండేది అనిపిస్తుంది.

దర్శకుడు, నటి నటుల ప్రతిభ పరిశిలిస్తే:

దర్శకుడు అనిల్ కన్నెగంటి  డిఫరెంట్ కాన్సెప్ట్ తో యాక్షన్ థ్రిల్లర్ గా వచ్చిన ఈ సినిమాలో మెయిన్ సీక్వెన్స్ లో వచ్చే కొన్ని సీన్స్ ఇంట్రెస్టింగ్ గా సాగుతూ ఆకట్టుకున్నాయి. హిడింబ కధ కు మంచి పాయింట్ తీసుకున్నారు. అయితే అన్ని వర్గాల ప్రేక్షకులను దృష్టిలో పెట్టుకుని ఆయన ప్లే ను రాసుకుని, సినిమాని తీసి ఉంటే ఈ సినిమా మరో స్థాయిలో ఉండేది

హీరో అశ్విన్ బాబు, తన పాత్రలో అద్భుతంగా నటించాడు. ముఖ్యంగా అశ్విన్  క్యారెక్టర్ పాయింట్ ఆఫ్ వ్యూలో వచ్చే ఇంట్రెస్టింగ్ సీన్స్ లో తన నటన తో ఫిజిక్ తో చాలా బాగా ఆకట్టుకున్నాడు. అలాగే క్లిష్టమైన కొన్ని హంటింగ్ సన్నివేశాల్లో కూడా అశ్విన్ నటన సినిమాకే ప్రత్యేక ఆకర్షణగా నిలుస్తోంది.

నందితా శ్వేత కూడా సినిమాలో కీలకమైన పాత్రలో నటించి తన పాత్రకి పూర్తి న్యాయం చేసింది. కొన్ని ఎమోషనల్ సీన్స్ లోనూ ఆమె పలికించిన హావభావాలు బాగున్నాయి. ఇక అశ్విన్ బాబు – నందితా శ్వేత కి మధ్య ఎమోషన్స్ కూడా బాగా ఎలివెట్ అయ్యాయి.

మరో ముఖ్య పాత్రలో నటించిన మకరంద్ దేశ్‌పాండే కూడా చాలా బాగా నటించాడు. శ్రీనివాసరెడ్డి పంచ్ లు పర్వాలేదు. సంజయ్ స్వరూప్, రాజీవ్ కనకాల, షిజ్జు లతో సహా ఇతర పాత్రల్లో కనిపించిన మిగిలిన నటీనటులు కూడా తమ పాత్ర మేరకు బాగా నటించారు.

సాంకేతిక విభాగం పరిసిసలిస్తే:

బి. రాజశేఖర్ అందించిన సినిమాటోగ్రఫీ ఈ సినిమాకే హైలెట్ గా నిలుస్తోంది. కొన్ని సీన్స్ అద్బుతంగా ఉన్నాయి. ముఖ్యంగా యాక్షన్ సన్నివేశాల్లో సీన్ లోని మూడ్ ని తన కెమెరా యాంగిల్స్ తో కళ్ళకు కట్టినట్టు చూపించారు డిఓపి  బి. రాజశేఖర్.

 వికాస్ బాడిస అందించిన నేపథ్య సంగీతం కూడా బాగానే ఉంది.

ఎడిటర్ నాన్ లినీయర్ స్క్రీన్ ప్లే కి తగినట్టు గా ఎడిటింగ్ లో బయపెట్టాడు ఎడిటర్. ప్రొడక్షన్ వాల్యూస్ ఆకట్టుకున్నాయి.

18F మూవీస్ టీం ఒపీనియన్:

ఇప్పటివరకూ వెండితెర మీద ఎవరు సహాశించని  విభిన్నమైన కథాంశంతో వైవిధ్యంగా తెరకెక్కిన ఈ యాక్షన్ థ్రిల్లర్ లో  ఆకట్టుకునే యాక్షన్ సీన్స్ మరియు కొన్ని ఎమోషన్స్ ఆడియన్స్ ని బాగా ఆకట్టుకొంటాయి. హీరో  అశ్విన్ తన నటనతో ఆభయ్ పాత్రకి న్యాయం చేశాడు అని చెప్పవచ్చు.

దర్శకుడు కొత్త పాయింట్ ను అంతే కొత్తగా డీఫెరెంట్ గా ప్రెసెంట్ చేశాడు. కొన్ని సన్నివేశాల్లో ఇంట్రెస్ట్ మిస్ కావడం వంటి అంశాలు సినిమాకి కొంచెం మైనస్ అవ్వవచ్చు.

ఐతే, ఓవరాల్ గా ఈ ‘హిడింబ’ చిత్రం కొన్ని యాక్షన్ అండ్ థ్రిల్లింగ్ ఎలిమెంట్స్ తో సినీ ప్రేక్షకులనే కాకుండా సామాన్య ప్రేక్షకులను కూడా ఆకట్టుకుంది.

టాగ్ లైన్: గుడుంబా కిక్ ఇచ్చే హిడింబ!

18F Movies రేటింగ్: 3 / 5 

* కృష్ణ ప్రగడ.